JEREMÍAS 7:4 - Biblia Guarani Tumpa Iñee

⁴ Agüɨye perovia jókuae oporombotavɨ vae reta re. ¡YandeYa itupao ko kuae, ngaraa maratu yaasa!, jei vae reta re.

JEREMÍAS 7:4 Iomraidhean Croise

1 REYES 9:7

aekɨta Israel iñemuña reta kuae ɨvɨ amee chupe vae güi, amombota cheróvai güi kuae tupao añono tee vae, jare Israel toiko tëtaguasu reta opuka jese vaerä.

ISAÍAS 48:2

echa pe reta peñeenɨi tëta guasu oñeñono tee vae pe, jare Tumpa re güɨrovia vae reta pe, jae ko jee yandeYa Imbaepuere yae ete vae:

ISAÍAS 59:4

Mbaetɨ kia oñeapo jupi rupi, mbaetɨ vi kia oporojäa añetegüe rupi. Güɨrovia katu reta apu re, jare ñee añetembae re; ipurúa reta rami ikavimbae pe, jare omoë reta mbaeyoa.

ISAÍAS 66:1

YandeYa jei körai: “Ara ko jae cheguapɨa jenda, jare ɨvɨ ko jae chepɨ jenda; jayave, ¿ketɨ pa pepuereta peyapo cherorä?, jare ¿ketɨ pa peñonota cheputuúa rendarä?

JEREMÍAS 28:15

Jayave ñeemombeúa Jeremías jei ñeemombeúa Hananías pe: —¡Eyeapɨsaka, Hananías! YandeYa mbaetɨ tëi ndembou, ërei nde rembotavɨ kuae tëta, reroviauka chupe reta añetembae.

JEREMÍAS 29:23

Echa ɨvɨ Israel pe oyapo reta ikavimbae: Yogüɨreko aguasa rupi japicha reta jembireko ndive jare jei reta cheree re añetembae, che mbaetɨ ayókuai tëi jei vaerä reve. Che peYa jae kuae.’ ”

JEREMÍAS 29:31

“Emondo ere opaete tembipɨɨrä ñogüɨnoi ïru ɨvɨ pe vae reta pe, che peYa jae: Semaías, Nehelam pegua imiari ma peve cheree re che ayokuaimbae reve, jare güɨroviauka peve añetembae vae,

JEREMÍAS 6:14

Chembae vae reta ombopɨakatu vaerä jei reta, opaete mbae jaekavi ko oï, mbaetɨ tëi ikavi oï reve.

JEREMÍAS 7:14

Jáeramo, ayapota vi kuae o cheree oñeenɨi pɨpe vae pe, Silo pe ayapo rami; kuae pe reta perovia katu jese vae, che amee peve jare peñemuñagüe reta pe vae.

EZEQUIEL 13:19

Pe reta metei poagua cebada re jare mbovɨ mbɨyape re chemboeteä chembae vae reta jóvai; peyuka kia mbaetɨta tëi omano vae, jare pemaeño oikove jókuae mbaetɨta tëi ma oiko vae. Jökorai pembotavɨ chembae vae reta oyeapɨsaka apu re vae.’

MIQUEAS 3:11

Peruvicha reta oporojäa omboepɨuka vɨari iyeupe reve, sacerdote reta oporomboe okovara reve, ñeemombeúa reta omoërakua apu korepoti oipɨɨ vaerä; jare oyeko reta yandeYa re, jei reta reve: “YandeYa oï yande ndive; ngaraa maratu yaasa.”

SOFONÍAS 3:11

Jókuae ara ngaraa ma nemara pɨapochɨ rupi mbaembae reyapose chekotɨ vae güi. Echa jókuae ara opata aekɨ ndegüi ipɨapochɨ vae reta jare ipɨayemboete vae reta. Ngaraa ye ma ipɨayemboete reta cheɨvɨtɨ oñeñono tee vae re.

San Lucas 3:8

Peyapo ikavi vae, jökorai pemboyekuaa añetete peeya ko peyemongeta ikavimbae vae pepɨa pe penoi vae. Agüɨye pere peyeupe: ‘Ñaneñemuñagüe ko jae Abraham.’ Echa che jae peve kuae: Tumpa ipuere ko oyapo kuae ita reta güi Abraham iñemuña retarä.