JEREMÍAS 6:4 - Biblia Guarani Tumpa Iñee

⁴ Tovaicho reta jei: “¡Peyeapo katu ñañoraro vaerä! ¡Pepüa, ñaporepeña Jerusalén re, kuaraɨ ara mbɨte ma yave! Ërei, ¡kaaru yae ma, kuaraɨ oa ma!

JEREMÍAS 6:4 Iomraidhean Croise

JOB 7:2

Tembiokuai oipotaecha küaraɨa pe oï tëi vae rami, jare ara ñavo iparavɨkɨ jepɨ chupe vae, oäro rami.

CANTARES 2:17

Köe jembipe ma ou, jare pɨ̈tu ojo ma ramboeve eyu ye, che roaɨu vae; guasu rami, guasukaka taɨrusu vae rami Beter iɨvɨtɨ rupi.

JEREMÍAS 15:8

Aeya ipɨte reta pe jeta imemano vae reta, ɨguasu jembeɨ pe jeta yae ɨvɨkuitï rami. Kuaraɨ ara mbɨte yave ambou chupe reta mano, ichɨ reta re jare imembɨraɨe reta re; iparanoe ambouta chupe reta mbɨatɨtɨ jare kɨɨye.

JEREMÍAS 15:9

Jeta imembɨ vae ipɨatɨtɨ yae, jare ipɨtu yae opɨta, imara jare oñemomichi yae, ara jembipe vae pɨtumimbi chupe. Kia nunga chugüi reta oikoveño vae, jovaicho reta pe ayukaukata. Che ndeYa jae kuae.”

JEREMÍAS 5:10

¡Toike tovaicho reta chupe, jare topa tomboai reta, uvarupa tomboai reta, ërei agüɨye opaetei tomboai! ¡Jäka topa toakɨo reta, echa chembaeä ma ko!

JEREMÍAS 6:23

Jembiporu reta ñeraro pegua uvɨ jare mii; ipɨa-pïrimbae reta ko jare mbaetɨ etei oporoparareko reta; isapúkai reta ɨguasu jɨapu rami, opo reta yogüeru kavayu re, oïndaivi oñeraro reta vaerä, pe Sión pegua reta ndive.”

JEREMÍAS 8:20

Oasa maetɨ iara, oasa mbaarɨvo, ërei oreve mbaetɨ mbɨakatu.

JOEL 3:9

Pemoërakua kuae tëtaguasu reta pe: ¡Pemoërakua ñeraro! ¡Pemombarandu jëia vae reta! ¡Toyogüeru opaete kuimbae ñeraro regua reta!

ABDÍAS 1:1

Abdías omboresive ñee yandeYa güi Edom regua, mbae oechauka chupe vae rupi. Roendu yandeYa güi ñee; metei ñee jerajaa ojo tëtaguasu reta rupi, jei vaerä chupe reta: “¡Pepüa! ¡Yaja ñañeraro Edom pegua reta ndive!” YandeYa Tumpa jei Edom pegua reta pe:

MIQUEAS 3:5

Körai jei yandeYa, ñeemombeúa reta regua: “Chembae vae reta pe oyavɨuka vae reta jei: ‘Toime mbɨakatu’ jei reta osapúkai omongaru vae reta pe, ërei mbaetɨ omongaru vae reta pe oeka reta ñeraro.”

SOFONÍAS 2:4

Tëta guasu Gaza opɨtata ipombae, jare tëta guasu Ascalón opɨtata kïrii ngatu; jare tëta guasu Asdod pegua reta opata oñerenoeuka oyemombo kuaraɨ ara mbɨte pe etei, tëta guasu Ecrón pegua reta opata oñemokañɨtei.