JEREMÍAS 5:7 - Biblia Guarani Tumpa Iñee

⁷ YandeYa jei: “Cheɨ̈ro rapeä ko ndeve opaete kuae re. Peraɨ reta chereeya, jare jei reta mbae tumpa-raanga jee re. Amee jeta jembíu retarä, ërei mbaetɨ jeko kavi reta cheve, opaete vae yogüɨreko menda re oyuvanga vae rami.

JEREMÍAS 5:7 Iomraidhean Croise

2 CRÓNICAS 13:9

¿Pe retaä yera opa pemombo yandeYa isacerdote reta, Aarón iñemuña reta jare levita reta, javoi peñono sacerdoterä ïru tëta pegua reta oyapo rami? ¡Oipotagüe ou vaerä oñeñono tee metei toro taɨrusu vae jare chiu vecha kuimbae ndive oiko vaerä tumpa-raanga reta isacerdoterä!

JOB 31:12

Echa tata oporomboai rami vae ko, omboaita Abadón ave, omboaita opaete mbae anoi vae.

SALMOS 50:18

Imonda vae reecha yave reo jupíe; ¡reñemoïru menda re oyuvanga vae reta ndive!

JEREMÍAS 12:16

Jae reta omboe chembae vae reta jei vaerä mbae Baal jee re, ërei oyapo reta yave añetete rupi chembae vae reta oyapo rami, jare jei reta mbae che cheree re yave, ipuere yogüɨreko chembae vae reta ipɨte pe.

JEREMÍAS 13:27

Aecha ko ndepɨa mbokere, aguasa reyapogüe, ndereko mbokere reyeapo vae, ɨvɨtɨ jare kaa rupi pɨ̈chɨi yae reyapogüe. ¡Ndeparavete, Jerusalén! ¿Kërai yave pa reyetɨota cheróvai? ¿Kërai yave regua ra ndekɨata reiko?”

JEREMÍAS 16:11

Jayave nde ere chupe reta: ‘YandeYa jei: Peñemuñagüe reta chereeya jare omboete reta tumpa-raanga reta; oyeokuai jare oyetavatɨka reta chupe reta; chereeya reta jare mbaetɨ oyapo reta cheporookuai.

JEREMÍAS 16:20

¿Ipuere ra kuimbae oyapo iyeupe itumpa retarä? ¡Jökorai yave, jókuae tumpa reta mbaetɨ ko tumpa añetete vae!”

JEREMÍAS 2:11

¿Kia nunga tëtaguasu oipoepɨ ra itumpa reta? ¡Yepe tëi jókuae reta ko tumpa añetembae! Ërei kuae tëta chembae chereeya, iyemboetearä aiko tëi vae, chepoepɨ reta tumpa-raanga mbaetɨ mbae ra osirive vae ndive.

JEREMÍAS 2:31

Israel iñemuña reta añave pegua, peyeapɨsaka che peYa iñee re. ¿Ñuu pa ko che ndeve? ani, ¿metei ɨvɨ pɨtumimbi vae pa? Tëta chembae vae: ¿Maera pa rere: ‘Nderembipɨɨä ko ore; ngaraa ye ma royerova ndekotɨ’?

JEREMÍAS 23:10

Echa tëtaguasu tɨnɨe iyaguasa pota vae reta, kuimbae reta osɨi oyapo ikavimbae, imbaepuere oiporu reta jupimbae oyapo reta vaerä. Jáeramo yandeYa oyepopeyu ɨvɨ re, jare ɨvɨ otini, jare kapii ñuu rupigua opa ipiru.

JEREMÍAS 3:19

Israel, che ko aipota reiko cheraɨrä, jare amee ndeve ɨvɨ ipotaa yae vae, tëtaguasu reta iɨvɨ ikavi yae vae. Ayemongeta ko rere vaerä cheve cheRu, jare mbaetɨ yeta resɨrɨ chegüi.

JEREMÍAS 3:8

oecha vi amombo ipɨapochɨ vae Israel, iyaguasa pota jeko pegua; ërei ipɨkɨɨ ipɨapochɨ vae Judá, mbaetɨ oipoɨu, jaeño ojo vi oñemee oiko vaerä aguasa rupi.

JEREMÍAS 7:9

Pemaeñomi, peporoyuka, peyuvanga menda re, peñererökuavee jaanga, peapɨ ikäti kavi vae incienso Baal pe, jare pemboete tumpa ambuae mbaetɨ peikuaa vae reta.

JEREMÍAS 9:1

¡Mbae mona cheäka ɨkua rami, jare cheresa ɨesaɨ rami, aäpiro vaerä ara rupi jare pɨ̈tu rupi cherëtaɨgua reta omano vae!

JEREMÍAS 9:2

¡Kia mona omee cheve ñuu pe teyupa aputuu vaerä, aja vaerä mombɨrɨ aï cherëtaɨgua reta güi! Echa opaete jae reta jupimbae ko, ipɨapochɨ vae reta ko.

LAMENTACIONES 3:42

OreYa, oreyoa yae jare orepɨapochɨ ndekotɨ, jare nde mbaetɨ neɨ̈ro oreve.

EZEQUIEL 22:11

Amogüe reta oyapo ikavimbae yae vae: Oasa japicha jembireko ndive, taɨ jembireko ndive, ani oasa jeindɨ tu tee vae ndive.

OSEAS 11:8

¿Maera pa roeyata, Efraín? ¿Maera pa romeeta tovaicho pe, Israel? ¿Maera pa ayapota ndeve tëta Adma rami, ani ramo Zeboim rami? ¡Chepɨatɨtɨ ko nderé, roaɨu yae ko!

OSEAS 13:6

Ërei pe reta jeta tembíu penoi yave, peyembotuicha jare peakañɨ chegüi.

OSEAS 4:2

Jei raangaiño mbae oyapo vaerä, apu, yoyuka, maeñomi, aguasa; kuaekuae reta jeta jare oyoyuka vae oyoaɨkue yoaɨkueño.

OSEAS 7:4

Opaete jae reta iyaguasa pota vae ko; horno oyeatapɨ vae rami mbɨyape iyapoa oatapɨ oeya horno, ovu ramboeve mbɨyaperä vae.

LEVÍTICO 20:10

Metei kuimbae oiko yave aguasa rupi japicha jembireko ndive, jókuae menda re oyuvanga vae reta, tomano opa reve oñeärombae reve.

AMÓS 8:14

Samaria pegua tumpa-raanga reta omboete reta vae jei: ‘Dan iñemuña reta, oikove ko netumpa’, jare ‘Beerseba pegua tumpa-raanga reta’, jókuae reta ogüɨapita, ngaraa ye ma opüa reta.”

SOFONÍAS 1:5

Amboaita jo iárambo oyeupi oyetavatɨka omboete vaerä yasɨtata, kuaraɨ, yasɨ vae, jare oyetavatɨka reta jei cheree re jare itumpa-raanga Milcom jee re vae reta.

MALAQUÍAS 3:5

Jei yandeYa Imbaepuere yae ete vae: “Jare ayuta pekotɨ aporojäa vaerä; amoañete vaerä imbaekuaa vae reta jeko jare iyaguasa vae reta, yapu reve imiari vae reta, jembiokuai pe mbaetɨ omboepɨ kavi vae reta, imemano vae tɨ̈reɨ, jare ketɨgua pe jupimbae oyapo vae reta mbaetɨ reve oipoɨu reta chegüi.”

1 Corintios 6:9

¿Mbaetɨ pa peikuaa jupimbae vae reta ngaraa yogüɨreko Tumpa iporookuaía pe vae? Agüɨye peyavɨ. Aguasa oyapo vae reta, itumpa-raanga pota vae reta, menda re oyuvanga vae reta, kuimbae kuña jeko omomora vae reta, kuimbae oyoupii oyogüɨreko vae reta,

1 Corintios 8:4

Jayave soo oñemee tumpa-raanga reta pe vae, yaikuaa ko tumpa-raanga mbaeä etei kuae ɨvɨ pe. Jare yaikuaa Tumpa meteiño ko.

Gálatas 4:8

Añete ko, tenonde rupi mbaetɨ peikuaa Tumpa yave, peyeokuaise tumpambae reta pe.

DEUTERONOMIO 32:15

Ërei ikɨra Jesurún, jare opatara (ikɨra yae jeko pegua, jembipe etei ipire): Jayave oeya reta iTumpa, jae reta iyapoa; güɨröɨro reta jeepɨa Ita guasu rami vae.

DEUTERONOMIO 32:21

Chemoägüɨrouka reta tumpambae vae re, chemboarasɨuka reta tumpa-raanga reta re; ¡che amoägüɨroukata vi metei tëta ambuae vae re, amboarasɨukata metei tëtaguasu mbaetɨ oipota oendu vae rupi!

Hebreos 13:4

Opaete vae tomboete menda, agüɨye tomongɨa menda vae, echa Tumpa ojäata aguasa oyapo vae reta jare menda re oyuvanga vae reta.

Santiago 4:4

Pe reta menda re oyuvanga vae reta rami ko. ¿Mbaetɨ pa peikuaa oñomoïru ɨvɨ pegua ndive vae oyovaicho ko Tumpa ndive? Oipotagüe oñemoïru ɨvɨ pegua ndive vae, oyeapo ko Tumpa jovaichorä.

JOSUÉ 23:7

agüɨye vaerä peyea kuae tëtaguasu reta opɨta pepɨte pe vae ndive, agüɨye peenɨi itumpa reta jare agüɨye mbae peiporu jare peyapo itumpa reta jee re, agüɨye peyeokuai chupe, agüɨye ave peyetavatɨka jae reta jóvai.