JEREMÍAS 5:1 - Biblia Guarani Tumpa Iñee

¹ YandeYa jei: “Peguata Jerusalén pegua kaye reta rupi, pemae kavi, peeka joka guasu rupi, yaecha ra peväe kia jupi vae oyapo vae, jare añetegüe rupi oiko vae. Peväe yave cheɨ̈rota Jerusalén pe.

JEREMÍAS 5:1 Iomraidhean Croise

1 REYES 19:10

Jare jae jei: “Ayandu cherägüɨro yae nde cheYa Tumpa Imbaepuere yae ete vae re; echa Israel iñemuña reta oeya morogüɨrökuavee päve reyapo vae, jare opa omboai reta mɨmba oyeyuka oyeapɨ jese vae reta ndembae, jare opa oyuka reta kɨsepuku pe neñeemombeúa reta; jaeño che apɨta, jare añave chereeka reta cheyuka vaerä.”

2 CRÓNICAS 16:9

Echa yandeYa omae opaete ɨvɨ re, jae omborɨ ipɨa jupi rupi oiko chupe vae. ¡Kuae reyapo iyarakuaambae rami! Echa kuae güi tenonde kotɨ oimeta ndekotɨ jeta ñeraro.”

SALMOS 12:1

OreYa Tumpa, orereroasayepe, echa mbaetɨve ma jupi rupi yogüɨreko ndeve vae, opa ma okañɨ kuimbae reta ipɨte güi.

SALMOS 14:2

YandeYa omae ara güi opaete kuimbae reta re, oecha vaerä oime ra kia iyarakuaa vae, oeka Tumpa vae.

SALMOS 14:3

Opaetei opia, metei rami oñererokomegua reta; mbaetɨ kia oyapo ikavi vae, mbaetɨ metei ave yepe.

SALMOS 94:16

¿Kia pa chereepɨta jeko kavimbae reta güi? ¿Kia pa chereepɨta ikavimbae iyapoa reta güi?

PROVERBIOS 20:6

Jeta kuimbae reta jei iyeupe ipɨakavi yae ko vae, ërei kuimbae añete vae, ¿kia pa oväeta?

PROVERBIOS 23:23

Eväe añetete vae, arakuaa, mboromboe jare arakuaa katu, jare ¡agüɨye emee!

PROVERBIOS 8:3

öke reta iyɨke pe, tëta guasu jöke pe, oñemoñee, jei:

CANTARES 3:2

Jayave apüa jare aguata opaete tëta guasu rupi, aeka vaerä aaɨu vae, kaye rupi jare oka guasu rupi. Aeka tëi, ërei mbaetɨ aväe.

ISAÍAS 59:4

Mbaetɨ kia oñeapo jupi rupi, mbaetɨ vi kia oporojäa añetegüe rupi. Güɨrovia katu reta apu re, jare ñee añetembae re; ipurúa reta rami ikavimbae pe, jare omoë reta mbaeyoa.

JEREMÍAS 2:29

¿Mbae pa peipota che ndive, opaete pe reta, peyembopɨapochɨ ko chekotɨ? Che peYa jae.

JEREMÍAS 44:15

Jayave, opaete oikuaa ko jembireko oapɨ ikäti kavi vae incienso tumpa ambuae reta pe vae reta, jare opaete kuña reta ñogüɨnoi joko pe vae, jare Judáɨgua yogüɨreko Patros pe ɨvɨ Egipto pe vae reta, jei reta ñee Jeremías pe:

JEREMÍAS 8:6

Ayeapɨsaka avei aiko, ërei mbaetɨ kia ave aendu oyembopɨambuae jeko kavimbae güi jare jei: ¿Mbae pa ko ayapo? Opaete vae ojo jape rupi ae ae, kavayu osɨi ñeraroa kotɨ rami.

JEREMÍAS 9:2

¡Kia mona omee cheve ñuu pe teyupa aputuu vaerä, aja vaerä mombɨrɨ aï cherëtaɨgua reta güi! Echa opaete jae reta jupimbae ko, ipɨapochɨ vae reta ko.

JEREMÍAS 9:7

Jáeramo che, peYa Imbaepuere yae ete vae, jae: Mbaetɨ ye mbae ayapo vaerä tëta chembae vae ndive, jaeño tata pe añonota ambokavi vaerä.

EZEQUIEL 22:30

Aeka tëi kia oñemoe kuae ɨvɨ re vae, oepɨ vaerä, oyerure vaerä cheve, agüɨye vaerä opa amboai, ërei mbaetɨ aväe chupe.

EZEQUIEL 9:9

YandeYa jei cheve: “Mbaeyoa oyapo Israel pegua jare Judá pegua reta vae ikaviä yae ko. Kuae ɨvɨ pe jeta yae oyoyuka vae; jare kuae tëta guasu pe jeta jupimbae. Echa jei reta: ‘YandeYa oeya ma ko kuae ɨvɨ, ngaraa oecha yayapogüe.’

DANIEL 12:4

‘Ërei nde Daniel, kuae ñee reta jare tembikuatía eyokenda toï ou ara iyapɨ oväe regua. Jeta kotɨ kotɨ oeka reta tëita, jare yemboe okuakuaata.’

JOEL 2:9

Oike reta tëta guasu pe, osɨi reta tëta guasu ikësea rupi, oyeupi reta o re, oike reta ventana rupi imonda vae reta rami.

AMÓS 8:12

Matɨ rupi ko oeka reta tëita yandeYa iñee; ɨvɨtuguasu güive kuaraɨ oëa kotɨ; ërei mbaetɨta oväe chupe.

ZACARÍAS 2:4

Jare jei chupe: “Esɨi ekua nemiari kunumi güɨnoi tɨmasa raɨ vae pe, körai: ‘Jerusalén ikëseambaeñota, kuimbae jare mbaemɨmba jeta yae vae jeko pegua.

San Lucas 14:21

Jayave tembiokuai ou ye iya pe jare omombeu chupe opaete kuae regua. Jayave iya iyarasɨ reve jei jembiokuai pe: “Ekua jarembae voi opaete oka guasu jare kaye rupi, jare eru kuae pe paravete vae reta, ipo jovaichombae reta, iköcho vae reta jare jesambae vae reta.”

2 Tesalonicenses 2:10

Oyapota oipotagüe mbae ikavimbae, ombotavɨ vaerä okañɨteita vae reta. Echa mbaetɨ omboresive reta mboroaɨu añete pegua, oyemboasauka vaerä.