JEREMÍAS 4:8 - Biblia Guarani Tumpa Iñee

⁸ Jáeramo peyemonde temimonde mbɨatɨtɨ pegua pe, peyaeo jare peräse pepɨatɨtɨ güi, echa yandeYa iyarasɨ mbaetɨ osɨrɨ oï yandegüi.”

JEREMÍAS 4:8 Iomraidhean Croise

SALMOS 78:49

Oitɨ jese reta iyarasɨ; ombou chupe reta tembiporara jare mbɨatɨtɨ, ikavimbae omoërakua rami.

ISAÍAS 10:4

Che mbaetɨ yave aï pe ndive, peñemomichiukata tembipɨɨ reta ndive, jare pemanota oyeyukauka vae reta ndive. Ërei yandeYa mbaetɨ iyarasɨ poi; jekuaeñoi iyarasɨ oï.

ISAÍAS 13:6

Peräse peyaeo, echa oväeta ma yandeYa iporojäa iara, Imbaepuere yae ete vae iporomokañɨtei ko.

ISAÍAS 22:12

Jáeramo, kuae ara yandeYa Imbaepuere yae ete vae, oparea peve reta peyaeo vaerä jare pepɨatɨtɨ vaerä, oparea peve reta peñeapi vaerä jare pemonde reta vaerä temimonde mbɨatɨtɨ pegua.

ISAÍAS 32:11

Pe, peiko pɨagüive vae reta, perɨrɨi pekɨɨye güi, jare pepɨa kɨɨye, pemboi jókuae peremimonde reta, jare peyemonde temimonde mbɨatɨtɨ pegua pe.

ISAÍAS 5:25

Jáeramo, yandeYa iyarasɨ tëta imbae vae kotɨ, jare omopüa ipo ikotɨ reta oinupa vaerä. Ɨvɨtɨ reta okana, jare tëogüe reta oyoa kaye rupi. Ërei yandeYa iyarasɨ mbaetɨ iröɨsa; oimeño ipo omopüa güɨnoi oporonupa vaerä.

ISAÍAS 9:12

Kuaraɨ oëa kotɨ güi Siriaɨgua reta, kuaraɨ oikea kotɨ güi filisteo reta. Metei jeia pe opa voi omokañɨtei reta Israel. Ërei yandeYa mbaetɨ iyarasɨ poi; jekuaeñoi iyarasɨ oï.

ISAÍAS 9:17

Jáeramo, yandeYa mbaetɨ ipɨakatu taɨrusu vae reta re, mbaetɨ oiparareko omae tɨ̈reɨ reta re jare imemano vae reta re. Echa opaete vae jupiä jare ikaviä jeko reta, opaete vae jei oipotagüeño. Ërei yandeYa mbaetɨ iyarasɨ poi; jekuaeñoi iyarasɨ oï.

ISAÍAS 9:21

Manasés opüata Efraín re, Efraín opüata Manasés re; kuae reta mókoi reve oñemopüata ɨvɨ Judá re. Ërei yandeYa mbaetɨ iyarasɨ poi; jekuaeñoi iyarasɨ oï.

JEREMÍAS 25:34

¡Vecha iyangarekoa reta, peräse mbae jasɨ güi! ¡Pe reta, vecha reta jeroataa reta, peyapayere ɨvɨ rupi! Echa oväe ara peyeyukauka vaerä jare opa vaerä peñemoai moai; opata peyeyuka vecha kuimbae rami.

JEREMÍAS 30:24

YandeYa iyarasɨ ngaraa oasa, jae oipota vae, opa oyapo regua. Oväeta ara peikuaa vaerä kuae mbaembae reta.

JEREMÍAS 48:20

Ñemomarai pe oï Moab jare mbɨatɨtɨ tuichagüe pe. ¡Peyaeo jasɨ katu reve jese! ¡Pemoërakua ɨ̈aka Arnón pe Moab oyemboai oï vae re!”

JEREMÍAS 6:26

¡Cherëtaɨgua reta, pemonde temimonde mbɨatɨtɨ pegua, peyapayere tanimbu rupi, peyemonde temimonde mbɨatɨtɨ pegua pe jare peyaeo jasɨ katu yae reve, michia jaevaeño vae omano yave oñeäpiro rami; echa oporomokañɨtei vae outa ete ma yandekotɨ!

LAMENTACIONES 1:12

Tape rupi peasa vae reta, ¿mbaetɨ pa cheparareko pemae cheré? ¡Pemae jare peyemongeta!, ¿oime ra che rami oiporara yae vae? ¡Echa cheYa ko oiporarauka cheve iyarasɨ iara pe!

EZEQUIEL 21:12

Nde kuimbae, ¡neräse jare jasɨ katu reve eyaeo, echa kuae kɨsepuku oyukata chembae vae reta jare opaete mburuvicha reta Israel pegua! Jae reta omanota chembae vae reta ndive, ekua ndeu re ndepɨatɨtɨ güi;

EZEQUIEL 30:2

“Nde kuimbae, emoërakua chupe reta maratuta oasa vae: ‘YandeYa Tumpa jei körai: Peñeäpiro jókuae ara outa vae re,

JOEL 1:13

Sacerdote reta, peyemonde temimonde mbɨatɨtɨ pegua pe, peyaeo, tupao pe peyeokuai vae reta; Tumpa jembiokuai reta, agüɨye pemboi temimonde mbɨatɨtɨ pegua, echa tupao pe mbaetɨ ma temitɨ jäɨgüe jare mbota vino oyepɨyere vae, Tumpa pe mbota oñemee vaerä.

AMÓS 8:10

Aipoepɨta pearete reta mbɨatɨtɨ pe, jare aipoepɨta petairari reta yaeo pe; jare amondeukata temimonde mbɨatɨtɨ pegua opaete vae pe, jare opaete vae ia oñapita; jókuae ara opaete vae oyaeota membɨrɨpɨ re rami, jare ojoita iyapɨ mbɨatɨtɨ tuicha vae ndive.

MIQUEAS 1:16

Sión, eñeapi nderaɨ reta reaɨu yae vae re ndepɨatɨtɨ jeko pegua; eyeapo guäpi iñäka rami, echa opa oyereraja tembipɨɨrä ndegüi.”

NÚMEROS 25:4

jare jei Moisés pe: —Emboatɨ opaete mburuvicha reta tëta pegua, jare eyuvɨ cheróvai ara pe etei mburuvicha itumpa-raanga pota vae reta, jayave chearasɨ poita ikotɨ reta.