JEREMÍAS 4:11 - Biblia Guarani Tumpa Iñee

¹¹ Jókuae ara rupi jei retata opaete vae reta pe, kuae Jerusalén pegua reta pe. “Ɨvɨtuakuvo ñuu kotɨgua oyepeyu cherëta kotɨ, mbaetɨ ko mbae oyembopiriri vaerä ani mbae oyetɨo vaerä ave;

JEREMÍAS 4:11 Iomraidhean Croise

SALMOS 11:6

Jeko kavimbae reta re ombouta mbaesusere tuicha vae, omongɨta jese reta tata azufre ndive, jare ɨvɨtuakuvo ombouta jese reta oapɨ vaerä. ¡YandeYa oiporaraukata chupe reta jeko re!

ISAÍAS 22:4

Jáeramo jae: Pemaeño tayaeo chepɨatɨtɨ yae reve, agüɨye peyemoambeko chembopɨakatu vaerä, kuae cherëta oyemboai vae güi.

ISAÍAS 27:8

Tumpa oiporarauka tëta imbae vae pe, omondo ɨvɨ ambuae kotɨ, opa omoë omondo ɨvɨtuai pe rami, ɨvɨtuakuvo yae vae pe rami.

ISAÍAS 41:16

Remboveveta jare opata ɨvɨtu güɨraja; kusumirou opata omoai moai. Ërei nde reyeroviata ndeYa re, reyemboeteta Tumpa Iyoambae Israel pegua re.

ISAÍAS 64:6

Opaete ore reta ko mbae ikɨa vae rami, orerembiapo kavi reta, tarapo ikɨa vae rami ko ndeve; opaete ore roa, ɨvɨra joo oa rami, jare orerembiapo kavimbae reta orereraja, ɨvɨtu güɨraja mbae rami.

JEREMÍAS 13:24

Jáeramo che opata pomoai moai, ɨvɨtu opa kapii javiyugüe güɨroveve ñuu pe rami.

JEREMÍAS 14:17

Ere opaete vae pe kuae ñee: ‘Toyepɨyere cheresaɨ, ara pe jare pɨ̈tu yave toyepɨyere iyapɨmbae, echa yavaetegüe susere ou cherëta re, tuicha yae ipere.

JEREMÍAS 23:19

YandeYa iyarasɨ outa ama ɨvɨtuai reve rami; outa ama ɨvɨtuai reve rami jeko kavimbae reta re.

JEREMÍAS 4:12

che ambouta ɨvɨtu vae, täta yaeta ko jókuae ɨvɨtu güi, echa jaema aiporaraukata chupe reta.”

JEREMÍAS 8:19

Mase, cherëtaɨgua reta jäse oyeendu opaete kuae ɨvɨ pe körai: “¿Mbaetɨ ma ra oï yandeYa Sión pe? ¿Mbaetɨ ma ra Juvicha guasu oï joko pe?” Jare yandeYa Jei: “¿Maera pa chemboarasɨuka tumpa-raangarä peñopa kavi peyapo vae rupi, jókuae tumpa-raanga mbaetɨ mbaerä osirive vae jare peikuaambae vae rupi?”

JEREMÍAS 9:1

¡Mbae mona cheäka ɨkua rami, jare cheresa ɨesaɨ rami, aäpiro vaerä ara rupi jare pɨ̈tu rupi cherëtaɨgua reta omano vae!

JEREMÍAS 9:7

Jáeramo che, peYa Imbaepuere yae ete vae, jae: Mbaetɨ ye mbae ayapo vaerä tëta chembae vae ndive, jaeño tata pe añonota ambokavi vaerä.

LAMENTACIONES 2:11

Cheresaɨ veä ma ayaeo mbatee güi, cheɨvɨte pe etei ayandu, jare chepɨa jëogüe yae, aecha ramboeve oyemboai cherëtaɨgua reta jëta guasu; michia okambu vae reta ave omano tëta guasu joka guasu rupi.

LAMENTACIONES 3:48

Ɨ rami oyepɨyere cheresaɨ, cherëta guasu pegua oiporara yae jeko pegua.

LAMENTACIONES 4:10

Kuña reta jupi vae, omboyɨ imembɨ tembiurä; ¡imembɨ reta aeño oyapo reta jembiurä, cherëta guasu iyemboai iara pe!

LAMENTACIONES 4:3

Aguarayaɨmba reta ombokambu imembɨ reta, ërei kuae cherëta guasu pegua reta yandu ñuu rupigua imembɨ oeya vae rami ko.

LAMENTACIONES 4:6

Echa jeiete yae cherëta guasu pegua reta iyoa, Sodoma pegua reta iyoa güi; jókuae tëta opa oyemboai jarembae pegua, mbaetɨ etei kia oporepeña jese reve.

EZEQUIEL 17:10

Yepe tëi oñotɨ pɨau yeta ngaraa ma oyepota; ipiruta ɨvɨtuakuvo oipeyu yave. Opata ipiru jókuae oñeotɨa pe.’ ”

EZEQUIEL 19:12

Ërei Tumpa arasɨ rupi oapomondorouka, oyeitɨuka ɨvɨ re, jare ɨvɨtuakuvo omotini, osururu chugüi ia, jäka reta ipoguasu vae yɨpi jare oyeitɨ tata pe.

OSEAS 13:15

Yepe tëi togüɨnoi jeta mbaembae jëtara reta ipɨte pe, outa ɨvɨtuakuvo, yandeYa iɨvɨtuai oyepeyu ñuu kotɨ güi vae, kuae omotinita jare omondɨpata ɨesaɨ reta. Tovaicho reta güɨrajata pembaembae jepɨ yae vae.

OSEAS 13:3

Jáeramo, ndeimbove yave ɨ̈vɨti oyekuaa vae ramita, ɨsápɨi köe pota yave oa vae ramita, jarembae okañɨ, ama ɨvɨtuai reve vae güɨroveve trigo pire javiyugüe ramita, jare tätati oë horno jemimbɨ rupi ramita.

OSEAS 4:19

¡Ɨvɨtu güɨroveve vae rami opata okañɨtei reta, jare oñemomaraiukata itumpa-raanga pota rupi!

HABACUC 1:11

Ɨvɨtuai rami oasa reta; oyapo reta ikavimbae, imbaepure güɨnoi reta itumpa reta güi.”

HABACUC 1:6

Caldeaɨgua reta pe ameeta oñeraro vaerä, jae ko ipɨa-pïrimbae yae vae reta, oïndaivi avei oguata vaerä opaete ɨvɨ rupi opɨ̈ro vaerä ɨvɨ ambuae vae.

San Mateo 3:12

Jae güeru ipo pe imbaembovevea, omboveve vaerä trigo; oñovatuta trigo jɨru pe. Ërei oapɨta ɨtɨ tata ogüembaea pe.”

San Lucas 3:17

Jae güeru ipo pe imbaembovevea, omboveve vaerä trigo; oñovatuta trigo jɨru pe. Ërei oapɨta ɨtɨ tata ogüembaea pe.”