JEREMÍAS 3:8 - Biblia Guarani Tumpa Iñee

⁸ oecha vi amombo ipɨapochɨ vae Israel, iyaguasa pota jeko pegua; ërei ipɨkɨɨ ipɨapochɨ vae Judá, mbaetɨ oipoɨu, jaeño ojo vi oñemee oiko vaerä aguasa rupi.

JEREMÍAS 3:8 Iomraidhean Croise

2 CRÓNICAS 21:11

Jare omopüa vi mbaemboete renda ɨvɨtɨ rupigua reta Judá pe, jare oyavɨuka Jerusalén pegua reta pe Tumpa kotɨ jae reta rami, jare opaete Judá pegua reta omombiauka Tumpa güi.

ISAÍAS 50:1

YandeYa jei körai: “¿Ayapouka pa tupapire yomombo pegua pesɨ Israel peguarä, ani pomee pa chepia chupe vae reta pe, chepia re? Peyoa reta jeko pegua ko opa peñemeeuka, pepɨapochɨ jeko pegua ko pesɨ Israel oyemombouka.

JEREMÍAS 2:19

Ikavimbae reyapo vae oiporaraukata ndeve, jupimbae reyapo vae nejäata. Eyemongeta jare reikuaata, ikavimbae yae ko reyapo chereeya jare mbaetɨ chemboete vae jeko pegua, che ndeYa Imbaepuere yae ete vae jae.

JEREMÍAS 3:1

YandeYa jei: “Metei kuimbae omombo yave jembireko, javoi jókuae kuña ojo omenda ïru kuimbae ndive yave, tenondegua ime ngaraa ma güɨreko ye. ¡Jókuae nunga, ikavimbae yae ko kuae tëtaguasu peguarä! Ërei ngatu nde, Israel, jeta yae ko ndeaguasa, ërei ¡añave peyerova ye chekotɨ! Che ndeYa jae kuae.

JEREMÍAS 33:24

“¿Mbaetɨ pa reikuaa amogüe ketɨgua reta kuae pe yogüɨreko vae jei che aröɨro ko mókoi tëtara aiparavo vae, jae ko Israel jare Judá? ¡Jáeramo güɨröɨro reve omae reta chembae vae reta re, jare mbaetɨ ma oipapa tëtaguasu rami!

JEREMÍAS 5:7

YandeYa jei: “Cheɨ̈ro rapeä ko ndeve opaete kuae re. Peraɨ reta chereeya, jare jei reta mbae tumpa-raanga jee re. Amee jeta jembíu retarä, ërei mbaetɨ jeko kavi reta cheve, opaete vae yogüɨreko menda re oyuvanga vae rami.

EZEQUIEL 16:46

Ɨvɨtuguasu kotɨ oï nderɨke, tëta guasu Samaria, jare iyɨvɨrigua tëta raɨ reta; arayevɨ kotɨ oï ndepɨkɨɨ, tëta guasu Sodoma jare opaete iyɨvɨrigua tëta raɨ reta.

EZEQUIEL 16:47

Nde reiko jae reta yogüɨreko rami, reyapo jae reta oyapo vae. Ërei mbaetɨ ndeangapɨɨ, ndereko oasa ete yé ikaviä chugüi reta.

EZEQUIEL 16:51

Ërei Samaria mbaetɨ oyapo mbɨte ave nde mbaeyoa reta reyapo vae. Nde oasa ete yé reyapo mbaeyoa chugüi reta; oyemboyovake yave peyapogüe, jae reta jupiñota opɨta.

EZEQUIEL 23:44

Echa yogüeru reta ípɨri, kia ou kuña jete omee vae reta pɨri rami, jökorai yogüeru iyaguasa pota vae Ahola jare Aholiba pɨri.’

EZEQUIEL 23:9

Jáeramo amee iyaguasa Asiriaɨgua reta ipo pe, jókuae jae iporopota jese vae pe.

OSEAS 3:4

Echa ɨma rupi Israel iñemuña reta yogüɨrekota juvicha guasumbae, itenondeguambae ngaraa ma omee mɨmba oyeyukagüe, ngaraa ma oime mbae iä, ngaraa ma sacerdote reta omonde temimonde sacerdote pegua, ngaraa ma oime o rupigua tumpa-raanga reta.

DEUTERONOMIO 24:1

Kia nunga vae omenda yave kuña ndive, ërei mbaetɨ ipɨakatu yave oime ramo oväe jese ikavimbae, toikuatía chupe tupapire yomombo pegua, jare tomee ipo pe, jare tomondo jo güi.

DEUTERONOMIO 24:3

ërei kuae ime taɨkue rupi güɨreko vae güɨröɨro yave, jare oikuatía yave chupe tupapire yomombo pegua, jare omee yave ipo pe, jare omondo jëta güi; ani omano yave kuae kuimbae taɨkue rupi güɨreko vae,