JEREMÍAS 3:12 - Biblia Guarani Tumpa Iñee

¹² Ekua jare emoërakua kuae ñee remae reve ɨvɨtuguasu kotɨ, jare ere: ‘YandeYa jei: ¡Peyerova ye chekotɨ ipɨapochɨ vae Israel! Ngaraa chearasɨ aitɨ nderé, echa che cheporoparareko vae ko, ngaraa chearasɨ aiko jekuae avei. Che ndeYa jae kuae ndeve.

JEREMÍAS 3:12 Iomraidhean Croise

GÉNESIS 4:7

Reyapo yave viña ikavi vaeño, ngaraa tëi ko jökorai reï. Ërei mbaetɨ yave reyapo ikavi vaeño, eyeandu, mbaeyoa okätɨro oï nderé öke pe ndepɨɨ vaerä. Ërei nde ndepuere ko remoamɨri.”

2 REYES 15:29

Peka oiko mburuvicha guasurä Israel pe yave ou Tiglat-pileser Asiriaɨgua reta juvicha guasu, jare opɨ̈ro Ijón, Abel-bet-maaca, Janoa, Cedes, Hazor, Galaad, Galilea jare opaete ɨvɨ Neftalí; jare joko pegua reta opa güɨraja tembipɨɨrä Asiria pe.

2 REYES 17:23

Taɨkue ete rupi yandeYa omoë omombo iyeugüi, jae jei rami opaete iñeemombeúa reta rupi; jare Israel pegua reta oyererajauka tembipɨɨrä iɨvɨ güi Asiria pe, joko pe yogüɨreko añave rupi.

2 REYES 17:6

Oseas chau año ma oiko mburuvicha guasurä yave, mburuvicha guasu Asiria pegua oike tëta guasu Samaria omoamɨri, jare güɨraja Israel pegua reta tembipɨɨrä Asiria pe, jare oñono Halah pe, Habor pe, ɨ̈aka Gozán iyɨ́vɨri, jare ɨvɨ Media pegua reta jëta guasu reta rupi.

2 REYES 18:1

Oseas, Ela taɨ mboapɨ año ma oiko mburuvicha guasurä Israel pe yave, Ezequías omboɨpɨ oï mburuvicha guasurä Judá pe, jae ko Acaz mburuvicha guasu Judá pegua taɨ.

2 CRÓNICAS 29:10

Añave, che añeñono ayapo vaerä morogüɨrökuavee päve yandeYa ndive, Israel iTumpa ndive, agüɨye vaerä mo iyarasɨ yandekotɨ.

2 CRÓNICAS 30:9

Pe reta peyerova ye yandeYa kotɨ yave, tovaicho reta iporopararekota perëtara reta jare peraɨ reta ñogüɨnoi tembipɨɨrä jae reta ipo pe vae re, jare omaeñota yogüeru ye kuae ɨvɨ pe, echa yandeYa Tumpa ipɨakavi jare iporoparareko, ngaraa ko pereröɨro, pe reta peyerova ye ikotɨ yave.”

SALMOS 103:17

Ërei yandeYa iporoparareko, opambae vae ko, oipoɨu chugüi vae reta re; imbaejupi jekuae kuae rupi vae ko,

SALMOS 103:8

YandeYa, iporoparareko yae vae ko jare oyeaeä yae vae ko; jae mbaetɨ iyarasɨ raivi vae ko jare iporoparareko yae vae.

SALMOS 103:9

Mbaetɨ ko oñeengata avei yandeve, mbaetɨ vi iyarasɨ avei;

SALMOS 145:8

YandeYa iyeaeä vae jare iporoparareko vae ko, jae mbaetɨ iyarasɨ raivi vae ko, iporoparareko yae vae ko.

SALMOS 79:5

CheRu Tumpa, ¿kërai yave regua pa ndearasɨta? ¿Ndearasɨ yae aveita pa nerägüɨro jeko pegua?

SALMOS 86:15

Ërei nde cheYa, Tumpa iporoparareko yae vae, mbaetɨ iyarasɨ raivi vae, tuicha iporoparareko jare añete vae ko.

SALMOS 86:5

Echa nde cheYa, ndepɨakavi jare neɨ̈ro vae ko; ndeporoparareko tuicha yae ko nereenɨi vae reta kotɨ.

PROVERBIOS 28:13

Ngaraa oiko kavi, imbaeyoa reta oikuaku vae, ërei oyemombeu vae jare oeya ete iyoa vae, oikota mboroparareko rupi.

ISAÍAS 31:6

Israel iñemuña reta, peyerova ye jókuae peyembopɨapochɨ yae ikotɨ vae kotɨ.

ISAÍAS 44:22

Opa amboai ndepɨapochɨ reve reyavɨgüe amapɨtu opa okañɨ rami, jare ɨ̈vɨti rami opa amokañɨ ndeyoa reta. Eyerova ye chekotɨ, echa che royora.”

JEREMÍAS 11:6

Jayave yandeYa jei cheve: “Emoërakua opaete kuae ñee tëta guasu reta Judá pegua pe jare kaye Jerusalén pegua rupi, körai: ‘Peyeapɨsaka morogüɨrökuavee päve pegua ñee reta jei vae re jare peyapo.

JEREMÍAS 12:15

Ërei anoe güire cheporoparareko yeta jese reta, aroyerova reta yeta iɨvɨ ae ae pe jare jëta jëta ae pe.

JEREMÍAS 23:8

Jaeño jei retata: ‘YandeYa oikove avei vae jee re Israel iñemuña reta güɨnoe ɨvɨtuguasu kotɨgua ɨvɨ güi vae jare opaete ïru tëtaguasu reta rupi jae opa omoai moaia kotɨ güi vae.’ Jare yogüɨreko retata iɨvɨ ae pe.”

JEREMÍAS 3:1

YandeYa jei: “Metei kuimbae omombo yave jembireko, javoi jókuae kuña ojo omenda ïru kuimbae ndive yave, tenondegua ime ngaraa ma güɨreko ye. ¡Jókuae nunga, ikavimbae yae ko kuae tëtaguasu peguarä! Ërei ngatu nde, Israel, jeta yae ko ndeaguasa, ërei ¡añave peyerova ye chekotɨ! Che ndeYa jae kuae.

JEREMÍAS 3:14

YandeYa jei: “Ipɨapochɨ vae reta, peyerova ye, che ko peYa. Perëta guasu ñavo güi aipɨɨta metei jare tëtara ñavo güi mókoi, jare pogüɨrajata Sión pe.

JEREMÍAS 3:18

Jókuae ara oväe ma yave, Judá oñemometeita Israel ndive, jare oyerova päveta ɨvɨtuguasu kotɨgua tëtaguasu kotɨ güi, che ɨvɨ amee iñemuñagüe reta pe vae pe.

JEREMÍAS 3:22

Peyerova ye chekotɨ, cheraɨ ipɨapochɨ vae reta, jare che popoanota pepɨapochɨ güi.” “Ko royu ndekotɨ, echa nde jae ko oreYa Tumpa.

JEREMÍAS 3:5

ndearasɨ aveita pa reiko? ¿Ndearasɨta pa jekuae ave rupi?’ Körai rere tëi cheve reve, reyapo jeta mbae ikavimbae.”

JEREMÍAS 3:7

Ayemongeta ko kuae teko opa oyapo yave, oyerova yeta chekotɨ; ërei mbaetɨ oyerova. Jare ipɨkɨɨ ipɨapochɨ vae Judá oecha jókuae;

JEREMÍAS 30:11

Che, peYa jae: Aï pe ndive pogüɨroasayepe vaerä. Amboaita opaete tëtaguasu reta jókuae opa pomoai moaia rupigua. Ërei pe mbaetɨta pomboai; jaeño aiporaraukata peve pereko oï rupi; ngaraa poeya peiporarambae.”

JEREMÍAS 31:20

Tëta Efraín, jae ko cheraɨ aaɨu yae vae, jae ko cheraɨ chepɨa oyerovia yae jese vae. Añeengata chupe tëi reve, mbaetɨi cheakañɨ chugüi; chepɨa pe chemaendúa avei jese jare aiparareko yae. Che ndeYa ko jae kuae.

JEREMÍAS 31:21

Israel, emokañɨmaa tape yavaimbae reve reväe ye vaerä. ¡Israel, emae kavi jese, eyerova ye jokoropi; eyerova ye nerëta guasu reta kotɨ!

JEREMÍAS 31:8

Aru reta yeta tëtaguasu ɨvɨtuguasu kotɨgua güi, jare opata amboatɨ ɨvɨ iyapɨ kotɨ güi. Yogüeruta jae reta ndive jesambae reta jare iköcho vae reta, kuña reta ipurúa vae jare imembɨ oa ma vae. ¡Jeta yeyé yogüeruta jupíe reta!

JEREMÍAS 33:26

Jökorai ngaraa etei aröɨro cherembiokuai Jacob jare David iñemuña reta, ngaraa amaeño oata kia oporookuai vaerä Abraham, Isaac jare Jacob iñemuña reta re vae. Echa che cheporopararekota jese reta jare aru yeta tembipɨɨrä yogüɨrekoa güi.”

JEREMÍAS 4:1

YandeYa jei: “Israel, reyerova ye ko yave, eyerova ye chekotɨ. Rembosɨrɨ yave netumpa-raanga reta ikavimbae yae vae cheróvai güi jare mbaetɨta ma resɨrɨ chegüi yave,

LAMENTACIONES 3:22

YandeYa iporoparareko jeko pegua mbaetɨ opa ñakañɨtei, echa mbaetɨi opa iporoparareko.

EZEQUIEL 11:17

Jáeramo ere chupe reta: ‘Körai jei yandeYa Tumpa: Che ko aru ye retata ïru ɨvɨ güi, jare amboatɨ reta yeta opaete ïru tëtaguasu reta rupi amoai moaia güi, jare ameeta chupe reta ɨvɨ Israel.

EZEQUIEL 33:11

Ere chupe reta: YandeYa Tumpa jei iyé aeño: Mbaetɨ aipota iyoa vae omano, aipota vae ko jae oyepoepɨ vaerä jeko güi oikove vaerä. Israel, eeya ndereko ikavimbae vae, ¿maera pa remanota?’

EZEQUIEL 39:25

Jáeramo che peYa Tumpa jae körai: Añave ayuta amborɨ Jacob iñemuña reta tembipɨɨrä ñogüɨnoi vae, aipararekota opaete Israel iñemuña reta, cherägüɨro reve aechaukata cheree ikɨambae vae.

OSEAS 6:1

Peyu jare yayerova ye yandeYa kotɨ; echa jae yandemboai, ërei jae ñaneñono kavi yeta, jae yandembopere, ërei jae ñanepoanota.

LEVÍTICO 26:40

Ërei peyemombeu yave ikavimbae peyapo vae re, peñemuñagüe reta oyapo rami peyapo vae re, jare oyovaicho reta yogüɨreko che ndive vae rami,

ZACARÍAS 1:4

Agüɨye peiko peñemuñagüe reta rami, chupe reta tenondegua ñeemombeúa reta oñemoñee, jei reve: YandeYa Imbaepuere yae ete vae jei: Peyerova ye añave pereko kavimbae güi jare perembiapo kavimbae güi; ërei jae reta mbaetɨ oipota oyeapɨsaka jare oendu reta cheñee, jei yandeYa.

DEUTERONOMIO 30:2

jare peyerova ye yandeYa Tumpa kotɨ opaete pepɨa ndive jare perekove ndive yave, jare peendu yave yandeYa iñee che añave poyókuai rami, pe jare peraɨ reta,