JEREMÍAS 22:3 - Biblia Guarani Tumpa Iñee

³ Kuae pe, peyapo jupi vae jare sɨmbi vae, peyora jasɨ katu oiko vae oporogüɨrekoasɨ katu vae ipo güi, agüɨye pembotavɨ ani mbae peñomi ketɨgua güi, tɨ̈reɨ güi ani imemano vae güi. Agüɨye peyuka jekombae.

JEREMÍAS 22:3 Iomraidhean Croise

2 SAMUEL 23:3

Israel iTumpa jei, Israel iyangarekoa jei cheve: ‘Mburuvicha güɨroata yave jupi rupi jëta pegua reta, Tumpa güi oipoɨu reve kavi güɨroata vae,

2 REYES 24:4

jekombae reta oyuka vae re, echa jeta yae Jerusalén pe jekombae reve omano vae; jáeramo yandeYa mbaetɨ oipota iñɨ̈ro chupe.

JOB 22:9

Imemano vae reta ipogüɨrai remondo, tɨ̈reɨ reta re reyuvanga katu.

JOB 24:9

Jeko kavimbae reta opɨ̈ro imemano vae reta güi imembɨ raɨ, jare paravete vae reta güi opɨ̈ro imbaembae.

SALMOS 68:5

Tumpa, oiko jo oñeñono tee vae pe vae, jae ko tɨ̈reɨ reta tu jare imemano vae reta jepɨa vae.

SALMOS 82:4

¡Peroasayepe ipɨatɨtɨ vae jare mbae re oata vae, peroasayepe iyoa vae reta ipo güi!

SALMOS 94:21

Oyomboatɨ reta oyemongeta jupi vae jekove re, jare omometei reta yemongeta, oyuka vaerä jekombae vae.

SALMOS 94:6

Oyuka reta imemano vae jare ketɨgua, tɨ̈reɨ oyuka reta vi.

ÉXODO 22:21

Agüɨye pembotavɨ jare peiporarauka ketɨgua reta pe, echa pe reta ketɨgua ko peikose ɨvɨ Egipto pe.

ÉXODO 22:22

Agüɨye metei ave imemano vae pe jare tɨ̈reɨ pe peiporarauka,

PROVERBIOS 23:10

Agüɨye erosɨrɨ ndeɨvɨ jembeɨ oyembojaangaño mai oï vae; agüɨye eroike ndeɨvɨ jembeɨ tɨ̈reɨ reta iɨvɨ pe ave,

PROVERBIOS 6:17

Oyemboete yae iyé vae, apu omomora vae, jekombae oyukaiño vae,

ISAÍAS 1:23

Nderuvicha reta, oyapota tëi vae, mbaetɨ oyapo reta, imonda vae reta ndive oñemoïru reta. Omomora yae reta mbae oyemboepɨ vɨari chupe reta vae, oeka reta kia omee vaerä mbota chupe reta. Mbaetɨ oyapo reta jupi vae tɨ̈reɨ pe, imemano vae iñeapo re, mbaetɨ omborɨ reta.

ISAÍAS 58:6

Ambuae ko. Yekuaku tembíu güi chembopɨakatu vae ko jae: Yeyora jupimbae güi vae, yeyora tembiporara güi vae, ipɨatɨtɨ vae re pemaeño ojo vae jare peporoyora oipotagüe mbae güi vae;

ISAÍAS 58:7

pemboyao perembíu oata chupe vae ndive vae, pemee oputuu vaerä paravete vae pero pe vae, pemboemimonde mbaetɨ jemimonde vae, jare mbaetɨ peikuaku mbae penoigüe perëtara güi vae.

JEREMÍAS 19:4

Echa Israel iñemuña reta chereeya, jare omongɨa reta kuae ɨvɨ; oapɨ reta ikäti kavi vae incienso tumpa-raanga reta pe, jae reta mbaetɨ oikuaa vae pe, iñemuñagüe reta ave jare mburuvicha guasu reta Judá pegua mbaetɨ oikuaa vae pe; jare kuae ɨvɨ omotɨnɨe reta jekombae jugüɨ pe.

JEREMÍAS 22:17

Ërei nde jaeño reyemoambeko, reipota rai vae renoi vaerä; jare reyukauka vaerä jekombae, rerekoasɨ katu jare ndembaeyuvanga katu nerëta re.”

JEREMÍAS 26:16

Jayave mburuvicha reta jare opaete vae reta jei sacerdote reta pe jare ñeemombeúa reta pe: “Mbaetɨ teko güɨnoi kuae kuimbae omano vaerä, echa yandeYa Tumpa jee re imiari yandeve.”

JEREMÍAS 5:28

Okaru kavi jare ikɨra yae reta. Jeko ikavimbae oyapogüe oasa ete ye; mbaetɨ oyapo reta jupi vae tɨ̈reɨ pe, mbaetɨ oyapo jupi vae paravete vae reta pe.

JEREMÍAS 7:23

Jaeño ayókuai reta oendu katu vaerä cheñee; echa jökorai yave che aikota iTumparä jare jae reta yogüɨrekota chembae retarä. Ayókuai vi yogüɨreko vaerä che ayókuai rami, ikavi yogüɨreko vaerä.

JEREMÍAS 9:24

Ërei ngatu toyemboete kuae re oipota oyemboete vae: Toyemboete chekuaa vae re. Che ko jae Tumpa ayapo mboroparareko vae, morojäa jare aporombojupi ɨvɨ pe vae; echa kuaekuae reta aipota. Che ndeYa jae kuae.”

LAMENTACIONES 3:36

mbaetɨ jupi vae oyeapo kuimbae pe vae; opaete kuaekuae Tumpa pe mbaetɨ etei ko jaekavi.

EZEQUIEL 18:12

oyuvanga paravete vae re jare mbae oata chupe vae re, imonda, mbia re mbae oeya vae pe mbaetɨ omee ye, omboete tumpa-raanga reta jare oyapo mbae pɨ̈chɨi yae cheve vae,

EZEQUIEL 18:7

mbaetɨ vi oyuvanga kia re, mbia re oeya mbae vae pe, omee ye chupe; mbaetɨ oñomi mbae kia güi; yɨmbɨaɨ vae omongaru jare nandi vae omboemimonde;

EZEQUIEL 22:7

Nderapɨpe yogüɨreko vae reta omboeteä tu jare ichɨ, oiporarauka reta ketɨgua pe, opɨ̈ro reta mbae tɨ̈reɨ güi jare imemano vae güi.

EZEQUIEL 45:9

Che ndeYa Tumpa jae körai: ¡Joko peño mo, mburuvicha reta Israel pegua! Peeya mo teko pɨ̈chɨi yae vae, maepɨ̈ro. Peyapo jupi vae jare isɨmbi vae; agüɨye pepɨ̈ro ɨvɨ chembae vae reta güi.

JOEL 3:19

Egipto opata oyemboai, jare Edom opɨtata ipombae; Judá iñemuña reta re oyuvanga reta jeko pegua; iɨvɨ pe oyuka reta jekombae vae.

LEVÍTICO 19:15

Agüɨye peyapo jupimbae peporojäa yave: Agüɨye peepɨ paravete vae ani pembopɨakatu oikokatu vae. Jupi rupi peporojäa.

AMÓS 5:15

¡Pemotareɨ ikavimbae! ¡Jare peaɨu ikavi vae! Ñejäa pe toime jupi vae; güɨramoi jayave yandeYa Tumpa Imbaepuere yae ete vae iñɨ̈rota José iñemuñagüe reta pe.

AMÓS 5:24

Ërei mbaejupi tosɨrɨ ɨ rami, jare mboromboete ɨ tɨpambae rami.

MIQUEAS 3:11

Peruvicha reta oporojäa omboepɨuka vɨari iyeupe reve, sacerdote reta oporomboe okovara reve, ñeemombeúa reta omoërakua apu korepoti oipɨɨ vaerä; jare oyeko reta yandeYa re, jei reta reve: “YandeYa oï yande ndive; ngaraa maratu yaasa.”

MIQUEAS 6:8

Kuimbae, jae omombeu ndeve ikavi vae, yandeYa, ¿mbae pa oäro ndegüi? Jaeño eyapo jupi vae jare eporoparareko jare eñemomichi neTumpa kotɨ.

MALAQUÍAS 3:5

Jei yandeYa Imbaepuere yae ete vae: “Jare ayuta pekotɨ aporojäa vaerä; amoañete vaerä imbaekuaa vae reta jeko jare iyaguasa vae reta, yapu reve imiari vae reta, jembiokuai pe mbaetɨ omboepɨ kavi vae reta, imemano vae tɨ̈reɨ, jare ketɨgua pe jupimbae oyapo vae reta mbaetɨ reve oipoɨu reta chegüi.”

San Mateo 23:23

¡Paravete, pe jova mókoi vae reta! Mborookuai re oporomboe vae reta jare fariseo reta. Echa pemee pediezmo reta temitɨ reta penoi vae güi: Menta, aní jare comino jee vae. Ërei peeya mborookuai jei peve peyapo vaerä jupi vae, mboroparareko jare mborogüɨrovia. Kuae ko jae peyapo vaerä peeyambae reve diezmo reta.

DEUTERONOMIO 10:18

oyapo jupi vae tɨ̈reɨ pe jare imemano vae pe; oaɨu ketɨgua, omee chupe tembíu jare temimonde.

DEUTERONOMIO 24:17

Agüɨye peyapo jupimbae ketɨgua kotɨ, ani tɨ̈reɨ kotɨ, imemano vae jemimonde ave agüɨye peekɨ chugüi ipía re.

DEUTERONOMIO 24:7

Kia nunga vae oyepokou oñomi metei jëtara Israel iñemuña reta, oyapo vaerä tembiokuairä ani omee vaerä yave, tomano jókuae imonda vae, jökorai peekɨ ikavimbae pepɨte güi.

DEUTERONOMIO 25:1

Oime kia nunga reta oñeapo oyoe yave, toyogüɨraja oporojäa vae reta jóvai, jae reta tombojupi jekombae jare tomboeko reta jeko vae.

DEUTERONOMIO 27:19

‘Tijeko oyapo ikavimbae ketɨgua pe vae, tɨ̈reɨ pe ani imemano vae pe vae.’ Jare opaete vae tei: ‘Amén.’

Santiago 1:27

Mborogüɨrovia ikavi jare ikɨambae yandeRu Tumpa jóvai vae, jae ko: Yamborɨ tɨ̈reɨ reta jare imemano vae reta oiporara ñogüɨnoi vae, jare yayeangareko ɨvɨ pegua ikavimbae vae güi.