JEREMÍAS 2:7 - Biblia Guarani Tumpa Iñee

⁷ Che ko pogüeru kuae ɨvɨ kavi pe, mbaagüɨye reta peu vaerä chugüi jare mbaembae ia ikavi vae. Ërei peike jare perokomegua kuae cheɨvɨ, pemongɨa jare chemboyuguaruuka kuae ɨvɨ chembae güi.

JEREMÍAS 2:7 Iomraidhean Croise

NEHEMÍAS 9:25

Jare opɨ̈ro reta tëta guasu oñekëse kavi ñogüɨnoi tëi vae, jare ɨvɨ kavi, o reta jeta mbaembae ikavigüe güɨnoi vae, ɨrɨru reta, uvarupa reta, ɨvɨra olivorupa reta, jare ïru ɨvɨra ia vae reta; okaru reta, oyemoangapɨɨ reta jare oyekou reta ndepɨakavi re.

NEHEMÍAS 9:26

Ërei oyemboapɨsaä reta ndeve, oñemopüa reta ndekotɨ, güɨröɨro reta ndeporookuai. Neñeemombeúa reta omboeta jeko re chupe reta, oipota ramo omboyerova reta ye tëi ndekotɨ, ërei jae reta oyuka, jare oyapo reta mbae pɨ̈chɨi yae vae.

ISAÍAS 19:25

Echa yandeYa Imbaepuere yae ete vae iporerekuata jese reta jei reve: “Cheporerekua Egipto tëta chembae re, Asiria cherembiapo re, Israel tëta chembae aeño vae re.”

JEREMÍAS 16:18

Tenonde aiporaraukata täta chupe reta jeko kavimbae jare imbaeyoa reta re, echa omongɨa reta cheɨvɨ itumpa-raanga reta jekovembae pe, jare opaete ɨvɨ chembae rupi oyapo reta mbaembae che aröɨro vae.”

JEREMÍAS 3:1

YandeYa jei: “Metei kuimbae omombo yave jembireko, javoi jókuae kuña ojo omenda ïru kuimbae ndive yave, tenondegua ime ngaraa ma güɨreko ye. ¡Jókuae nunga, ikavimbae yae ko kuae tëtaguasu peguarä! Ërei ngatu nde, Israel, jeta yae ko ndeaguasa, ërei ¡añave peyerova ye chekotɨ! Che ndeYa jae kuae.

JEREMÍAS 3:2

Emae ɨvɨtɨ reta iyapɨte re: ¿Kia nunga re ra mbaetɨ reyapo aguasa? Tape jembeɨ pe reguapɨse reäro reta, Arabiaɨgua reta oporoäro ñuu pe rami, remongɨa tëtaguasu ndeaguasa pota vae rupi, jare ikavimbae reyapo vae rupi.

JEREMÍAS 3:9

Jare jókuae mbaeä etei chupe oyapo vae rupi güɨrokomegua kuae tëtaguasu. Yogüɨreko jupimbae cheróvai, omboete ita reta jare ɨvɨra reta.

JEREMÍAS 32:23

Ërei ngatu, jae reta oike ma oñemoëta pɨpe yave, mbaetɨ oendu ndeporookuai reta ani oipota oyapo reta nde reyókuai oyapo vaerä vae. Jáeramo rembou chupe reta opaete kuae susere yavaetegüe.

JEREMÍAS 32:30

Iyɨpɨ güive ɨvɨ Israel pegua reta jare ɨvɨ Judá pegua reta oyapo avei ikavimbae cheróvai; chemboarasɨuka reta itumpa-raanga reta, jae reta aeño oyapo iyeupe vae rupi. Che peYa jae kuae.

EZEQUIEL 20:24

echa mbaetɨ oyapo reta cheporookuai jeigüe vae, echa güɨröɨro reta cheporookuai, mbaetɨ yogüɨreko reta cheporookuai rupi jare omboeteä reta cheara mbutuu pegua, echa omae reta tu reta itumpa-raanga reta reteiño.

EZEQUIEL 20:28

Che aru reta jókuae ɨvɨ arökuavee amee vaerä chupe retaa pe, jare oecha reta ramboeve ɨvɨtɨ ɨvate vae jare ɨvɨra iküaraɨa kavi vae yave, joko pe omee reta mɨmba oyeyukagüe, jare mbota reta, pɨpe chemboarasɨ reta, joko pe omee vi ikäti kavi vae incienso jare mbota vino oyepɨyere vaerä oñemee vae.

EZEQUIEL 20:6

Jókuae ara añererökuavee anoe reta vaerä Egipto güi, araja vaerä ɨvɨ kavi che ameeta chupe retaa pe, ¡ɨvɨ ipöra yae ïru ɨvɨ reta güi vae!

EZEQUIEL 23:35

Jáeramo, che ndeYa Tumpa jae körai: Neakañɨ chegüi jare reyerova chegüi ramo, reiporarata ndekuimbae pota vae jare ndeaguasa pota vae re.”

EZEQUIEL 36:17

“Nde kuimbae, Israel iñemuña reta yogüɨreko ramboeve iɨvɨ pe, omongɨa reta jeko ikavimbae pe jare jembiapo reta ikavimbae pe; kuña yasɨ ñavo oiporara vae ikɨa rami cheróvai reta.

OSEAS 9:3

Efraín pegua reta yogüɨraja yeta Egipto pe jare Asiria pe, joko pe jou retata tembíu mbaetɨta tëi oyeu vae. Mbaetɨta opɨta reta yandeYa iɨvɨ pe,

MIQUEAS 2:10

Pepüa jare peguata, kuae peïa mbaetɨ ko mbutuu pegua, echa ikɨa yae oï, oñererokomegua yae ete oï.

NÚMEROS 13:27

Imiari reta Moisés pe körai: —Rojo roväe jókuae ɨvɨ oremondo romae jesea pe; añetete yepe ɨvɨ ikavi yae; kuae ko jae joko pegua temitɨ iagüe.

DEUTERONOMIO 21:23

agüɨye pemaeño tipɨ̈tu jetegüe ɨvɨra re; jókuae ara voi peñotɨ; echa Tumpa iyepopeyu rupi ko omano, ɨvɨra re osagüɨu omano vae; agüɨye pemongɨa peɨvɨ yandeYa Tumpa omee peveguarä vae.

DEUTERONOMIO 32:9

echa imbae ko kuae tëta, jae ko Jacob iñemuña reta.

DEUTERONOMIO 6:18

Jare peyapo sɨmbi vae jare ikavi vae yandeYa jesa róvai, peiko kavi vaerä, jare peike penoi vaerä jókuae ɨvɨ kavi yandeYa güɨrökuavee jee re peñemuñagüe reta pe vae;