JEREMÍAS 2:5 - Biblia Guarani Tumpa Iñee

⁵ YandeYa jei körai: “¿Mbae ikavimbae pa oväe cheré peñemuñagüe reta, chereeya reta vaerä? Omboete reta tumpa-raanga reta, jókuae rupi jae reta etei oyembosiriveä.

JEREMÍAS 2:5 Iomraidhean Croise

2 REYES 17:15

güɨröɨro reta iporookuai jare morogüɨrökuavee päve oyapo iñemuñagüe reta ndive vae, mborookuai reta omee chupe reta vae, jare omboete reta tumpa-raanga reta, tëtaguasu reta iyɨ́vɨri ñogüɨnoi vae rami, yandeYa oyókuai tëi agüɨye vaerä oyapo jókuae tëtaguasu reta jeko vae.

SALMOS 115:8

Jae reta rami etei ko iyapoa reta, jare vi güɨrovia jese vae reta.

ISAÍAS 29:13

Jayave yandeYa jei: “Echa kuae tëta chemboete iñee rupi jare jembe pe, ërei ngatu ipɨa mombɨrɨ ko oï chegüi; oipoɨu reta chegüi vae, kuimbae reta iporookuai re oyemboe vae ramiño ko;

ISAÍAS 44:9

Tumpa-raanga iyapoa reta, mbaeä etei ko opaete, jare chupe reta ikavi yae vae, mbaeä etei ko. Jae reta oikuaa kavi ko, jókuae tumpa-raanga reta mbaetɨ omae jare mbaetɨ yarakuaa; jáeramo imarata ko opɨta reta kuri.

ISAÍAS 46:12

Peyeapɨsaka cheré, ipɨatäta vae reta, pe, mbaetɨ perovia yereroasayepe outa ma ko vae:

JEREMÍAS 10:8

Opaete tumpa-raanga reta yarakuaambae ko, mbaetɨ etei ko yarakuaa reta. ¡Jókuae tumpa-raanga reta ɨvɨra pegua mbaetɨ ipuere pemboe!

JEREMÍAS 12:2

Reñotɨ reta temitɨ rami ɨvɨ pe, japo reta oyepota, okuakuaa reta jare ia reta. Iyuru peño ndemboete yae reta, ërei ipɨa pe mombɨrɨ ñogüɨnoi ndegüi.

JEREMÍAS 14:22

¿Oime pa kia nunga tëtaguasu reta itumpa-raanga reta güi ipuere omongɨ vae? ¿Ara ombou pa ama iyeugüi aeño? ¡Mbaetɨ ko, cheYa Tumpa! Nde ko rembou, nde ko jae opaete kuae mbaembae iyapoa. ¡Jáeramo royeko ndereño!

JEREMÍAS 2:31

Israel iñemuña reta añave pegua, peyeapɨsaka che peYa iñee re. ¿Ñuu pa ko che ndeve? ani, ¿metei ɨvɨ pɨtumimbi vae pa? Tëta chembae vae: ¿Maera pa rere: ‘Nderembipɨɨä ko ore; ngaraa ye ma royerova ndekotɨ’?

JEREMÍAS 2:4

Jacob iñemuña reta, opaete tëtara Israel iñemuña vae, peyeapɨsaka yandeYa iñee re.

JEREMÍAS 8:19

Mase, cherëtaɨgua reta jäse oyeendu opaete kuae ɨvɨ pe körai: “¿Mbaetɨ ma ra oï yandeYa Sión pe? ¿Mbaetɨ ma ra Juvicha guasu oï joko pe?” Jare yandeYa Jei: “¿Maera pa chemboarasɨuka tumpa-raangarä peñopa kavi peyapo vae rupi, jókuae tumpa-raanga mbaetɨ mbaerä osirive vae jare peikuaambae vae rupi?”

EZEQUIEL 11:15

“Nde kuimbae, Jerusalén pe yogüɨreko vae reta imiari jëtara Israel iñemuña reta kotɨ, jei reta: ‘¡Jae reta mombɨrɨ ko ñogüɨnoi yandeYa güi! Ërei yandeve omee kuae ɨvɨ, yaiko vaerä iyarä.’

EZEQUIEL 14:5

Che añataita opaete Israel iñemuña reta ipɨa, itumpa-raanga reta jeko pegua opia chegüi vae reta.

JONÁS 2:8

Ikavimbae omomoe vae reta ndeporoparareko güi ko osɨrɨ reta.

San Mateo 15:8

“Kuae tëta chemboete jembe peño. Ërei ngatu ipɨa mombɨrɨ ko oï chegüi;

Hechos 14:15

—Kuimbae reta, ¿maera pa peyapo kuae? Ore kuimbae reta pe reta ramiño ko. Romoërakua peve peyerova vaerä kuae ikavimbae peyapo vae güi Tumpa oikove vae kotɨ. Jae ko oyapo ara, ɨvɨ, ɨguasu jare opaete mbaembae pɨpe oime vae.

Romanos 1:21

Oikuaa reta tëi Tumpa, ërei jeseve mbaetɨ omboete. Omeeä vi yasoropai chupe. Ërei ipɨa pe oyemongeta reta iyarakuaambae rami, jare iyemongeta reta opa oyembopɨtumimbi.

DEUTERONOMIO 32:21

Chemoägüɨrouka reta tumpambae vae re, chemboarasɨuka reta tumpa-raanga reta re; ¡che amoägüɨroukata vi metei tëta ambuae vae re, amboarasɨukata metei tëtaguasu mbaetɨ oipota oendu vae rupi!

1 SAMUEL 12:21

Agüɨye pemboete tumpa-raanga, echa mbaetɨ ipuere oporomborɨ ani oporoepɨ echa jaangaño ko.