JEREMÍAS 16:4 - Biblia Guarani Tumpa Iñee

⁴ Mbaerasɨ yavaetegüe oyuka retata, jare mbaetɨta kia oäpiro reta, mbaetɨta vi kia oñotɨ reta vaerä: Oyoata ɨvɨ rupi tepoti rami. Ñeraro jare karuai opata omokañɨtei reta, jetegüe opata jou chucha reta jare mbaeporou reta.”

JEREMÍAS 16:4 Iomraidhean Croise

2 REYES 9:10

Jare yaɨmba reta jouta Jezabel, Jezreel pe, jare mbaetɨta kia oñotɨ vaerä.” Körai opa jei yave, ñeemombeúa oipea öke jare oë otekuarai.

SALMOS 78:64

Isacerdote reta opa omano kɨsepuku pe, jare jembirekogüe reta mbaetɨ oäpiro.

SALMOS 83:10

Endor pe opa okañɨtei reta, jare jetegüe opa oyea ɨvɨ ndive tepoti rami.

ISAÍAS 18:6

Jare opata oyeeya güɨra reta ñana rupigua pe, jare mɨmba reta ñana rupigua peguarä. Joko pe güɨra reta omboasata araku iara, jare joko pe omboasata iroɨ iara mɨmba ñana rupigua reta.”

ISAÍAS 5:25

Jáeramo, yandeYa iyarasɨ tëta imbae vae kotɨ, jare omopüa ipo ikotɨ reta oinupa vaerä. Ɨvɨtɨ reta okana, jare tëogüe reta oyoa kaye rupi. Ërei yandeYa iyarasɨ mbaetɨ iröɨsa; oimeño ipo omopüa güɨnoi oporonupa vaerä.

JEREMÍAS 19:7

Kuae pe Judá pegua reta jare Jerusalén pegua reta iyemongeta opata arokomegua chugüi reta. Ameeta jovaicho reta ipo pe oa reta vaerä, opa vaerä oyuka reta; jare jëogüegüe reta chucha reta jembiurä jare mbaeporou reta jembiurä.

JEREMÍAS 21:6

Ayukata kuae tëta pegua reta; opaete vae reta jare mɨmba reta omanota mbaerasɨ ovakatu vae rupi.

JEREMÍAS 25:33

YandeYa oyukauka jókuae ara vae, oñemoaita ɨvɨ jembeɨ güive ïru jembeɨ pe. Ngaraa etei kia oyaeo jese reta vae, mbaetɨta kia güɨraja jetegüe oñotɨ vae; oñemoaita opɨta ɨvɨ rupi tepoti rami.

JEREMÍAS 34:17

Jáeramo, che peYa Israel iTumpa jae: Pe reta mbaetɨ peyapo cheporookuai, echa mbaetɨ peyora perëtara perembiokuairä pereko vae; jáeramo añave, che ambouta peve ñeraro, mbaerasɨ ovakatu vae jare karuai; jare poñonota ñemomarai pe opaete mborookuaía reta ñogüɨnoi ɨvɨ pe vae jóvai. Che peYa ko jae kuae.

JEREMÍAS 34:20

Jáeramo, ameeta jae reta opa vaerä oa tovaicho reta, oeka oyuka vaerä vae reta ipo pe, jare jëogüegüe reta chucha reta jembiurä jare mbaeporou reta jembiurä.

JEREMÍAS 36:30

Jáeramo, che ndeYa jae Joacim mburuvicha guasu Judá pegua kotɨ, mbaetɨ vaerä güɨnoi iñemuña reta güi oguapɨ vaerä David iporookuaía pe. Jëogüegüe opɨtata kuaraɨ jasɨ pe jare iroɨ pe pɨ̈tu yave.

JEREMÍAS 44:12

Judá pe jembɨregüe yogüɨraja ɨvɨ Egipto pe yogüɨreko vaerä vae opata amokañɨtei. Opaete vae, paravete vae güive oikokatu vae pe omanota ñeraro rupi, ani karuai rupi jare peikota kia reta iñee kaviä vaerä pekotɨ, okɨɨye vaerä jare omae kaviä vaerä peré, peikota yepopeyurä jare yeyóyai yóyai rupi.

JEREMÍAS 44:27

Echa che amaeta aï jese reta, ambou vaerä susere reta yavaete yae vae, mbaetɨta ikavi vae. Opaete Judáɨgua reta yogüɨreko ɨvɨ Egipto pe vae omanota ñeraro ani karuai rupi, opaetei omano regua.

JEREMÍAS 7:33

Kuae tëta pegua omanogüe reta jëogüegüe chucha reta jembiurä ko, jare mɨmba pochɨ vae ñana rupigua jembiurä; mbaetɨta kia omondo chugüi.

JEREMÍAS 9:22

Kuimbae reta jëogüegüe oñemoai tepoti rami kaa rupi, trigo oyepoo yave osururu ɨvɨ rupi vae mbaetɨ ye kia omonoo vae rami.” Jei yandeYa.

LAMENTACIONES 4:9

Ñeraro pe omano vae reta ikaviño, yɨmbɨaɨ oyuka vae güi; echa jovaruru reta omano mbegüe pe, mbaetɨ tembíu ɨvɨ pe jeko pegua.

EZEQUIEL 24:21

‘Ere Israel iñemuña reta pe. YandeYa Tumpa jei körai: Che aröɨro jare amboaita chero mbaemboetea, peyembotuicha jese vae, pe reta peipota yae pemae jese vae; peraɨ reta jare perayɨ reta peeya joko pe vae, opata oyeyukauka reta.

EZEQUIEL 5:12

mbɨte seri ndegüi omanota mbaerasɨ ovakatu vae rupi jare karuai pe; jare jembɨregüe mbɨte rupi tovaicho reta opata oyuka; jare jembɨregüe opata amoai moai oipota rupi. Che ajata jaɨkue reta metei kɨsepuku ndive chepo pe.

SOFONÍAS 1:17

YandeYa jei: “Aiporaraukata kuimbae reta pe, jare oguata retata jesambae rami, echa iyoa reta chekotɨ. Jugüɨ oyepɨyereta ɨvɨkúi rami, jare isoo oyemboatɨta tepoti rami.”

DEUTERONOMIO 28:22

YandeYa ombouta peve kuperasɨ, taku, ruru, taku guasu, okɨmbae, mbaesusere jare temitɨ mbaerasɨ; kuaekuae mbaetɨta pereeya opa pemokañɨtei regua.

DEUTERONOMIO 28:26

Perëogüegüe oikota chucha reta jare mbaeporou reta jembiurä, jare mbaetɨta kia omondo chugüi vae.