JEREMÍAS 15:6 - Biblia Guarani Tumpa Iñee

⁶ Nde chereeya, reyerova chegüi. Jáeramo che, mbaetɨ ma aropɨa, aitɨta chepo aiporarauka vaerä ndeve jare romboai vaerä.

JEREMÍAS 15:6 Iomraidhean Croise

ISAÍAS 1:4

¡Paravete, iyoa vae reta, tëta tɨnɨe ikavimbae pe vae, ipɨapochɨ vae reta iñemuña, jare jeko opa oikomeguagüe reta! Oyembosɨrɨ reta yandeYa güi, omboarasɨuka reta Iyoambae Israel pegua, oyerova reta ye chugüi.

ISAÍAS 28:13

Jáeramo, yandeYa omomiarita michia raɨ rami, jaeramo etei oyemboe a, e, i, o, u jei vae re ñogüɨnoi rami. Jae reta oguatata, ërei oyatuaka retata, oñemopë retata, mbaetɨta ipuere omɨi, oa retata tembipɨɨrä.

ISAÍAS 31:3

Egiptoɨgua reta kuimbaeño ko, Tumpaä ko; ikavayu reta, kavayu tumpaä ko. Jayave yandeYa omopüa ipo oinupa reta vaerä yave, opata ko ñamɨri oporomborɨ vae jare oyemborɨuka vae vi, opaete voita omano reta.

JEREMÍAS 1:16

Jae kuae tembiporara aruta jókuae iyoa reta jare chereeya reta vae kotɨ vae, echa oapɨ reta ikäti kavi vae incienso tumpa ambuae reta pe, omboete reta, jae reta aeño oyapo vae.

JEREMÍAS 13:14

Javoi ayokata tinaa rami, arokuata oyoe, tu reta taɨ reta ndive. Amokañɨteita, mbaetɨta aiparareko amae jese reta. Che ndeYa jae kuae.’ ”

JEREMÍAS 2:13

Echa tëta chembae vae oyapo mókoi mbae ikavimbae: Chereeya reta, ɨesaɨ osɨrɨ vae rami aï chupe reta vae, jare oyapo reta iyeupe ɨrɨru, ɨrɨru oyeka vae, mbaetɨ ikavi ɨ oñeñovatu pɨpe vaerä vae.

JEREMÍAS 2:17

Körai ko reasa, chereeya vae jeko pegua, che, ndeYa Tumpa rogüɨroatase vae.

JEREMÍAS 2:19

Ikavimbae reyapo vae oiporaraukata ndeve, jupimbae reyapo vae nejäata. Eyemongeta jare reikuaata, ikavimbae yae ko reyapo chereeya jare mbaetɨ chemboete vae jeko pegua, che ndeYa Imbaepuere yae ete vae jae.

JEREMÍAS 20:9

Jae yave: “Agüɨye mo tachemaendúa cheYa re, agüɨye mo tachemiari jee re.” Ërei jayave neñee cheɨvɨte pe tata rami, chekägüe rupi ojo, aipota tëi aropɨa, ërei mbaetɨ chepuere.

JEREMÍAS 44:22

Ërei yandeYa mbaetɨ ma güɨropɨa pereko kavimbae jare mbaetɨ ipöra chupe peyapogüe. Jáeramo perëtaguasu añave oyemboai oï jare ipoä oï, jare oiko okɨɨye vaerä jare omae kaviä vaerä jese vae jare yepopeyu rupi.

JEREMÍAS 6:11

Chearasɨ yae vi ko aï ndearasɨ ramo cheYa, mbaetɨ ma chepuere chepɨaguasu.” YandeYa jei cheve: “Eitɨ chearasɨ michia reta kaye rupigua re, taɨrusu reta yatɨ yatɨ vae re. Toyereraja tembipɨɨrä kuimbae reta jembireko reve reve, ndechi reta jare indechiasɨ vae reta.

JEREMÍAS 6:12

Jo reta, iɨvɨ reta, jare jae reta jembireko oñemeeukata ambuae vae reta pe. Echa chepo ko amopüa aiporarauka vaerä kuae ɨvɨ pegua reta pe. Che ndeYa jae kuae.

JEREMÍAS 6:19

Ɨvɨ, eyeapɨsaka: Aruta susere kuae tëta re, iyemongeta kavimbae jeko pegua; echa mbaetɨ oendu reta cheñee, güɨröɨro reta cheporookuai.

JEREMÍAS 7:16

Nde, Jeremías, agüɨye eyerure kuae tëta re, agüɨye ndepɨatɨtɨ ikotɨ reta reve chemoñera. Echa ngaraa ayeapɨsaka nderé.

JEREMÍAS 7:24

Ërei ngatu mbaetɨ oendu reta, jare mbaetɨ oyapo reta che jae vae, jaeño oyembopɨa täta yae reve yogüɨreko ipɨa jemimbota rupiño. Oyerova vaerägüe chekotɨ, ikupeño omee reta cheve.

JEREMÍAS 8:5

Jayave Israel, ¿maera pa mbaetɨ chemboete? Jerusalén, ¿maera pa reyembopɨapochɨ jekuae avei, jare mbaetɨ reipota reyerova ye chekotɨ?

JEREMÍAS 8:9

Ërei jókuae yarakuaa yae vae reta oñemomichita opɨta, okɨɨye yae retata, mɨmba ñuai pe oï vae rami. Güɨröɨro reta cheñee yave, ¿ketɨ pa oime oï iyarakuaa?

EZEQUIEL 14:9

Metei ñeemombeúa oyembotavɨuka vae omoërakua vae mbaetɨ oyembopo yave, che ko ambotavɨ jókuae ñeemombeúa; che aiporaraukata chupe jare amokañɨta chembae vae reta ipɨte güi.

EZEQUIEL 25:7

Jáeramo, aiporaraukata peve jare pomeeta ïru tëtaguasu reta pe, opɨ̈ro vaerä pegüi opaete pembaembae. Pomokañɨteita ïru tëta reta ipɨte güi, pomboaita ïru tëtaguasu reta güi, opaeteita pomokañɨtei. Jayave pe reta peikuaata che ko jae peYa vae.’ ”

EZEQUIEL 35:3

Ere chupe: ‘YandeYa Tumpa jei körai: Ɨvɨtɨ Seir, che ayovaicho ndekotɨ. Aiporaraukata ndeve, opata romboai, roeyata ipombae,

OSEAS 11:7

Chembae vae reta jekuaeño oyembopɨapochɨ chekotɨ. Yepe tëi chereenɨi reta Tuichagüe yae ete vae pe; ërei mbaetɨ etei metei ave chembotuicha.

OSEAS 13:14

¿Mano güi etei pa apɨ̈ro yeta? ¿Aepɨta pa mano güi? ¿Ketɨ pa oime oï mano imbaepuere oporomokañɨtei vae? ¿Tëogüe-rɨru, ketɨ pa oime ñogüɨnoi neporomokañɨtei? ¡Mbaetɨta ma aiparareko reta!”

OSEAS 4:16

Echa Israel pegua reta oyembopɨapochɨ metei guaka taɨrusu vae imasombae rami; ¿oyangarekota ra yandeYa jese metei vecha re rami jembíu katúa pe?

SOFONÍAS 1:4

“Amopüata chepo Judá kotɨ, opaete Jerusalén pegua reta kotɨ. Amboaita kuae güi opaete mbaembae tumpa-raanga Baal regua opɨta vɨteriño vae, jare opaete isacerdote itumpa-raanga pota vae reta jee.

ZACARÍAS 7:11

Ërei mbaetɨ oipota reta oendu, jaeño omee ikupe, jare iyapɨsa oyapete reta agüɨye vaerä oendu.”