JEREMÍAS 15:3 - Biblia Guarani Tumpa Iñee

³ YandeYa jei: “Ambouta jese reta irundɨ tembiporara ambuaeyee yee vae, jae ko: Omano retata ñeraro pe, jare yaɨmba reta opata ombojaɨ jaɨ, chucha reta jouta, jare mbaeporou reta opata jou.

JEREMÍAS 15:3 Iomraidhean Croise

SALMOS 68:23

echa ndepɨ jare ndeyaɨmba reta ikü moropɨ̈tata nderovaicho reta jugüɨgüe pe.”

ISAÍAS 18:6

Jare opata oyeeya güɨra reta ñana rupigua pe, jare mɨmba reta ñana rupigua peguarä. Joko pe güɨra reta omboasata araku iara, jare joko pe omboasata iroɨ iara mɨmba ñana rupigua reta.”

JEREMÍAS 12:9

Chembae vae reta ko güɨraképara rami. Japicha reta oporepeña jese oipota rupi güi. ¡Peyu, opaete mbaeporou kaa rupigua reta; peyemboatɨ pekaru!

JEREMÍAS 14:12

Yepe tëi oyekuaku reta tembíu güi, che ngaraa aendu chupe reta iyerure; yepe tëi omee reta mɨmba oyeyukagüe opaetei oyeapɨ vae ani mbota reta, ngaraa amboresive chugüi reta, jaeño amokañɨtei retata ñeraro rupi, karuai jare mbaerasɨ ovakatu vae rupi.”

JEREMÍAS 14:16

Jare tëta oñemoërakua chupe reta vae, omanota vi ñeraro jare karuai rupi, kuimbae jembireko ndive jare imichia reta. Jëogüegüe reta oyemombota Jerusalén ikaye rupi, mbaetɨta kia oñotɨ vaerä. Jökorai aiporaraukata chupe reta iyoa re.

JEREMÍAS 16:4

Mbaerasɨ yavaetegüe oyuka retata, jare mbaetɨta kia oäpiro reta, mbaetɨta vi kia oñotɨ reta vaerä: Oyoata ɨvɨ rupi tepoti rami. Ñeraro jare karuai opata omokañɨtei reta, jetegüe opata jou chucha reta jare mbaeporou reta.”

JEREMÍAS 7:33

Kuae tëta pegua omanogüe reta jëogüegüe chucha reta jembiurä ko, jare mɨmba pochɨ vae ñana rupigua jembiurä; mbaetɨta kia omondo chugüi.

LAMENTACIONES 3:11

Chemombia tape güi, opa cherakɨo kɨo ¡chemboai chereeya!

EZEQUIEL 14:21

Jáeramo che peYa Tumpa jae körai: ‘Vɨtei pa ambou yave irundɨ cheporojäa yavaetegüe Jerusalén re: Ñeraro, karuai, mbaeporou jare mbaerasɨ ovakatu vae, omokañɨtei vaerä opaete vae reta jare mɨmba reta.

EZEQUIEL 33:27

Ere vi chupe reta: YandeYa Tumpa jei iyé aeño körai: ‘Tëta guasu reta opa oyemboaia rupi yogüɨreko vae reta, omanota ñeraro pe, kaa rupi yogüɨreko vae reta ameeta mbaeporou pe opa vaerä jou, ɨ̈vavira re yogüɨreko vae, ani ɨvɨkua rupi ñogüɨnoi vae reta omanota mbaerasɨ ovakatu vae rupi.

LEVÍTICO 26:16

che ayapota vi peve kuae: Ambouta peve kɨɨye yavaetegüe, peiporara yae vaerä, pembopɨtu yae vaerä, jare pemaetɨ tëiñota, echa perovaicho reta jou vaeräño ko.

LEVÍTICO 26:22

Ambouta peve mbaeporou reta, peraɨ reta jare perɨmba reta omokañɨtei vaerä, mbovɨ yae pepɨtata, mbaetɨta kia oguata tape rupi peɨvɨ pe.

LEVÍTICO 26:25

Ambouta peve ñeraro, ayepɨ vaerä mbaetɨ ramo perovia cheporogüɨrökuavee päve re, jare peeka yave perëta guasu rupi ñepɨ̈roka, che amondota mbaerasɨ ovakatu vae pepɨte pe, jare peñemoamɨriukata perovaicho reta pe.

AMÓS 5:19

Yaguapope güi otekuarai vae ojo oñoövaiti oso ndive ramita ko; ani o pe oike vae opoko ovapetea re yave mboi oichuu vae ramita ko.

DEUTERONOMIO 28:26

Perëogüegüe oikota chucha reta jare mbaeporou reta jembiurä, jare mbaetɨta kia omondo chugüi vae.

DEUTERONOMIO 32:24

omano retata yɨmbɨaɨ güi jare takuasɨ güi; jare mbaerasɨ ovakatu vae oparapitita jese reta; mbaeporou kaa rupigua ambouta chupe reta, jare mboi pochɨ yae vae.

Apocalipsis 6:8

Amae jare aecha metei kavayu iyu vae. Jare opo kavayu re vae jee ko Mano. Jare Omanogüe reta jenda oiko Mano jaɨkue. Jare oñemee chupe reta mbaepuere jeta yeyé ɨvɨ pegua reta re, ipuere vaerä oyukauka reta ñeraro rupi, karuai pe, mbaerasɨ pɨ̈chɨi pe jare mɨmba pochɨ vae reta pe.