JEREMÍAS 15:2 - Biblia Guarani Tumpa Iñee

² Oparandu yave ndeve ketɨ ra yogüɨrajata vae re, ere chupe reta: Körai jei yandeYa: ‘Oyembojee mbaerasɨ yavaetegüe pe omano vaerä vae, pɨpe tomano; oyembojee ñeraroa pe omano vaerä vae, joko pe tomano; oyembojee karuai rupi omano vaerä vae, pɨpe tomano; oyembojee iɨvɨ güi oyereraja vaerä tembipɨɨrä vae, toyereraja.’ ”

JEREMÍAS 15:2 Iomraidhean Croise

ISAÍAS 10:4

Che mbaetɨ yave aï pe ndive, peñemomichiukata tembipɨɨ reta ndive, jare pemanota oyeyukauka vae reta ndive. Ërei yandeYa mbaetɨ iyarasɨ poi; jekuaeñoi iyarasɨ oï.

ISAÍAS 24:18

Ojoyepe tëigüe, oata ɨvɨkua pe, jare ɨvɨkua güi oë tëi vae oata ñuai pe. Ama tuicha yaeta oa ara güi, okanata ɨvɨ iguapɨka reta.

JEREMÍAS 14:12

Yepe tëi oyekuaku reta tembíu güi, che ngaraa aendu chupe reta iyerure; yepe tëi omee reta mɨmba oyeyukagüe opaetei oyeapɨ vae ani mbota reta, ngaraa amboresive chugüi reta, jaeño amokañɨtei retata ñeraro rupi, karuai jare mbaerasɨ ovakatu vae rupi.”

JEREMÍAS 14:16

Jare tëta oñemoërakua chupe reta vae, omanota vi ñeraro jare karuai rupi, kuimbae jembireko ndive jare imichia reta. Jëogüegüe reta oyemombota Jerusalén ikaye rupi, mbaetɨta kia oñotɨ vaerä. Jökorai aiporaraukata chupe reta iyoa re.

JEREMÍAS 16:4

Mbaerasɨ yavaetegüe oyuka retata, jare mbaetɨta kia oäpiro reta, mbaetɨta vi kia oñotɨ reta vaerä: Oyoata ɨvɨ rupi tepoti rami. Ñeraro jare karuai opata omokañɨtei reta, jetegüe opata jou chucha reta jare mbaeporou reta.”

JEREMÍAS 19:7

Kuae pe Judá pegua reta jare Jerusalén pegua reta iyemongeta opata arokomegua chugüi reta. Ameeta jovaicho reta ipo pe oa reta vaerä, opa vaerä oyuka reta; jare jëogüegüe reta chucha reta jembiurä jare mbaeporou reta jembiurä.

JEREMÍAS 43:11

Jae outa omboai ɨvɨ Egipto. Oyembojee omano vaerä vae, omanota; oyembojee iɨvɨ güi oyereraja vaerä vae, oyererajata; oyembojee ñeraroa pe omano vaerä vae, joko pe omanota.

EZEQUIEL 12:11

Ere chupe reta, nde ko jae metei yembojaanga chupegua retarä, nde reyapo rami etei oasa retata, echa oyererajauka retata tembipɨɨrä ïru ɨvɨ pe.

EZEQUIEL 14:21

Jáeramo che peYa Tumpa jae körai: ‘Vɨtei pa ambou yave irundɨ cheporojäa yavaetegüe Jerusalén re: Ñeraro, karuai, mbaeporou jare mbaerasɨ ovakatu vae, omokañɨtei vaerä opaete vae reta jare mɨmba reta.

EZEQUIEL 33:27

Ere vi chupe reta: YandeYa Tumpa jei iyé aeño körai: ‘Tëta guasu reta opa oyemboaia rupi yogüɨreko vae reta, omanota ñeraro pe, kaa rupi yogüɨreko vae reta ameeta mbaeporou pe opa vaerä jou, ɨ̈vavira re yogüɨreko vae, ani ɨvɨkua rupi ñogüɨnoi vae reta omanota mbaerasɨ ovakatu vae rupi.

EZEQUIEL 5:12

mbɨte seri ndegüi omanota mbaerasɨ ovakatu vae rupi jare karuai pe; jare jembɨregüe mbɨte rupi tovaicho reta opata oyuka; jare jembɨregüe opata amoai moai oipota rupi. Che ajata jaɨkue reta metei kɨsepuku ndive chepo pe.

EZEQUIEL 5:2

Remboapɨ yave jókuae ara reta reiporara Jerusalén re vae, eapɨ metei yemboyao ndea jókuae tëta iä mbɨte pe; jaɨkue rupi metei kɨse pe eyasɨa mokoía ndea remboyao vae tëta guasu ikupe rupi; jare mboapɨa ndea remboyao vae emombo ɨvɨtu güɨroveve vaerä. Che ajata jaɨkue reta metei kɨsepuku ndive chepo pe.

DANIEL 9:12

Nde, rembou ikavimbae yae vae oreré vae rupi, rembopo jókuae reñererökuavee rembou vaerä oreve vae jare oreruvicha reta re vae; echa mbaetɨi rembou mbaeporara ɨvɨ re, Jerusalén re rembou rami.

AMÓS 5:19

Yaguapope güi otekuarai vae ojo oñoövaiti oso ndive ramita ko; ani o pe oike vae opoko ovapetea re yave mboi oichuu vae ramita ko.

ZACARÍAS 11:9

Jare jae chupe reta: “¡Mbaetɨta ma aiko peangarekoarä! ¡Omanota vae, tomano! ¡Okañɨta vae, tokañɨ! ¡Jembɨregüe, toyou!”

Apocalipsis 13:10

“Oyembojee tembipɨɨrä oyereraja vaerä vae, toyereraja; oyembojee kɨsepuku pe omano vaerä vae, pɨpe tomano.” Kuae pe oyekuaata oporogüɨrovia vae reta ipɨa guasu jare iporogüɨrovia.