JEREMÍAS 14:3 - Biblia Guarani Tumpa Iñee

³ Oikokatu vae reta omondo jembiokuai reta oeka ɨ; yogüɨraja ɨupa pe oväe yave, mbaetɨ oväe reta ɨ, oyerova reta ye iɨrɨru reta ipombaeño; imara yae reta, mbaetɨ oikuaa reta mbae jei vaerä, iñäkatindɨ reta imara güi.

JEREMÍAS 14:3 Iomraidhean Croise

2 SAMUEL 15:30

Jare David oyeupi ɨvɨtɨ Olivo re; oyeupi oyaeo reve, iñäka oyasoi jare ipɨgüɨrai. Jare opaete jae ndive yogüɨraja vae reta oyasoi vi iñäka, oyaeo reve vi oyeupi reta.

2 SAMUEL 19:4

Mburuvicha guasu oñeäka-soi jare osapúkai täta: “¡Cheraɨ, Absalón! ¡Cheraɨ, Absalón!”

1 REYES 17:7

Mbovɨ ara ma oasa yave, jókuae ɨ̈aka raɨ opa otini, echa mbaetɨ okɨ jókuae ɨvɨ pe.

2 REYES 18:31

Agüɨye perovia Ezequías. Echa mburuvicha guasu Asiria pegua jei: “Peyapo che ndive mbɨakatu jare peë cherövaiti, jökorai yave metei ñavo pepuereta peu peuva, peɨva jare ɨ peuta peɨrɨru güi aeño,

ESTER 6:12

Kuae jaɨkue rupi Mardoqueo ou ye mburuvicha guasu jo jöke pe, jare Amán jangai ojo jo kotɨ, ipɨatɨtɨ, jova oñomi reve.

JOB 6:20

ërei oyembotavɨ reta oyerovia tëi jese vae, echa jae reta yogüeru oväe yave joko pe, mbaetɨ oväe reta ɨ.

SALMOS 109:29

¡Imiari kavimbae cheré vae reta, timara topɨta! ¡Mara toñova reta temimonde rami!

SALMOS 40:14

Metei rami toñemomaraiuka reta, cheyuka vaerä chereeka vae reta, totekuarai reta chegüi, toñemomaraiuka reta, ikavimbaeño oipota cheve vae reta.

JEREMÍAS 14:4

Ko pe oparavɨkɨ vae reta mbaetɨ oikuaa mbae oyapo vaerä, ɨvɨ otini yae oï, echa mbaetɨ okɨ, oñeañɨka-yoko reta ipɨatɨtɨ yae güi.

JEREMÍAS 15:18

¿Maera pa chepɨa pe jasɨ vae mbaetɨ oasa? ¿Maera pa chepere mbaetɨ okuera; okueraä etei moa oñeñono jese yave? ¿Chereeyata pa nde, ɨesaɨ tɨpa katu vae rami?

JEREMÍAS 2:13

Echa tëta chembae vae oyapo mókoi mbae ikavimbae: Chereeya reta, ɨesaɨ osɨrɨ vae rami aï chupe reta vae, jare oyapo reta iyeupe ɨrɨru, ɨrɨru oyeka vae, mbaetɨ ikavi ɨ oñeñovatu pɨpe vaerä vae.

JEREMÍAS 2:37

Reyerova yeta Egipto güi nemara yae reve, echa che aröɨro ko jókuae reyerovia jese vae, jae ndive mbaetɨ eteita mbae oë kavi ndeve.”

JEREMÍAS 20:11

Ërei ngatu nde cheYa, oime reï che ndive, metei ñeraro regua imbaepuere yae vae rami; jáeramo, oeka teko cheré vae reta, ngaraa ipuere chemoamɨri; ipuereä jeko pegua imara yaeta opɨta jekuae avei rupi, jare ngaraa iñakañɨ reta chugüi vae.

JEREMÍAS 3:3

Kuae jeko pegua mbaetɨ okɨ, jare ama taɨkuegua iara pe ave. Ndeaguasa pota vaeño rembotenonde; ¡mbaetɨ nemara!

LAMENTACIONES 4:4

Michia raɨ okambu vae, ikü oya iñäpeku re iɨuve yae güi. Michia reta oeka tembíu, ërei mbaetɨ kia omongaru reta.

OSEAS 2:3

Mbaetɨ yave oyapo, apɨ̈rota chugüi imbaembae jare amonandita; añonota jókuae ara ichɨ güi oa ramo yave rami, aipoepɨta ñuu ipombae pe, ɨvɨ otini vae pe, ayukaukata ɨuve pe.

JOEL 1:20

¡Jevae ñana rupigua ave jäsémbai ndekotɨ, echa opa otini ɨ osɨrɨ vae reta, jare kuaraɨ opa omombiru kapii!

AMÓS 4:7

“Jare amombɨta vi ama pegüi mboapɨ yasɨ ndei mbaarɨvo mbove; amongɨ metei tëta guasu reño, ïru tëta guasu re mbaetɨ amongɨ; amogüe kó re okɨ, ïru kó re mbaetɨ okɨ vae opa ipiru;

AMÓS 4:8

jare mókoi ani mboapɨ tëta ipo reta yogüɨraja tëi oeka ɨ ïru tëta pe, ërei mbaetɨ jeta oväe reta chupe omboasa vaerä iɨuve, ¡jeseve mbaetɨ peyerova ye chekotɨ!” Jei yandeYa.

ZACARÍAS 14:17

Jare kia nunga tëta guasu güi mbaetɨ oyeupi Jerusalén kotɨ omboete vaerä Mburuvicha guasu, yandeYa Imbaepuere yae ete vae yave, ngaraa okɨ chupe reta.