JEREMÍAS 12:3 - Biblia Guarani Tumpa Iñee

³ Ërei nde cheYa Tumpa, chereecha jare chekuaa kavi ko; reikuaa kërai cheyemongeta ndekotɨ vae. ¡Eraja jókuae kuimbae reta, mbaeyukaa pe vecha oyereraja rami; emokañɨmaa parapiti iara peguarä!

JEREMÍAS 12:3 Iomraidhean Croise

2 REYES 20:3

“Romoñera cheYa, romoñera nemaendúa vaerä cheré, kërai che aguata nderóvai jupi rupi kavi jare opaete chepɨa ndive ayeokuai ndeve, ayapo ndeve mbaembae reta ndepɨa potaa rupi kavi.” Jare oyaeo ipɨatɨtɨ yae reve.

1 CRÓNICAS 29:17

CheRu Tumpa, che aikuaa nde reecha ko opaete vae ipɨa jare sɨmbi vae ndemboyerovia. Jáeramo chepɨa sɨmbi reve amee ndeve chepɨa-kɨ̈reɨ ngatu reve opaete kuae mbaembae reta. Jare añave yerovia katu reve aecha tëta ndembae kuae pe oyemboatɨ ñogüɨnoi vae omee ndeve mbota ipɨakavi reve.

JOB 23:10

Ërei jae chekuaa katu, chejäa yave aëta oro oyeambae rami.

SALMOS 11:5

YandeYa omae kavi jupi vae reta re, ërei omotareɨ jeko kavimbae vae reta jare ipɨarai vae reta.

SALMOS 139:23

CheRu Tumpa, emae kavi cheré, eikuaa chepɨa; chejäa, jare eikuaa cheyemongeta reta,

SALMOS 17:3

Nde reikuaa cheyemongeta, pɨ̈tu yave nde remae cheré, cheñono morojäa pe ërei mbaetɨ reväe teko cheré, echa añono chepɨa pe agüɨye vaerä ayavɨ mbae jae.

SALMOS 26:1

CheYa Tumpa, chejäa, echa che aiko jupi rupi; ndereño etei che ayeko.

SALMOS 7:9

¡Topa mo añave jeko kavimbae reta jembiapo, ërei emomɨ̈rata, jupi yogüɨreko vae reta! Echa nde, Tumpa jupi vae ko, reikuaa yemongeta kia iyɨvɨte pe güɨnoi vae.

JEREMÍAS 15:15

CheYa, nde reikuaa ko opaete mbaembae, ¡nemaendúa cheré jare eyu chemborɨ! ¡Eiporarauka chemotareɨ vae reta pe cheve! Agüɨye ndepɨaguasu chupe reta, agüɨye emaeño tamano; mase, roaɨu jeko pegua ko aiporara ñemotareɨ reta.

JEREMÍAS 17:16

Ërei che cheYa, mbaetɨ romoñera reiporarauka vaerä chupe reta, mbaetɨ vi aipota chupe reta mbaesusere. Nde reikuaa kavi, mbae ko jae nderóvai vae,

JEREMÍAS 17:18

Emomaraiuka chemotareɨ vae reta, ërei che agüɨye jökorai. Emongɨɨye reta, ërei che agüɨye jökorai. Embou jese reta mbaesusere, opaetei emokañɨtei reta.

JEREMÍAS 20:12

CheYa Imbaepuere yae ete vae, nde remae kavi jupi rupi yogüɨreko vae re vae, nde reikuaa katu kuimbae ipɨa iyemongeta vae, eechauka cheve kërai reiporarauka chupe reta vae, echa che añeñono ndepo pe.

JEREMÍAS 48:15

Oväe ma Moab imboaia jare jëta guasu reta imboaia; itaɨrusu reta ikavigüe opata omano. Jökorai jei Mburuvicha guasu, jae ko jee yandeYa Imbaepuere yae ete vae.

JEREMÍAS 50:27

¡Opaetei peyuka isundaro reta, peraja mbaeyukaa pe rami! ¡Paravete! ¡Oväe ma iara, oiporara yae reta vaerä!

JEREMÍAS 51:4

Opaete Caldeaɨgua reta omanota iɨvɨ pe, oyoata opɨta kaye reta rupi,

San Juan 21:17

Jesús jei ye chupe mboapɨa ma: —Simón, Jonás taɨ, ¿cheraɨu pa? Pedro ipɨatɨtɨ. Echa mboapɨa ma Jesús jei chupe: “¿Cheraɨu pa?” Jayave jei ye: —CheYa, nde reikuaa opaete. Nde reikuaa ko che roaɨu ko vae. Jesús jei chupe: —Emongaru chevecha reta.

Santiago 5:5

Kuae ɨvɨ pe peiko ramboeve, peiko kavi yae ko jare peyapo pepuere rupi pepɨa jemimbota reta. Peyemongɨra ko, mɨmba oyemongɨra oyeyukata vae rami.

2 Pedro 2:12

Ërei jókuae jupimbae vae oyapo vae reta jei ikavimbae vae oikuaambae vae kotɨ. Jae reta ko mɨmba reta iyarakuaambae reta rami jókuae oyepɨɨ jare oyeyuka vaerä rami. Jökorai okañɨtei retata.