JEREMÍAS 11:12 - Biblia Guarani Tumpa Iñee

¹² Jayave Judá pegua jare Jerusalén pe yogüɨreko vae yogüɨrajata oiporu yemborɨ tumpa-raanga reta pe, jókuae oapɨ ikäti kavi vae incienso chupe reta vae pe. Ërei jae reta ngaraa ipuere oepɨ reta susere iara pe.

JEREMÍAS 11:12 Iomraidhean Croise

2 CRÓNICAS 28:22

Yepe tëi yemoambeko pe güɨnoi vae, jae jeieteño iyoa yandeYa kotɨ,

ISAÍAS 45:20

Peyomboatɨ jare peyu opaete tëtaguasu pegua reta jembɨregüe. Mbaetɨ ko iyarakuaa jókuae tumpa-raanga ɨvɨra pegua ovoɨ güɨroata vae reta, jare oyerure reta jókuae oporoepɨ rapembae vae pe vae reta.

ISAÍAS 46:7

Jare ovoɨ reta güɨraja iyatiɨ re, güɨraja reta oñono jenda pe, joko pe opɨta, mbaetɨ omɨi jókuae jenda güi. Yepe tëi osapúkai reta oyerure chupe, ërei mbaetɨ oyapo iyerure chupe reta, ani mbaetɨ ipuere güɨroasayepe ipɨatɨtɨ güi.

JEREMÍAS 18:15

Ërei tëta chembae iñakañɨ chegüi, oapɨ ikäti kavi vae incienso tumpa-raanga reta pe. Opia jape ñɨma vae güi, jare oguata jókuae tape oikuaambaea rupi.

JEREMÍAS 2:28

Judá, ¿ketɨ pa oime tumpa-raanga reta reyapo ndeyeupe vae? ¡Topüa reta, yaecha ra ipuere reta ndereepɨ ou yave ndeve mbaesusere! Echa, ¡jeta yae tumpa-raanga renoi, tëta guasu reta jeta yae renoi rami!

JEREMÍAS 44:8

¿Maera pa chemboarasɨuka perembiapo reta rupi? Peapɨ ikäti kavi vae incienso tumpa ambuae reta kuae Egipto pegua pe, peyu peiko pɨpe vae. Jókuae rupi peru peyeupe aeño kañɨtei, peiko vaerä yepopeyu rupi jare yeyóyai yoyairä, opaete tëtaguasu reta ɨvɨ pe ñogüɨnoi vae reta peguarä.

DEUTERONOMIO 32:37

Jare jeita chupe reta: ‘¿Jama pa petumpa reta, jókuae ita guasu jese peyeepɨ vae,

DEUTERONOMIO 32:38

jókuae mɨmba oyeyukagüe pemeese vae ikɨragüe jou vae reta, jare vino mbota pemeese vae jou vae reta? ¡Topüa reta tapemborɨ! ¡Toyogüeru tapeangareko!

JUECES 10:14

¡Pekua, jare peiporu yemborɨ jókuae tumpa reta peiparavo peyeupe vae pe! ¡Jae reta tapereroasayepe peiporara peï yave!”