JEREMÍAS 11:10 - Biblia Guarani Tumpa Iñee

¹⁰ Iyoa reta iñemuñagüe reta iyoa rami, echa jae reta mbaetɨ oipota oyeapɨsaka cheñee reta re, omboete reta tumpa-raanga reta. Judá jare Israel mbaetɨ omboete morogüɨrökuavee päve ayapo iñemuñagüe reta ndive vae.

JEREMÍAS 11:10 Iomraidhean Croise

SALMOS 78:57

iñemuñagüe reta rami oyembopɨapochɨ reta, ¡ñape reta, güɨrapa oyepokuaa ñape rami!

ISAÍAS 24:5

Ɨvɨ opa oikomegua pɨpe yogüɨreko vae reta jeko pegua, echa mbaetɨ oyapo reta Tumpa iporookuai, mbaetɨ oendu reta mborookuai reta jei vae, oyavɨ reta morogüɨrökuavee päve opambae vae kotɨ.

JEREMÍAS 13:10

Kuae tëta jeko kavimbae vae, ñäteɨ cheporookuai oyapo vae, ipɨa jemimbotaño ombotenonde vae. Omboete jare oyeokuai tumpa ambuae reta pe. Jae ko, jókuae kuakuaa mbaetɨ etei ma ikavi rami.

JEREMÍAS 17:23

Ërei jae reta mbaetɨ oendu, ñäteɨ oyapo reta jaegüe, jaeño oyembopɨapochɨ reta agüɨye vaerä oendu, ñenupa rupi ave mbaetɨ oipota oendu reta.’

JEREMÍAS 22:9

Jare jeita chupe reta: ‘Echa oeya reta morogüɨrökuavee päve iYa Tumpa omee chupe reta vae, omboete reta tumpa ambuae reta jare oyeokuai reta chupe.’ ”

JEREMÍAS 31:32

Mbaetɨ peñemuñagüe reta ndive morogüɨrökuavee päve ayapo rami, jókuae ara aipoko anoe ɨvɨ Egipto güi rami; echa cheporogüɨrökuavee päve mbaeä etei chupe reta, yepe tëi che ko jae reta ime rami. Che peYa ko jae kuae.

JEREMÍAS 44:16

—Ngaraa royapo jókuae ñee reru oreve yandeYa güi vae.

JEREMÍAS 44:5

Ërei pe reta mbaetɨ peendu jare mbaetɨ peyapo jaegüe. Peeya vaerägüe pereko kavimbae, jeieteño peapɨ ikäti kavi vae incienso tumpa ambuae reta pe.

JEREMÍAS 7:28

Ere körai: ‘Jae ko kuae tëtaguasu mbaetɨi oyapo iYa Tumpa jeigüe vae, mbaetɨ vi oipota oyeapo kavi. Jupi rupi yogüɨrekose vae opa okañɨ chugüi.’ ”

JEREMÍAS 9:6

YandeYa jei: “¡Apu renda pe yogüɨreko, jupimbae jeiete! Chembae vae reta mbaetɨ oipota oikuaa cheregua.

EZEQUIEL 16:59

Che peYa Tumpa jae: Ngaraa ayapo nde ndive, nde reyapo rami, mbaetɨ remboete reñererökuavee vae, jare mbaetɨ rembopo morogüɨrökuavee päve.

EZEQUIEL 44:7

Pe reta pemongɨa chetupao, ketɨgua reta peru ipɨa oyembocircuncidambae jare isoo oyembocircuncidambae oike vaerä pɨpe vae rupi. Mbɨyape, mbaekɨra jare tugüɨ pemee vae rupi pemongɨa, pemboeteä cheporogüɨrökuavee, opaete ikavimbae yae peyapo vae rupi.

EZEQUIEL 5:6

Ërei jae reta ñäteɨ oyapo cheporookuai reta, jare jeko reta ikaviä yae ïru tëtaguasu reta güi jare iyɨvɨrigua reta güi; echa güɨröɨro reta cheporookuai jare mbaetɨ yogüɨreko reta mborookuai jeia rupi.

OSEAS 6:4

YandeYa jei: “¿Mbae ra ayapota ndeve Efraín? ¿Mbae ra ayapota ndeve Judá? Echa pe reta cheraɨu vae, ndeimbove yave ɨ̈vɨti oime vae rami ko, jare köe yave ɨsápɨi opa otini vae rami ko.

OSEAS 6:7

Ërei jae reta Adán ramiño, morogüɨrökuavee päve oyapoä, oikuaa reve mbaetɨ oyapo jupi vae.

OSEAS 7:16

Mbaetɨ oyerova reta Tuichagüe yae ete vae kotɨ; metei güɨrapa oyepoka vae mbaetɨ uvɨ omondo kavi rami. Ipɨapochɨ reta jeko pegua juvicha reta opata okañɨtei ñeraro pe, jare Egipto pe oyóyai retata.

LEVÍTICO 26:15

peröɨro yave che jae vae, jare pepɨa etei güɨröɨro yave cheporookuai reta, peyapombae vaerä, jare mbaetɨ pemboete cheporogüɨrökuavee päve,

SOFONÍAS 1:6

Amboaita vi opia chegüi vae reta, jare mbaetɨ chereeka vae, mbaetɨ oyerure cheve vae reta.”

ZACARÍAS 1:4

Agüɨye peiko peñemuñagüe reta rami, chupe reta tenondegua ñeemombeúa reta oñemoñee, jei reve: YandeYa Imbaepuere yae ete vae jei: Peyerova ye añave pereko kavimbae güi jare perembiapo kavimbae güi; ërei jae reta mbaetɨ oipota oyeapɨsaka jare oendu reta cheñee, jei yandeYa.

ZACARÍAS 7:11

Ërei mbaetɨ oipota reta oendu, jaeño omee ikupe, jare iyapɨsa oyapete reta agüɨye vaerä oendu.”

ZACARÍAS 7:13

Jare jei: “Che aenɨi reta tëi yave mbaetɨ oyeapɨsaka cheré, jökoraiño vi osapúkai reta chekotɨ yave; che mbaetɨta aendu chupe reta.

DEUTERONOMIO 31:16

Jayave yandeYa jei Moisés pe: “Remanota ma, jare kuae tëta oikomeguata tumpa ambuae kuae ɨvɨ pegua reta rupi, jókuae ɨvɨ yogüɨrajata yogüɨreko pɨpe vae pe; chereeya retata, omboaita morogüɨrökuavee päve ayapo jae reta ndive vae;

DEUTERONOMIO 9:7

Agüɨye peakañɨ pemboarasɨuka yandeYa Tumpa ñuu pe vae güi. Pepɨapochɨ ko yandeYa kotɨ ɨvɨ Egipto güi peë güive kuae pe peväe regua.

Hebreos 8:9

Mbaetɨta peñemuñagüe reta ndive morogüɨrökuavee päve ayapo rami, jókuae ara aipoko anoe ɨvɨ Egipto güi rami; echa yogüɨreko cheporogüɨrökuavee päve pe, jáeramo che aeya reta; che peYa ko jae kuae.

JUECES 2:11

Jaɨkue rupi Israel iñemuña reta oyapo ikavimbae vae yandeYa jesa róvai, omboete reta tumpa ambuae reta Baal jee vae.

JUECES 2:17

Ërei Israel iñemuña reta mbaetɨi oyeapɨsaka jókuae mburuvicha reta re, oguata reta tumpa ambuae reta jaɨkue, jare jókuae omboete reta. Jarembaeño opia reta iñemuñagüe reta oyapose Tumpa iporookuai vae güi.

JUECES 2:19

Ërei jókuae mburuvicha omano yave, jae reta opa ye oyerova, jare oasa ete ye oikomegua reta iñemuña reta güi, oyeokuai jare omboete reta tumpa ambuae reta; jare mbaetɨ oeya reta jembiapo kavimbae jare jeko kavimbae reta.

1 SAMUEL 15:11

—Chembopɨatɨtɨ Saúl añono ramboeve mburuvicha guasurä, echa opia chegüi, jare mbaetɨ oyapo jaegüe. Jare Samuel ipɨatɨtɨ yae, oyerure yandeYa pe opaete jókuae pɨ̈tu omoñera reve.