JEREMÍAS 10:7 - Biblia Guarani Tumpa Iñee

⁷ Nde ko tëtaguasu reta Juvicha guasu, ¿kia pa oipoɨu potaä ndegüi? Jupi ko ndegüi oipoɨu vaerä opaete vae. Echa opaete yarakuaa katu vae reta güi jare mburuvicha guasu reta ɨvɨ pegua güi, mbaetɨ kia nde rami.

JEREMÍAS 10:7 Iomraidhean Croise

2 REYES 17:39

Jaeño chemboete che peYa Tumpa, jare pogüɨroasayepeta opaete perovaicho reta güi.”

1 CRÓNICAS 16:25

echa yandeYa tuicha yae ko, jupi ko oyemboete vaerä, jare kɨɨyea yae ko opaete tumpa-raanga reta güi.

ESTER 1:13

jayave mburuvicha guasu oparandu yarakuaa jare mborookuai re oikuaa katu vae reta pe, echa jökorai oyepokuaa mburuvicha guasu, oparandu mborookuai re oikuaa vae reta pe jare jupi vae oikuaa vae reta pe;

SALMOS 147:5

Tuicha yae ko yandeYa, jare imbaepuere yae, iyarakuaa yamboapɨ rapeä etei.

SALMOS 22:28

Echa yandeYa mburuvicha guasu ko, jae oporookuaita opaete tëtaguasu reta re.

SALMOS 47:3

Jae oñonota tëta reta yogüɨreko vaerä yande yaea re, jare tëtaguasu reta yandepo pe.

SALMOS 72:11

¡Opaete mburuvicha guasu reta toyetavatɨka itindɨasɨ reve jóvai! ¡Opaete tëtaguasu reta toyeokuai chupe!

SALMOS 76:7

¡Nde, kɨɨyea yae ko! ¿Kia pa ipuereta oyemboɨ nderóvai ndearasɨ reï yave?

SALMOS 86:8

CheYa Tumpa, ¡mbaetɨ tumpa-raanga reta güi metei ave nde rami vae! ¡Nderembiapo ave mbaetɨ omboyovake vae!

SALMOS 86:9

Opaete tëtaguasu reta nde ko reyapo, yogüeruta omee mbaemboete ndeve cheYa, jare omboete yae retata nderee.

SALMOS 89:6

Echa, ¿kia pa ara pe oime ndemboyovake vaerä, cheYa? Imbaepuere vae reta güi, ¿oime pa kia ndemboyovake vaerä?

ÉXODO 8:10

Jare Faraón jei: —Pɨareve. Jare Moisés jei: —Toyeapo nde rere rami, reikuaa vaerä mbaetɨ ye kia oreYa Tumpa rami vae.

ÉXODO 9:14

echa añave opaete mbaerasɨ reta amondota nderé, nderembiokuai reta re, nerëta pegua reta re, reikuaa vaerä mbaetɨ ye ïru Tumpa che rami opaete kuae ɨvɨ pe vae.

ISAÍAS 2:4

Jare oporojäata opaete tëtaguasu reta re, jare ombosɨmbita jeta vae reta jeko. Jare opata oyapo reta ikɨsepuku reta arao itïrä, jare imii reta oyapota tembiporu hozrä. Tëtaguasu reta mbaetɨta ma oñoraro, jare ngaraa ye ma oime yemboe ñeraro peguarä.

JEREMÍAS 10:6

CheYa, mbaetɨ kia nde rami vae; nde ko tuichagüe, nderee tuichagüe jare imbaepuere yae vae.

JEREMÍAS 5:22

Che, peYa jae: ¿Mbaetɨ pa peipoɨu chegüi? ¿Mbaetɨ pa pekɨɨye chegüi? Che añono ɨvɨkuitï ɨguasu jembeɨrä, ɨguasu ngaraai oasa vae. Yepe tëi tuicha ɨaparúa opüa, ërei ngaraai ipuere oasa.

DANIEL 2:27

Daniel jei mburuvicha guasu jóvai: —Kuae yaikuaambae vae nde mburuvicha guasu reipota reikuaa vae, ngaraa ipuere oikuaauka ndeve yarakuaa katu vae, yasɨtata re oyemboe vae, ichoropa vae ani maratuta vae imombeúa reta ave.

DANIEL 2:28

Ërei oime metei Tumpa ara pe, jae oechauka yaikuaambae vae, jae ko oikuaauka nde mburuvicha guasu Nabucodonosor pe mbaembae ko oasata kuri vae. Mase, kuae ko jae ndepaɨu, nderupa pe reï yave reecha vae reta.

HABACUC 3:2

CheYa Tumpa, aendu nderegua, jare opaete reyapogüe yave, chepɨakañɨ yae. Tenonde rupi mbae tuichagüe reyapo vae eyapo añave oreve, roikuaa vaerä vi. Eechauka oreve ndeporoparareko, yepe tëi ndearasɨ reve.

ZACARÍAS 2:11

Oñemoïruta jeta tëtaguasu reta yandeYa re jókuae ara, jare jeita: “Toyogüɨreko chembaerä, che aikota jae reta ipɨte pe.” Jökorai peikuaata yandeYa imbaepuere yae ete vae ko chembou.

MALAQUÍAS 1:11

Opaete tëtaguasu ñavo rupi chemboete, jare oipota rupi kuae ɨvɨ pe oapɨ reta ikäti kavi vae incienso cheree re jare omee reta mbota ikavi vae cheve, echa cheree jërakua opaete tëtaguasu reta rupi.

San Lucas 12:5

Ërei tamombeu peve kia güi pekɨɨye vaerä. Pekɨɨye jókuae ipuere oekɨ perekove güire oporomondo kañɨtei pe vae güi. Añete che jae peve, pekɨɨye chugüi.

1 Corintios 8:6

Ërei ngatu yandevegua meteiño ko Tumpa. Jae ko yandeRu. Jae oyapo opaete mbaembae, jare yande yaiko chupeguarä. Jare meteiño yandeYa Jesucristo. Jae oyapo opaete mbaembae, jare omee yandeve tekove.

JOSUÉ 4:24

Opaete ɨvɨ pegua reta oikuaa vaerä yandeYa imbaepuere, jare pe peipoɨu vaerä yandeYa Tumpa güi opaete ara rupi.”

Apocalipsis 11:15

Jare araɨgua omoñee chiúa mimbɨguasu yave, oyeendu ñee reta tätagüe, jei: “Mborookuaía reta ɨvɨ pegua ou opɨta yandeYa jare Cristo ipo pe. Jare jae oporookuaita jekuaekuae avei rupi.”

Apocalipsis 15:4

¡Opaete vae okɨɨyeta ndegüi, oreYa! ¡Opaete vae omboeteta nderee! Echa ndeño ko jae iyoambae vae. Jáeramo opaete tëtaguasu reta yogüeruta jare ndemboete retata, echa oyekuaa ma neporojäa reta.”