GÉNESIS 8:12 - Biblia Guarani Tumpa Iñee

¹² Ërei oäro ye ïru chiu ara, jayave ramo omondo ye pɨkasu, ërei añave mbaetɨ ma oyerova ye ikotɨ.

GÉNESIS 8:12 Iomraidhean Croise

GÉNESIS 8:10

Oäro ye chiu ara rupi, jayave ramo omondo ye pɨkasu arca güi ikatu kotɨ.

GÉNESIS 8:11

Jare pɨkasu ou ye ikotɨ kaaru ma yave; güeru itï pe ɨvɨra olivo jee vae joogüe. Noé oikuaa ɨ opa ma ko jagüe vae.

SALMOS 27:14

¡Eäro yandeYa re! ¡Eñemomɨ̈rata, eñemoäta ngatu! ¡Eyeko yandeYa re!

ISAÍAS 25:9

Jókuae ara jei retata: “Kuae ko jae ñaneTumpa ñaäro yaiko vae, jese yarovia jare jae yandemborɨta. Yayerovia jare yavɨa, echa jae ko yandemborɨta.”

ISAÍAS 26:8

OreYa, roguata ko orepɨakatu reve kavi ndeporookuai jei vae rupi. Ndekotɨño ko orepɨa oyemongeta.

ISAÍAS 30:18

Ërei yandeYa oärota, güɨnoi vaerä mboroparareko peré, oïndaivi oï oechauka vaerä mboroparareko peve, echa yandeYa jae ko Tumpa jupi vae. ¡Oyekou, opaete jese oyeko vae reta!

ISAÍAS 8:17

Yepe tëi yandeYa oñomi jova Jacob iñemuña reta güi, ërei jeseve che ayeko avei ko jese. Añonota chepɨa jeseño.

JEREMÍAS 48:28

Moab pegua reta, peeya tëta guasu reta; pekua ɨ̈vavira kotɨ, jare joko pe peiko, pɨkasu oyembojaitɨ ɨ̈vavira ipäu vae rupi rami.

HABACUC 2:3

Ndei vɨteri oväe oyembopo vaerä kuae oyekuaa vae; ërei ngaraa oasa oyembopombae. Nde eäro, yepe tëi ara oväe raiviä, echa ouño täi ko iara pe.