GÉNESIS 7:11 - Biblia Guarani Tumpa Iñee

¹¹ Noé seisciento año ma güɨnoi yave; mokoía yasɨ re, diecisiete araa pe etei. Jókuae ara osoro ɨguasu jɨru ɨvɨgüɨ güi, jare ara güi oyepɨyere vi ama guasu.

GÉNESIS 7:11 Iomraidhean Croise

GÉNESIS 1:7

Jare Tumpa oyapo ara oasavi vae, jare omboyao ɨ, ara oasavi vae igüɨ pe ñogüɨnoi vae, ɨ amapɨtu ara oasavi vae re ñogüɨnoi vae güi. Jare oiko jökorai.

GÉNESIS 6:17

Aruta ɨporu guasu ɨvɨ re, amokañɨtei vaerä opaete oikove kuae ara igüɨ pe vae reta. Jökorai opaete vae omanota.

GÉNESIS 7:6

Jökorai Noé seisciento año ma güɨnoi yave ou ɨporu guasu ɨvɨ iárambo.

GÉNESIS 8:14

Mokoía yasɨ re, veintisiete araa pe opa ɨvɨ otiniasɨ.

GÉNESIS 8:2

Oyeokenda ɨguasu jɨru ɨvɨgüɨ kotɨ jare ama jape oyeokenda vi ara pe. Jare ama opoo.

2 REYES 7:19

Jayave jókuae mburuvicha guasu imborɨa jei yepe Tumpa iñeemombeúa pe: —Yepe tëi yandeYa oipea yave ara, ngaraa ko jökorai oasa jókuae rere vae. Eliseo jei chupe: —Mase, nde reechata, ërei ngaraa reu jókuae güi.

2 REYES 7:2

Mburuvicha guasu imborɨa jei Tumpa iñeemombeúa pe: —Yepe tëi yandeYa oipea ara, ngaraa ko oasa jókuae rere vae. Ërei Eliseo jei: —Mase, nde reechata, ërei ngaraa reu jókuae reta güi.

JOB 12:15

Jae omombɨta ama yave, opa mbae ipiru, omongɨ yave, oyeapo ɨporu.

JOB 28:4

Oyoo reta korepoti jenda, mbaetɨ kia ojo oväea pe mombɨrɨ tëta guasu reta güi, oyembosagüɨu tɨmasa pe ogüeyɨ joko pe.

JOB 38:16

¿Reike pa nde ɨguasu jesaɨa kotɨ, jare reike pa remae ɨvɨsoro guasu iyɨvɨte rupi?

JOB 38:37

¿Kia pa yarakuaa katu jare oikuaa amapɨtu mbovɨ ra ñogüɨnoi vae, kia pa omoäpɨata amapɨtu, okɨ vaerä?

SALMOS 33:7

Jae omboatɨ ɨ reta ɨguasurä, oñono jenda pe ɨguasu reta tɨpɨ yae vae.

SALMOS 74:15

Reipea ɨesaɨ jare ɨ̈aka, rembondɨpa ɨ̈aka tɨpambae yepi vae.

PROVERBIOS 3:20

jae iyarakuaa katu rupi opa omboyao ɨguasu reta, jare ara güi oa vaerä ɨsápɨi.

ISAÍAS 24:18

Ojoyepe tëigüe, oata ɨvɨkua pe, jare ɨvɨkua güi oë tëi vae oata ñuai pe. Ama tuicha yaeta oa ara güi, okanata ɨvɨ iguapɨka reta.

ISAÍAS 24:19

Ɨvɨ okanata täta yae, opaeteita oyemboai, okanata jare opaeteita jaɨ jaɨ.

JEREMÍAS 5:22

Che, peYa jae: ¿Mbaetɨ pa peipoɨu chegüi? ¿Mbaetɨ pa pekɨɨye chegüi? Che añono ɨvɨkuitï ɨguasu jembeɨrä, ɨguasu ngaraai oasa vae. Yepe tëi tuicha ɨaparúa opüa, ërei ngaraai ipuere oasa.

JEREMÍAS 51:16

Iñee rupi jɨapu ɨ jetagüe ɨvate ara pe, omboyeupi amapɨtu ɨvɨ iyapɨ kotɨ güi, ombou ama-vera okɨ yave, jare güɨnoe ɨvɨtu oñeovatúa güi.

EZEQUIEL 26:19

Echa, che Tumpa jae körai: Che roeyata tëta guasu jendagüeño, mbaetɨ kia oiko pɨpe rami vae; ambouta ɨguasu nderupi.

MALAQUÍAS 3:10

Peru opaete pediezmo mbotarɨru pe, oime vaerä tembíu chero pe; jare peikuaa añave jokoropi, mbaetɨta ra aipea ara jöke ambou vaerä peve mborerekua oarasa regua. Jei yandeYa Imbaepuere yae ete vae.

San Mateo 24:38

Echa ndei ɨporu guasu ou mbove, ɨvɨ pegua reta iarete jare okau reteiño yogüɨreko, omenda reta jare oyomomenda reta Noé oike regua arca pe.

1 Tesalonicenses 5:3

ɨvɨ pegua reta jei yave: “Mbɨakatu jare pɨagüive.” Jayave iparanoe outa chupe reta kañɨtei, jare oiporarata kuña imembɨrasɨ vae rami, jare ngaraa oasayepe reta.

2 Pedro 3:6

jáeramo ɨ rupi opa omboai opaete ɨvɨ jayave rupi.