GÉNESIS 6:6 - Biblia Guarani Tumpa Iñee

⁶ Jayave yandeYa ombopɨatɨtɨ, arakae oyapo kuimbae vae, jare jókuae jasɨ ipɨa pe.

GÉNESIS 6:6 Iomraidhean Croise

GÉNESIS 6:7

YandeYa jei: “Amokañɨteita kuae ɨvɨ güi kuimbae reta ayapogüe. Amokañɨteita kuimbae jare opaete mɨmba jare mɨmba ipɨtía re oguata vae, jare güɨra reta. ¡Echa chembopɨatɨtɨ arakae ayapo vae reta!”

2 SAMUEL 24:16

Jare Tumpa iaraɨgua ipo omopüa Jerusalén kotɨ omboai vaerä yave jasɨ yandeYa ipɨa pe jókuae, jayave jei araɨgua oporoyuka oï vae pe: “¡Joko peño mo, agüɨye mo!” Jókuae yandeYa iaraɨgua oï Jebús pegua Arauna itrigo oyembopiriría pe.

1 CRÓNICAS 21:15

YandeYa ombou iaraɨgua omboai vaerä Jerusalén. Ërei omboai ma güɨnoi yave, yandeYa omae jare jasɨ ipɨa pe jókuae susere ombou vae re, jare jei jókuae araɨgua pe: “¡Joko peño mo!” YandeYa iaraɨgua oï Jebús pegua Ornán itrigo oyembopiriría pe.

SALMOS 106:45

imaendúa morogüɨrökuavee päve oyapo jae reta ndive vae re, jare oipoepɨ iyemongeta, iporoparareko yae jeko pegua.

SALMOS 110:4

YandeYa jei jee re ae, jare ngaraa oipoepɨ iyemongeta: “Nde ko jae sacerdote reiko avei vaerä, Melquisedec rami.”

SALMOS 119:158

Aecha yave iñeereendumbae reta chearasɨ, echa mbaetɨi oyapo reta neñee.

SALMOS 78:40

¡Mbovɨ ye rupi oyembopɨapochɨ reta ikotɨ, omboarasɨuka reta ñuu pe!

SALMOS 81:13

¡Tëta chembae vae oyapo yave mona che jae vae! ¡Israel, oguata yave mona cheremimbota rupi,

SALMOS 95:10

Cuarenta año chearasɨ aiko kuae tëtaguasu kotɨ, jare jae: ‘Kuae tëta ipɨa güɨrave yae, ¡jare mbaetɨ oikuaa reta cheporookuai!’

ÉXODO 32:14

Jayave yandeYa oipoepɨ ye iyemongeta, ikavimbae oyapota tëi imbae vae reta pe vae güi.

ISAÍAS 48:18

¡Reyeapɨsaka mona cheporookuai re yave! Ɨ omboɨpɨ tuicha vae ramita tëi ko, reiko kavi vae omboɨpɨta tëi ko tuicha, ani ɨguasu iɨaparúa ramita tëi ko.

ISAÍAS 63:10

Ërei jae reta ipɨapochɨ yae yandeYa kotɨ, jare omboarasɨuka reta iespíritu; jáeramo oyemboyovaicho jae reta ndive, jare jae etei oñeraro jae reta ndive.

JEREMÍAS 18:7

Che jae metei jeia pe oyemboai jare oñemokañɨtei vaerä tëtaguasu reta ani mborookuaía reta.

JEREMÍAS 26:19

¿Mburuvicha guasu Ezequías jare opaete Judá pegua reta oyuka yera Miqueas? Okɨɨye reta yandeYa güi, jare oyerure chupe. Jare yandeYa ¿oipoepɨä yera iyemongeta, oyapota tëi ikavimbae ikotɨ reta vae güi? Jayave yande, ¿yayapota pa ikavimbae yae vae yandekotɨ ae?”

EZEQUIEL 33:11

Ere chupe reta: YandeYa Tumpa jei iyé aeño: Mbaetɨ aipota iyoa vae omano, aipota vae ko jae oyepoepɨ vaerä jeko güi oikove vaerä. Israel, eeya ndereko ikavimbae vae, ¿maera pa remanota?’

OSEAS 11:8

¿Maera pa roeyata, Efraín? ¿Maera pa romeeta tovaicho pe, Israel? ¿Maera pa ayapota ndeve tëta Adma rami, ani ramo Zeboim rami? ¡Chepɨatɨtɨ ko nderé, roaɨu yae ko!

JOEL 2:13

Peyembopɨatɨtɨ, agüɨye pemondoroiño peremimonde; peyerova ye yandeYa Tumpa kotɨ; echa iporoparareko yae vae ko jae jare iyeaeä vae ko, mbaetɨ iyarasɨ raivi vae ko, tuicha yae mboroparareko pe, ñenupa oeyaño vae ko.

JONÁS 3:10

Jare Tumpa oecha jae reta oyapogüe, kërai oyepoepɨ reta jeko kavimbae güi vae; jare oipoepɨ iyemongeta ikavimbae oyapota tëi chupe reta vae, jare mbaetɨ oyapo.

MALAQUÍAS 3:6

“Echa, che peYa ayepoepɨmbae ko. Jáeramo ko, pe Jacob iñemuña reta mbaetɨ opa pekañɨtei.

NÚMEROS 23:19

Tumpa, kuimbaeä ko iyapu vaerä; jare kuimbae taɨä ko oipoepɨ vaerä iyemongeta. Jae mbae jei yave, oyapo. Mbae güɨrökuavee yave ombopo iñee.

Romanos 11:29

Echa Tumpa omee chupe reta vae, ngaraa opɨ̈ro ye. Jare oporoenɨi yave, mbaetɨ oipoepɨ.

Efesios 4:30

Agüɨye pembopɨatɨtɨ Tumpa iEspíritu Santo. Echa pɨpe Tumpa ñanemokañɨmaa yandereraja ete regua.

DEUTERONOMIO 32:29

Iyarakuaa katu yave mona oikuaa retata tëi ko; oikuaa retata tëi ko maratuta ko oasa reta vae.

DEUTERONOMIO 32:36

Echa yandeYa oepɨta imbae vae reta, jembiokuai oaɨu jeko pegua oipoepɨta iyemongeta; oecha mbaetɨ ma ipɨ̈rata yave, mbaetɨ ma yave tembipɨɨ ani tembipɨɨmbae.

DEUTERONOMIO 5:29

¡Jökorai avei mona ipɨa reta, oipoɨu jare oñovatu opaete cheporookuai, jae reta jare taɨ reta yogüɨreko kavi vaerä jekuae avei pegua!

Hebreos 3:10

Jókuae jeko pegua chearasɨ aiko kuae ñemuña reta kotɨ, jare jae: ‘Kuae tëta ipɨa güɨrave avei, ¡jare mbaetɨ oikuaa reta cheporookuai!’

Hebreos 3:17

Jáeramo Tumpa iyarasɨ cuarenta año jókuae ñaneñemuñagüe reta pe, iyoa reta ramo opa omano ñuu rupi.

Santiago 1:17

Opaete mbaembae ikavi yae oñemee yandeve vae ara güi ko ou, yandeRu tembipe reta iyapoa güi, jae ko mbaetɨi oyepoepɨ vae.

1 SAMUEL 15:11

—Chembopɨatɨtɨ Saúl añono ramboeve mburuvicha guasurä, echa opia chegüi, jare mbaetɨ oyapo jaegüe. Jare Samuel ipɨatɨtɨ yae, oyerure yandeYa pe opaete jókuae pɨ̈tu omoñera reve.

1 SAMUEL 15:29

Jare Tumpa Israel iyemboetea ngaraa iyapu jare ngaraa vi oipoepɨ iyemongeta, echa jae mbaetɨ ko kuimbae rami oipoepɨ vaerä iyemongeta.

1 SAMUEL 15:35

Kuae jaɨkue rupi mbaetɨ ye Samuel oecha Saúl opaete oikove oiko ramboeve. Samuel oäpiro Saúl, jare yandeYa ipɨatɨtɨ oñono ramo Saúl mburuvicha guasurä Israel iñemuña reta re.