GÉNESIS 6:5 - Biblia Guarani Tumpa Iñee

⁵ Jare yandeYa oecha kuimbae reta imbaeyoa jeiete yae ma ɨvɨ pe. Oecha kërai kuimbae reta ipɨa iyemongeta jekuaekuae mbaeyoa kotɨ reteiño.

GÉNESIS 6:5 Iomraidhean Croise

GÉNESIS 13:13

Ërei jókuae Sodoma pegua kuimbae reta jeko kaviä yae ete jare iyoa yae reta yandeYa kotɨ.

GÉNESIS 8:21

YandeYa oëtu yave ipiche katu mbota, jei ipɨa pe: “Ngaraa ye ma ayepopeyu ɨvɨ re kuimbae jeko pegua, yepe tëi kuimbae taɨrusu güive ipɨa pɨ̈chɨi yae vae reño; ngaraa ye ma amboai opaete oikove vae añave ayapo rami.

JOB 15:16

¡Vɨtei pa kuimbae ikɨa jare jupimbae Tumpa jóvai vae, yɨmbɨaɨ etei jupimbae re, iɨuve yae vae ɨ oyúe rami!

JOB 22:15

¿Reipota pa remomoe teko pɨ̈chɨi, arakae güive ipɨapochɨ vae reta yogüɨreko rami?

SALMOS 53:2

Ara güi Tumpa omae kuimbae reta re, oecha vaerä oime ra kia arakuaa güɨnoi vae, oime ra kia oeka Tumpa vae.

PROVERBIOS 6:18

ipɨa mbaembae ikavimbae reño vae, ikavimbae omomora yae oyapo vae,

ECLESIASTÉS 7:29

Aväe chupe vae jaeño kuae: Tumpa oyapo jupi kuimbae, ërei jae aeño oñererokomegua.

ECLESIASTÉS 9:3

Kuae ikavimbae yae vae ko oime oyeapo kuae ɨvɨ pe: Opaete vae oyovakeño ko omanota. Ïru yé jae ko kuimbae reta oyemongeta ikavimbae reño jare arakuaambae reño, opaete ara oikove oiko ramboeve, jare jökoraita opa omano.

JEREMÍAS 17:9

Oporombotavɨ katu yae vae ko yandepɨa opaete ïru mbaembae reta güi, jare jeko kavimbae yae ko, ¿kia ra ipuere oikuaa?

JEREMÍAS 4:14

Jerusalén, ndepɨa eitɨo ikavimbae güi reasayepe vaerä, ¿kërai yave regua pa remaeñota oiko, yemongeta ikavimbae ndepɨa pe?

EZEQUIEL 8:12

Jare jei cheve: “¿Nde kuimbae, reecha pa Israel iñemuña itenondegua reta oyapo vɨari, metei ñavo itumpa-raanga jɨru pe vae? Echa jae reta jei: ‘Ngaraa yandereecha yandeYa, oeya ma ko kuae ɨvɨ.’ ”

EZEQUIEL 8:9

Javoi jei cheve: “Eike jare reechata mbae pɨ̈chɨi yae oyapo reta joko pe vae.”

San Mateo 15:19

Echa pepɨa güi ko oë opaete yemongeta ikavimbae vae reta: mboroyuka reta, yuvanga menda re vae, aguasa reta, monda reta, iyapu reve imiari japicha re vae, ikavimbae jei Tumpa kotɨ vae.

San Mateo 24:37

Noé oiko yave ɨvɨ pegua reta ndive oasa rami. Jökoraita che Kuimbaerä ayeapo vae ayu ye yave.

San Lucas 17:26

Noé oiko yave ɨvɨ pegua reta ndive oasa rami. Jökoraita che Kuimbaerä ayeapo vae cheara oväe yave.

DEUTERONOMIO 29:19

Ërei kia nunga vae oendu kuae mborookuai jei vae reve jei yave iyeupe: ‘Che anoita mbɨakatu, yepe tëi ayapo che jaegüe; asavaɨpo rupi amboasata ɨuve.’

Tito 3:3

Echa tenonde yave yandearakuaambaese yepi, yandepɨapochɨ, yanderopa, yaikose yanderete jemimbota reta reño, yaiko ikavimbae rupi, yandepɨakatúä,

1 Pedro 3:20

Echa Noé oiko yave jae reta mbaetɨ güɨrovia Tumpa jei vae, yepe tëi Tumpa ipɨaguasu chupe reta jare oäro Noé jókuae barco guasu oyapo oiko ramboeve. Ërei juriño oasayepe ɨ güi.