GÉNESIS 6:4 - Biblia Guarani Tumpa Iñee

⁴ Jókuae ara rupi oime kuimbae ipuku yae vae, jare vi Tumpa taɨ reta güɨreko güive kuimbae reta tayɨ, omomembɨ reta. Kuae reta ko jae imbaepuere yae vae, jókuae ara güive kuae kuimbae reta jërakua yae mbaepuere pe.

GÉNESIS 6:4 Iomraidhean Croise

GÉNESIS 11:4

Jayave jei reta: “Yayapo metei tëta guasu jare ñamopüa metei o ɨvate yeyé vae, ojo ara re oya vae; ñanerërakua vaerä güɨramoi opa yave ñañemoai moai ɨvɨ iárambo.”

NÚMEROS 13:33

Jare roecha vi joko pe kuimbae ipukugüe, Anac iñemuña reta, kuimbae puku vae iñemuña reta; jare ore romae oreyé tuku rami jae reta jóvai, jare jökorai vi jae reta omae oreré.

NÚMEROS 16:2

oñemopüa reta Moisés kotɨ, dosciento cincuenta kuimbae Israel iñemuña reta ndive; jae ko mburuvicha reta, oporomboarakuaa vae reta jare kuimbae jërakua yae vae reta.

DEUTERONOMIO 2:11

Puku reta jeko pegua ïru vae reta omoëtara Anac iñemuña reta re, ërei Moab iñemuña reta ombojee emita.

DEUTERONOMIO 3:11

Og mburuvicha guasu Basán pegua jaeño ete opɨta kuimbae puku vae reta ipɨte güi; jupa jiero pegua irundɨ metro pukugüe, mókoi metro seri ipɨgüe, oimeño oï Rabá pe.

1 SAMUEL 17:4

Jayave filisteo reta jeyupa güi oë metei kuimbae jëia yae ñeraro pe vae, Goliat jee vae, tëta guasu Gat pegua, ipukugüe güɨnoi mboapɨ metro rupi.