GÉNESIS 47:9 - Biblia Guarani Tumpa Iñee

⁹ Jacob jei chupe: —Anoi ma ciento treinta año oipota rupi aguata vae, mbovɨ yae jare mbaetɨ ikavi ara reta cherekove pe, jare ndeiño aupitɨ cheñemuñagüe reta yogüɨreko rami.

GÉNESIS 47:9 Iomraidhean Croise

GÉNESIS 11:11

Sem oiko taɨ Arfaxad oa güire quiniento año, oa vi chupe taɨ reta jare tayɨ reta.

GÉNESIS 35:28

Jare opaete ara Isaac oikove oiko ciento ochenta año.

GÉNESIS 47:28

Jare Jacob oiko Egipto pe diecisiete año; jare opaete reve Jacob oikove ciento cuarenta y siete año.

GÉNESIS 47:8

jare Faraón oparandu chupe: —¿Mbovɨ año pa renoi?

GÉNESIS 5:27

Jökorai opaete ara Matusalén oikove oiko vae, noveciento sesenta y nueve año jare omano.

GÉNESIS 50:26

Jare José omano ciento diez año güɨnoi yave; jare oipoano reta jetegüe; jare oñono reta jet.

1 CRÓNICAS 29:15

Echa nderóvai ore reta ko ketɨgua oasa ojo oiko vae ramiño, oreñemuñagüe reta rami, jare orerekove ɨvɨ iárambo metei küaraɨa michi peguaño vae rami ko.

JOB 14:1

Kuña imembɨ, mbaetɨ ɨma oiko, jare oiporara yae.

SALMOS 119:19

Ketɨgua ko che kuae ɨvɨ pe, agüɨye eñomi chegüi ndeporookuai reta.

SALMOS 119:54

Ndeporookuai reta areko chetairarirä, ɨvɨ ambuae rupi aikoa pe.

SALMOS 39:12

CheYa Tumpa, eendu cheyerure, ¡eyeapɨsaka asapúkai ndeve vae re! ¡Agüɨye emaeiño tayaeo! Echa che, oguataiño vae rami ko ndeve, oguataiño vae cheñemuñagüe reta rami.

SALMOS 39:13

Emaeño mo cheré, tachepɨ̈rata ye, ndei amano mbove.”

SALMOS 39:5

Remee cheve mbovɨ araño aikove aiko vaerä, cherekove mbaeä etei ko ndeve, ¡añetete opaete kuimbae oikove vae mbaeä etei ko!

ÉXODO 6:4

Ayapo vi morogüɨrökuavee päve jae reta ndive, añererökuavee amee vaerä chupe reta ɨvɨ Canaán, ketɨgua rami yogüɨreko pɨpe vae.

ÉXODO 7:7

Moisés güɨnoi ochenta año jare Aarón güɨnoi ochenta y tres año yave imiari reta Faraón ndive.

2 Corintios 5:6

Jáeramo jekuaeño yayerovia, echa yaikuaa kuae ɨvɨ pe yaiko ramboeve, ndeiño ñaï yandeYa ndive.

DEUTERONOMIO 34:7

Moisés omano ciento veinte año güɨnoi yave; mbaetɨi jäve omae jare oikove katu avei.

Hebreos 13:14

echa mbaetɨ ñanoi metei tëta guasu jekuae avei pegua vae kuae ɨvɨ pe, ërei yaeka ko jókuae tëta guasu outa vae.

Santiago 4:14

Ërei pe reta mbaetɨ peikuaa këraita ra peï pɨareve vae. ¿Peikoveñota ra pɨareve pe? Echa perekove ɨ̈vɨti ramiño ko. Oyekuaa michi peguaño jare okañɨ ɨmambae.

JOSUÉ 24:29

Kuaekuae oasa güire Josué, Nun taɨ omano, yandeYa jembiokuai, ciento diez año güɨnoi yave.

1 Pedro 2:11

Cherɨvɨ aaɨu vae reta, pomoñera ketɨgua rami peiko kuae ɨvɨ pe vae, peyeandu pesoo jemimbota reta oïraro perekove vae güi.