GÉNESIS 47:4 - Biblia Guarani Tumpa Iñee

⁴ Jei reta vi Faraón pe: —Royu ko roiko vaerä kuae ɨvɨ pe; echa mbaetɨ kapii ore nderembiokuai reta ivecha peguarä, karuai jasɨ yae ko Canaán pe; jáeramo romoñera añave remaeño vaerä ore nderembiokuai reta yogüɨreko ɨvɨ Gosén pe.

GÉNESIS 47:4 Iomraidhean Croise

GÉNESIS 12:10

Jayave rupi oime karuai jókuae ɨvɨ pe, jare Abram ojo Egipto kotɨ oiko vaerä joko pe, echa karuai ikaviä yae jókuae ɨvɨ pe.

GÉNESIS 15:13

Jayave yandeYa jei Abram pe: —Añetete, neñemuña reta yogüɨrekota ɨvɨ ambuae pe, joko pe yogüɨreko retata tembiokuai oyeguagüe rami, jare oiporara retata cuatrociento año rupi.

GÉNESIS 43:1

Karuai jeiete yae ikaviä jókuae ɨvɨ pe.

GÉNESIS 45:10

Reikota ɨvɨ Gosén jee vae pe, jökorai reikota köiño chegüi nde jare nderaɨ reta, jare nerɨmɨmino reta, jare opaete nderɨmba reta jare ïru ndembaembae.

GÉNESIS 46:34

Jayave pere chupe: —Ore nderembiokuai reta jare oreñemuñagüe reta mbaemɨmba iya ko oretaɨrusu güive voi. Jökorai pepuere vaerä peiko ɨvɨ Gosén pe, echa Egiptoɨgua reta pe ikaviä ko yogüɨreko päve vaerä vecha iyangarekoa reta ndive.

GÉNESIS 47:5

Jayave Faraón imiari José pe jei reve: —Nderu jare nderɨkeɨ reta yogüeru ndépɨri.

SALMOS 105:23

Jaɨkue rupi ojo Israel oiko Egipto pe, ojo Jacob oiko Cam iɨvɨ pe.

ISAÍAS 52:4

Echa tenonde yave, tëta chembae vae ojo Egipto pe, oiko vaerä joko pe; jaɨkue rupi Asiriaɨgua reta oiporaraukaiño chupe reta jupimbae reve.

Hechos 7:11

Ërei karuai ou opaete ɨvɨ Egipto jare Canaán re, jare opaete vae oiporara; jare jókuae ñaneñemuñagüe reta ikaruai.

Hechos 7:6

Jare Tumpa omombeu chupe: “Neñemuña reta yogüɨrekota ïru vae reta iɨvɨ pe, jare jókuae ɨvɨ pegua reta oyapota jembiokuai retarä jare güɨrekoasɨ katuta cuatrociento año rupi.

DEUTERONOMIO 26:5

Jayave pemoë peñee jare pere yandeYa Tumpa jóvai: ‘Cheñemuñagüe ko Aram pegua oguata oiko vae, jae ojo Egipto pe mbovɨ kuimbae reta ndive, jare opɨta joko pe oiko vaerä; joko pe oñemuña, ou oyeapo metei tëtaguasu tuicha yae vae jare imbaepuere vae.