GÉNESIS 4:4 - Biblia Guarani Tumpa Iñee

⁴ Jare Abel güeru vi ivecha reta imembɨrɨpɨ ikɨra kavi vae. Jare yandeYa ipɨakatu omae Abel re jare mbota güeru vae re.

GÉNESIS 4:4 Iomraidhean Croise

GÉNESIS 15:17

Jare kuaraɨ oike ma ojo yave, omboɨpɨ ma pɨ̈tu yave, oyekuaa metei horno jätati oï vae, jare metei tatasɨgüe jendɨ vae oasa mɨmba reta oyemboyaogüe mbɨte rupi.

GÉNESIS 4:3

Jökorai opa ma okuakuaa reta yave, metei ara Caín güeru jemitɨ iagüe omee vaerä mbota yandeYa pe.

1 REYES 18:24

Jare jaɨkue rupi peenɨi petumpa reta jee rupi, jare che taenɨi YandeYa jee rupi; jare yerure omboyevɨ tata rupi vae, jae ko Tumpa. Jare opaete vae reta jei: “¡Ikavi yae ko!”

1 REYES 18:38

Jayave yandeYa ombou tata, jare opa oapɨ mɨmba oyeyukagüe oyeapɨ vaerä vae, yepea, ita reta jare ɨvɨkúi, jare ɨ oï ipɨ̈koe pe vae ave opa omotini.

1 CRÓNICAS 21:26

jare joko pe omopüa metei mɨmba oyeyuka oyeapɨ jese vae yandeYa pe, jare omee mɨmba oyeyukagüe opaetei oyeapɨ vae jare mɨmba oyeyuka oñemee mbɨakatu pegua vae. Javoi oyerure yandeYa pe, jare jae omboyevɨ chupe ombou reve tata ara güi mɨmba oyeyuka oyeapɨ jese vae re, mɨmba oyeyukagüe opaetei oyeapɨ vae re.

2 CRÓNICAS 7:1

Jare Salomón opa oyerure yave, ou tata ara güi, jare opa oapɨ mɨmba oyeyukagüe opaeteita oyeapɨ vae, jare mɨmba oyeyukagüe reta, jare yandeYa iyemboetea tɨnɨe tupao guasu.

SALMOS 20:3

Timaendúa opaete mbota remee vae re, jare tipɨakatu tomae mɨmba oyeyukagüe opaetei oyeapɨ remee vae re.

ÉXODO 13:12

peñono tee opaete peraɨrɨpɨ reta, jökorai vi opaete perɨmba reta imembɨrɨpɨ kuimbae reta; echa yandeYa imbae ko.

PROVERBIOS 3:9

Emboete yandeYa mbaembae renoigüe pe, jare opaete ndembaagüɨyerɨpɨ reta pe.

ECLESIASTÉS 4:4

Jökoraiño vi aecha opaete mbaravɨkɨ ikavi yae oyeapo vae rupi ou ñemoägüɨro. Jökorai vi kuaekuae mbaeä etei ko, yayemoambekoiño ma ko jese.

LEVÍTICO 9:24

Jare yandeYa ombou tata, jare oapɨ mɨmba oyeyukagüe opaeteita oyeapɨ vae ikɨragüe reta ndive mɨmba oyeyuka oyeapɨ jese vae re. Jare Israel iñemuña reta oecha yave, omboete jare oyetavatɨka reta itindɨasɨ ɨvɨ re.

NÚMEROS 16:15

Jayave Moisés iyarasɨ yae ete, jare jei yandeYa pe: —¡Agüɨye emae mbota güerugüe reta re! Mbaetɨ ko apɨ̈ro metei mburika ave yepe chugüi reta, jare metei vae pe ave mbaetɨ ayapo ikavimbae.

NÚMEROS 16:35

Jare yandeYa ombou vi tata, jare opa omokañɨtei jókuae dosciento cincuenta kuimbae reta, ikäti kavi vae incienso güɨrökuavee tëi ñogüɨnoi vae.

NÚMEROS 18:12

Jare opaete olivo iasaite ikavigüe, uva ikavigüe jare trigo ikavigüe, Israel iñemuña reta omee cheve mbaagüɨyerɨpɨ güi vae, opa amee ndeve.

NÚMEROS 18:17

Ërei guaka imembɨrɨpɨ toro raɨ, jare vecha imembɨrɨpɨ kuimbae, jare kavara imembɨrɨpɨ kuimbae, mbaetɨta oyemboepɨ; oñeñono tee vae reta ko; jókuae reta jugüɨgüe eñapiramo mɨmba oyeyuka oyeapɨ jese vae re, jare ikɨragüe eapɨ, mbota ipiche katu vae yandeYa pe.

Hebreos 11:4

Iporogüɨrovia rupi Abel omee Tumpa pe mɨmba oyeyukagüe, ikavi yae jókuae Caín omee vae güi. Jókuae rupi Tumpa oikuaauka ombojupi ko Abel, jare omboresive mbota omee chupe vae; yepe tëi Abel omano ma, ërei iporogüɨrovia rupi jekuaeño imiari.

Hebreos 9:22

Jare tugüɨ rupi mborookuai jei rami opaete seri oyeyoe Tumpa kotɨ. Jare tugüɨ oyepɨyerembae reve Tumpa mbaetɨ iñɨ̈ro mbaeyoa reta re.

Apocalipsis 13:8

Jare omboete opaete ɨvɨ pegua reta jee mbaetɨ oyekuatía oï Vecha kuimbae taɨrusu vae jembikuatía tekove opambae vae pegua pe vae. Vecha kuimbae taɨrusu vae oyeyukauka ko ndei ɨvɨ oyeapo mbove.

JUECES 6:21

Jare araɨgua ipo pe güɨnoi popoka vae pe oñátai soo jare mbɨyape, jare jókuae ita guasu güi oë tata, jare opa oapɨ soo jare mbɨyape; javoi yandeYa iaraɨgua okañɨ jóvai güi.

1 SAMUEL 15:22

Jayave Samuel jei: “¿Oyerovia yae pa yandeYa mɨmba reta oyeyukagüe opaetei oyeapɨ vae re, jare mɨmba reta oyeyuka vae re, iñeerendu katu vae re rami? Añetete, ñeereendu katu ko ikavi yae mɨmba reta oyeyukagüe güi, jare yeapɨsaka katu vecha kuimbae reta ikɨragüe güi.