GÉNESIS 39:9 - Biblia Guarani Tumpa Iñee

⁹ Mbaetɨ ye kia tenondegua chegüi kuae o pe, jare cheya mbaetɨ mbae oyopia chegüi; jaeño ma nde, echa nde ko jae jembireko. ¿Këraita pa che ayapo kuae mbae ikavimbae yae vae, jare cheyoa Tumpa kotɨ?

GÉNESIS 39:9 Iomraidhean Croise

GÉNESIS 13:13

Ërei jókuae Sodoma pegua kuimbae reta jeko kaviä yae ete jare iyoa yae reta yandeYa kotɨ.

GÉNESIS 20:3

ërei ngatu Tumpa ou Abimelec pe ike pe pɨ̈tu yave, jare jei chupe: “Mase, remanota ko, kuña reruruka vae jeko pegua, echa omenda vae ko.”

GÉNESIS 20:6

Tumpa jei chupe ipaɨu pe: “Che aikuaa vi ndepɨa jupi reve kuae reyapo vae; che vi ko royopia agüɨye vaerä ndeyoa chekotɨ, jökorai mbaetɨ amaeño repoko jese.

GÉNESIS 20:9

Jaɨkue rupi Abimelec oenɨi Abraham jare jei chupe: —¿Mbae pa reyapo oreve? ¿Oime pa mbae pe cheyoa ndekotɨ, reru vaerä cheré jare cheporookuaía re mbaeyoa tuichagüe yae? Mbaetɨta tëi reyapo vae reyu reyapo che ndive.

GÉNESIS 24:2

Jare Abraham jei jembiokuai ñɨma yae ma jo pe vae pe, jae ko tenondegua yae oyangareko opaete mbaembae re vae: —Eñono ndepo cheu päu pe,

GÉNESIS 39:10

Ara ñavo jae omoñera José, ërei José mbaetɨ oyeapɨsaka jese ou vaerä oyapakua ipoe, oï vaerä jae ndive.

GÉNESIS 41:40

Jare añave güive reïta cherëta pe tenondeguarä jare nde rere rami toyeapo cheɨvɨ pe; jaeño ete che aïta ndetenondeguarä.

GÉNESIS 42:18

Jare mboapɨa ara pe José jei chupe reta: —Tumpa güi oipoɨu vae ko che; peyapo kuae, jayave ngaraa pemano.

2 SAMUEL 11:27

Ërei oasa güire ime oäpiro vae iara yave, David omondo güeru jo pe; jare oiko jembirekorä, jare imembɨ chupe metei kunumi. Ërei kuae David oyapo vae, mbaetɨ etei ikavi yandeYa jesa róvai.

2 SAMUEL 12:13

Jayave David jei Natán pe: —Cheyoa ko yandeYa kotɨ. Jare Natán jei David pe: —YandeYa iñɨ̈ro ndeve ndeyoa re, mbaetɨta remano.

NEHEMÍAS 5:15

Ërei ïru mburuvicha reta tenonde yogüɨreko chegüi vae, oiporarauka opaete vae reta pe, echa ara ñavo okovara reta okaru jare okau vaerä cuarenta reare korepoti pegua, jare jembiokuai reta ave oiporarauka opaete vae reta pe. Ërei che mbaetɨ ayapo jókuae, aipoɨu ramo Tumpa güi.

NEHEMÍAS 6:11

Ërei che jae chupe: “¿Kuimbae che rami vae otekuaraita pa? ani, ¿kia che rami vae oiketa pa tupao guasu pe güɨroasayepe vaerä jekove? Ngaraa aike tupao guasu pe.”

JOB 31:23

Che akɨɨye Tumpa iporonupa güi; ngaraa chepuere aropɨa jae oñonogüe.

SALMOS 51:4

Ndekotɨ, ndekotɨño cheyoa, ayapo ikavimbae nderesa róvai; ikavimbae remae jese vae ayapo, jáeramo, chejäa vae, jupi ko.

ÉXODO 20:14

Agüɨye peyapo aguasa.

PROVERBIOS 6:29

Jökorai ko japicha jembireko re opoko vae; ngaraa opɨta jökoraiño oiporarambae reve jeko re.

PROVERBIOS 6:32

¡Menda re oyuvanga vae mbaetɨ ko iyarakuaa! ¡Jökorai oiko vae, jae aeño ko oñemokañɨtei!

ECLESIASTÉS 7:26

Ayu aikuaa mano güi ikavimbae yae ete vae, jae ko kuña ñuai rami, oporoitɨ jare oporoäpɨti. Tumpa reño oyeko vae ojoyepe chugüi, ërei iyoa vae, oa ipo pe.

JEREMÍAS 28:16

Jáeramo, yandeYa jei: “Romokañɨteita kuae ɨvɨ iárambo güi. Kuae año remanota, echa neñee jeko pegua opaete vae reta oyembopɨapochɨ chekotɨ.”

JEREMÍAS 50:7

Jovaicho reta oväe yave oyuka jou, jare jei reta: ‘Mbaetɨ ko teko ñanoi, echa jae reta ko iyoa iYa kotɨ, ikapiirupa ikavigüe kotɨ, iñemuñagüe reta iyeroviaka.’

LEVÍTICO 20:10

Metei kuimbae oiko yave aguasa rupi japicha jembireko ndive, jókuae menda re oyuvanga vae reta, tomano opa reve oñeärombae reve.

LEVÍTICO 6:2

“Kia nunga vae iyoa yave, oyapota tëi vae oyapoä yave, oyavɨ ko chekotɨ, japicha güi oikuaku yave mbae oyókuai oeya jese vae, ani mbae oeya ipo pe vae, ani mbae oñomi ani ndaye rupi mbae opɨ̈ro iyeupe japicha güi yave,

NÚMEROS 32:23

Ërei ngatu mbaetɨta ko jökorai peyapo yave, peyoa ko yandeYa kotɨ; jare agüɨye peakañɨ metei ara peiporarata ko peyoa re vae.

San Lucas 12:48

Ërei tembiokuai mbaetɨ oikuaaä ramo oyavɨ vae yave, iya ngaraa jeta ete oinupa. Jókuae jeta oñemee chupe vae pe jeta vi oyeekata, jare jeta yae oñemee chupe vae pe jeta yaeta vi oyeeka.

1 Corintios 4:2

Jáeramo tembiokuai ñavo ikavi ko yogüɨreko vaerä jupi rupi.

Tito 2:10

agüɨye timonda, ërei toechauka kavi iya pe ipuere vaerä güɨrovia katu, jökorai oikuaaukata ikavi yae ko Tumpa Yandemboasa vae iporomboe.

Hebreos 13:4

Opaete vae tomboete menda, agüɨye tomongɨa menda vae, echa Tumpa ojäata aguasa oyapo vae reta jare menda re oyuvanga vae reta.

1 Juan 3:9

Tumpa güi tekove güɨnoi vae mbaetɨ oyapo mbaeyoa, echa güɨnoi ma tekove Tumpa güi; mbaetɨ ipuere oyapo mbaeyoa, echa güɨnoi ma tekove Tumpa güi.

Apocalipsis 21:8

Ërei okɨɨye vae reta jare oporogüɨroviambae reta, jare mbae pɨ̈chɨi vae oyapo vae reta, jare oporoyuka vae reta, jare iyaguasa vae reta, jare imbaekuaa vae reta, itumpa-raanga pota vae reta jare opaete iyapu vae reta yogüɨrajata tata guasu azufre ndive jendɨ vae pe. Kuae ko jae mano mokoía.

Apocalipsis 22:15

Ërei ikatu pe opɨtata jeko kavimbae, imbaekuaa vae reta, iyaguasa vae reta, oporoyuka vae reta, itumpa-raanga pota vae reta, jare opaete oaɨu jare oyapo apu vae reta.