GÉNESIS 32:9 - Biblia Guarani Tumpa Iñee

⁹ Jare Jacob oyerure jei: “CheYa, cheramɨi Abraham iTumpa, cheru Isaac iTumpa, nde rere cheve: ‘Ekua ye ndeɨvɨ pe jare nerëtara reta pɨri, che ayapota ndeve ikavi vae.’

GÉNESIS 32:9 Iomraidhean Croise

GÉNESIS 17:7

Añonota kuae morogüɨrökuavee päve yandeyeupe, jare nderaɨ reta pe, jare opaete nderaɨ iñemuña reta peguarä vi jekuae avei pegua, aiko vaerä neTumparä.

GÉNESIS 28:13

Oecha vi yeupika iyapɨteasɨ re oï yandeYa. Jare jae jei: “Che ko ndeYa, neramɨi Abraham iTumpa, jare nderu Isaac iTumpa; kuae ɨvɨ reyapakua reï jese vae ameeta ndeve jare neñemuña reta pe.

GÉNESIS 28:15

Añave, ko aï nde ndive jare ayangarekota nderé reoa rupi, jare rogüeru yeta kuae ɨvɨ pe; ngaraa roeya, ayapo regua ndeve jae ndeve vae.”

GÉNESIS 31:13

Che jae ko Tumpa Bet-el pe ayekuaa ndeve vae, joko pe remopüa ita jare repɨyere jese olivo iasaite oporomomaendúa avei vaerä, jare reñererökuavee joko pe. Epüa jare ekua jókuae ɨvɨ rea pɨpea pe.’ ”

GÉNESIS 31:29

Anoi mbaepuere ayapo vaerä ndeve ikavimbae, ërei nderu iTumpa pɨare chemomiari: “Eyeandu, agüɨye nemiari Jacob pe jasɨ katu rupi.”

GÉNESIS 31:3

Jayave yandeYa jei vi Jacob pe: “Eyupavo jare ekua ye nderu iɨvɨ kotɨ, nerëtara reta ñogüɨnoia pe, jare che aïta nde ndive.”

GÉNESIS 31:42

Abraham iTumpa jare cheru Isaac oipoɨu chugüi vae mbaetɨ ko oiko che ndive yave, chepogüɨraita tëi ko chembou; ërei ngatu Tumpa oecha aiporaragüe jare cheparavɨkɨ ramo pɨare oñeengata ndeve.

GÉNESIS 31:53

Neramɨi Abraham iTumpa jare cheramɨi Nacor iTumpa tiñanejäa. Jare Jacob oñererökuavee oyapo vaerä tu Isaac iTumpa omboete vae jovake.

GÉNESIS 32:8

echa oyemongeta: “Esaú oporepeña metei teyupa re yave, ïru teyupa ipuere oasayepe.”

GÉNESIS 49:25

¡Yasoropai nderu iTumpa pe, jae ndemborɨta, Tumpa imbaepuere yae ete vae jee re, jae iporerekuata nderé! ¡Iporerekuata ɨvate güi, okɨ katu vae rupi! ¡Iporerekuata ɨvɨ ñäkɨ ngatu vae rupi! ¡Jare iporerekuata reñemuña ngatu vaerä!

2 CRÓNICAS 20:12

¡OreRu Tumpa! ¿Mbaetɨta pa reiporarauka chupe reta? Echa ore mbaetɨ mbae orepuere royapo kuae jeta yae oporepeña oreré vae pe, ¡mbaetɨ roikuaa mbae royapo vaerä; jáeramo ndekotɨño royeko!”

2 CRÓNICAS 20:6

Jare jei: “CheYa, oreñemuñagüe reta iTumpa, ¡nde ko jae Tumpa ara pe oï vae, nde reporookuai opaete tëtaguasu reta re! ¡Nde renoi mbaepuere opaete vae re: Mbaetɨ kia ipuere oyovaicho ndekotɨ!

2 CRÓNICAS 32:20

Ërei ngatu mburuvicha guasu Ezequías jare ñeemombeúa Isaías, Amoz taɨ oyerure reta kuae re, jare oeka reta yemborɨ Tumpa pe.

SALMOS 50:15

Jare eyerure cheve ndepɨatɨtɨ yave; che roepɨta jare nde chemboeteta.”

SALMOS 91:15

Chereenɨita, jare che aenduta chupe; ¡jae ndive aïta mbɨatɨtɨ pe! Aepɨta jare amboeteukata.

ÉXODO 3:6

Che ko jae neñemuñagüe Abraham, Isaac jare Jacob iTumpa. Jayave Moisés oñomi jova, echa okɨɨye omae vaerä Tumpa re.

JEREMÍAS 32:16

Amee güire tupapire mbaegua regua Baruc, Nerías taɨ pe, ayerure yandeYa pe körai:

1 SAMUEL 30:6

Jare David ipɨatɨtɨ yae, echa jupiegua kuimbae reta iyarasɨ yae ikotɨ jare oipota oyapi reta ita pe, opa ramo taɨ reta, tayɨ reta oyererajauka tembipɨɨrä. Ërei David oyeko iYa Tumpa re.