GÉNESIS 3:16 - Biblia Guarani Tumpa Iñee

¹⁶ Kuña pe jei: —Ndepurúa yave ambojetata ndeve mbae jasɨ; membɨrasɨ reiporarata reiko; ndepɨa jemimbota neme jeia re oikota, jare jae ipo igüɨ pe reikota.

GÉNESIS 3:16 Iomraidhean Croise

GÉNESIS 4:7

Reyapo yave viña ikavi vaeño, ngaraa tëi ko jökorai reï. Ërei mbaetɨ yave reyapo ikavi vaeño, eyeandu, mbaeyoa okätɨro oï nderé öke pe ndepɨɨ vaerä. Ërei nde ndepuere ko remoamɨri.”

1 CRÓNICAS 4:9

Jabes jërakua yae tɨkeɨ reta güi; ichɨ ombojee Jabes, echa jei: “Aiporara yae rupi oa chegüi.”

ESTER 1:20

Jare mburuvicha guasu mborookuai omee vae toyeendu opaete iporookuaía pe yepe tëi tuicha yae, jare opaete kuña reta tomboete ime ñavo, oikokatu vae reta jare paravete vae reta vi.

SALMOS 48:6

Okɨɨye yae reta, mbae jasɨ omborɨrɨi reta, kuña imembɨ oa oï yave vae rami;

ISAÍAS 13:8

okɨɨye yaeta vae, ipɨatɨtɨ yaeta jare mbae jasɨ yae vae ombokepeguata kuña imembɨrasɨ vae rami. Omae oyoe yave, ipɨakañɨta oyoe, echa jova iyu yaeta oyekuaa.

ISAÍAS 21:3

Jáeramo, cherete orɨrɨi akɨɨye güi, ayandu chepɨa pe jasɨ, kuña imembɨrasɨ oï vae oiporara rami, jókuae mbaetɨ omaeño aendu, kɨɨye mbaetɨ omaeño aecha.

ISAÍAS 53:11

Oechata oiporaragüe jekovia, jare ipɨakatuta opɨta; cherembiokuai jupi vae iyarakuaa katu rupi ombojupita jeta vae, güɨrajata jae reta iyoa.

JEREMÍAS 13:21

¿Mbae pa rereta, Jerusalén, jókuae nderemimboe reta renoi nderuvicharä yave? ¿Ngaraa ra jasɨ ndeve, kuña imembɨrasɨ vae pe jasɨ yae rami?

JEREMÍAS 22:23

Añave nde reiko pɨagüive ndero kavi pe, oñeova ɨ̈vɨrare reta Líbano pegua pe vae pe. ¡Ërei jaema reiporarata, jasɨ katu yae vae ou nderé yave! Kuña imembɨrasɨ oï vae rami.”

JEREMÍAS 4:31

Kuña jaeramo imembɨ vae oyekuaku yave jäse vae rami, aendu täse, jae ko Sión pegua reta jäse vae, jäse, ipo reta oupi reve jei: ‘¡Atataɨ! ¡Jaema cheyukata oporoyuka vae reta!’ ”

JEREMÍAS 49:24

Damasco, otekuaraita tëi, ërei jëogüe. Ou jese kɨɨye jare mbɨatɨtɨ, orɨrɨi metei kuña imembɨ oa oï vae rami.

JEREMÍAS 6:24

Jerusalén pegua reta jei: “Roikuaa yave jërakua yae vae reta regua, opa orerëogüe; orepɨatɨtɨ yae jare jasɨ oreve, kuña imembɨrasɨ oï yave vae rami.

NÚMEROS 30:13

Opaete ñererökuavee ani Tumpa jee re oñererökuavee mbae oyapo vaerä vae, ime ipuere omoañetete ani omboai.

San Juan 16:21

Metei kuña imembɨ oata oï yave, oiporara yae jasɨ chupe ramo, echa oväe iora. Ërei imembɨ oa ma yave, mbaetɨ ma imaendúa oiporara yae vae re. Echa oyerovia imembɨ oa vae re.

1 Corintios 11:3

Ërei aipota peikuaa kavi Cristo ko jae kuimbae iñäka, jare kuimbae jae ko kuña iñäka jare Tumpa jae ko Cristo iñäka.

1 Corintios 14:34

tikïrii kuña reta. Echa mbaetɨ ko jaekavi imiari vaerä. Metei ñavo toiko ime jeia re, echa jökorai jei mborookuai pe.

1 Corintios 7:4

Kuña mbaetɨ ko güɨnoi mbaepuere jete re, ime ko güɨnoi mbaepuere. Jaeramiño vi kuimbae mbaetɨ ko güɨnoi mbaepuere jete re, jaeño jembireko.

Colosenses 3:18

Kuña reta, peiko peme jeia re, yandeYa re oporogüɨrovia vae jeko rami.

1 Tesalonicenses 5:3

ɨvɨ pegua reta jei yave: “Mbɨakatu jare pɨagüive.” Jayave iparanoe outa chupe reta kañɨtei, jare oiporarata kuña imembɨrasɨ vae rami, jare ngaraa oasayepe reta.

1 Timoteo 2:13

Echa Tumpa oyapo Adán räri, jaɨkue rupi oyapo Eva;

1 Timoteo 2:15

Kuña reta oyemboasa imembɨ yave. Ërei jekuaeño toporogüɨrovia jare toporoaɨu, toñeñono tee Tumpa peguarä. Jekuaeño toiko kavi.

Tito 2:5

oyeandu vaerä, jare tikɨambae Tumpa jóvai, oyangareko kavi vaerä jo re, ipɨakavi vaerä, oiko vaerä ime jeia re, agüɨye vaerä jeiuka ikavimbae vae Tumpa iñee kotɨ.