GÉNESIS 2:7 - Biblia Guarani Tumpa Iñee

⁷ Jayave yandeYa Tumpa oyapo kuimbae ɨvɨkúi güi, jare oipeyu iñäpɨgua pe tekove. Jökorai omboɨpɨ oikove kuimbae.

GÉNESIS 2:7 Iomraidhean Croise

GÉNESIS 1:27

Tumpa oyapo kuimbae jae rami kuimbae jare kuña oyapo.

GÉNESIS 2:6

Ërei ngatu ɨvɨ güi oë ɨsapɨirä, kuae omoäkɨ opaete ɨvɨ.

GÉNESIS 3:19

Nderɨaipoagüe rekaruta, jökorai reo ye regua reyea ɨvɨ ndive, echa ɨvɨ güi ko reyeapo; ɨvɨkúi ko nde, jare ɨvɨkuirä ko reo yeta.

GÉNESIS 3:23

Jayave yandeYa omoë kó Edén pegua güi, omaetɨ vaerä ɨvɨ pe, jókuae chugüi oyeapo vae pe.

GÉNESIS 7:22

Opaete ipɨ̈túe re oikove vae, opaete ɨvɨ ipo omano.

JOB 27:3

jae omee ramboeve cheve aikove aiko vaerä,

JOB 33:4

Tumpa ko cheapo, Imbaepuere yae ete vae ko omee tekove cheve.

JOB 33:6

Mase, che jare nde yayovake ko Tumpa jóvai, che cheapo vi tuyuapo güi.

JOB 4:19

¡Vɨtei pa kuimbae, imbaepuerembae vae, o tuyuapo pegua oñemopüa ɨvɨkúi re vae ramiño vae, oñepɨ̈rota jese, kupii re ñapɨ̈ro rami!

SALMOS 100:3

Peikuaa, kërai yandeYa ko jae Tumpa; jae ko yandeapo, yande aeñoä ko yayeapo; ¡jae imbae ko yande, ivecha reta ikapii jokɨ katúa pegua!

SALMOS 103:14

echa, jae oikuaa kërai ko yande vae, oikuaa ko ɨvɨkuiño yande vae.

PROVERBIOS 20:27

Tumpa omee iespíritu kuimbae pe vae tembipe ko jete peguarä, jae ko oikuaa kavi yae opaete yandeɨvɨte.

ECLESIASTÉS 12:7

Ndei ɨvɨkúi ojo ye oyea ɨvɨ ndive mbove, tenonde yave rami, jare ndei tekove ojo ye Tumpa kotɨ mbove, jókuae imeea kotɨ.

ECLESIASTÉS 3:7

Oime ara, mbae yamondoro vaerä, oime vi ara, mbae yambovɨvɨ vaerä. Oime ara, ñanekïrii vaerä, oime vi ara, ñanemiari vaerä.

ISAÍAS 2:22

Agüɨye peyeko kuimbae re, echa jekove ipɨ̈túe reño ko oï. Jae mbaeä etei ko.

ISAÍAS 64:8

Ërei oreYa, nde ko jae oreRu; ore ko ñaeu, nde ko jae oreapoa; ¡nderembiapo ko opaete ore reta!

LAMENTACIONES 4:20

Oa tembipɨɨrä yandeYa jembiparavo, ñanemoäta ngatuse vae, jókuae mburuvicha guasu re yande yaese körai: “Jae iporoangareko rupi yaikota tëtaguasu reta ipɨte rupi.”

EZEQUIEL 37:5

YandeYa Tumpa jei körai peve: Amee yeta pepɨ̈tuerä, peikove ye vaerä.

EZEQUIEL 37:6

Pekägüe reta ambojayɨ yeta, añono yeta pesoorä jare pepirerä; amee yeta pepɨ̈tuerä, peikove ye vaerä. Jare peikuaata che ko jae peYa vae.’ ”

ZACARÍAS 12:1

YandeYa iñee Israel pe mbae oasata vae regua. YandeYa, ara oipɨso vae jare ɨvɨ oyapo vae, jare tekove oyapo kuimbae iyɨvɨte pe vae, jei:

NÚMEROS 16:22

Jayave jae reta oyetavatɨka jare itindɨasɨ ɨvɨ re, jare jei reta: —OreRu Tumpa, opaete oikove vae reta jekove iTumpa, ¿metei kuimbaeñoä pa iyoa? ¿Maera pa ndearasɨ opaete kuae yatɨ vae reta kotɨ?

NÚMEROS 27:16

—CheYa Tumpa, opaete pe tekove omee vae, eñono metei kuimbae opaete vae itenondeguarä,

San Juan 20:22

Jare kuae jei ma yave, oipeyu ikotɨ reta jei reve: —Pemboresive Espíritu Santo.

Hechos 17:25

Jae mbaetɨ etei oeka ɨvɨ pegua reta omee vaerä mbae chupe. Echa jae ko omee yandeve tekove jare ñanepɨ̈túe, jare opaete mbaembae.

Romanos 9:20

Ërei nde, kuimbae ¿kia pa nde reñeengata vaerä Tumpa pe? Echa ɨvɨyapepo ¿ipuere pa iñeengeta iyapoa pe, jei: “Maera pa nde cheapo körai”?

1 Corintios 15:45

Echa oyekuatía oï körai: “Tumpa omee tekove kuimbae tenondegua Adán pe.” Ërei Adán taɨkuegua vae ko tekove omee vae.

1 Corintios 15:47

Kuimbae tenondegua vae ɨvɨ pegua ko. Echa Tumpa oyapo ɨvɨ güi. Ërei kuimbae taɨkuegua vae ko jae yandeYa ara güi ou vae.

2 Corintios 4:7

Jare oime rogüɨnoi mbae ikavi yae vae orerete pe, yepe tëi orerete ñaeu ramiño, oyekuaa vaerä kuae mbaepuere tuicha yae vae oime rogüɨnoi vae Tumpa imbaepuere ko, orembaeä ko.

2 Corintios 5:1

Echa yaikuaa yanderete opata ko, o yaiko pɨpe vae opa rami. Ërei opa yave Tumpa omeeta yandeve o ipɨau vae opambae vae, ara pe.

1 Timoteo 2:13

Echa Tumpa oyapo Adán räri, jaɨkue rupi oyapo Eva;

Hebreos 12:9

Añete ko, yanderu reta ɨvɨ pegua yandembosɨmbi ko, jare yamboete. Jayave ikavi ko ñañeñono vaerä yandeRu ara pegua ipo pe yaikove vaerä.