GÉNESIS 2:2 - Biblia Guarani Tumpa Iñee

² Tumpa opa omboapɨ jembiapo reta; jare oputuu chiúa ara pe opaete jembiapo reta güi.

GÉNESIS 2:2 Iomraidhean Croise

GÉNESIS 1:31

Tumpa omae opaete oyapogüe re, oecha ikavi yae ete jembiapo reta. Jökorai ou pɨ̈tu jare ara, jae ko ovaa ara pe.

GÉNESIS 2:3

Jökorai Tumpa iporerekua chiúa ara re, jare oñono tee iyeupeguarä, echa jókuae ara oputuu opaete jembiapo güi, oyapo güire opaete mbaembae.

ÉXODO 23:12

Ova ara peparavɨkɨ, jare chiúa ara pe peputuu, oputuu vaerä pegüeye jare pemburika, jökorai oputuu vaerä perembiokuai jare ketɨgua.

ÉXODO 31:15

Ova ara toyeparavɨkɨ, ërei chiúa ara pe, ara mbutuu pegua ko oñeñono tee che peYa pe. Oipotagüe oparavɨkɨ kuae ara mbutuu pegua pe yave, tomano.’

ÉXODO 31:17

Toiko ikañɨmaa vaerä Israel iñemuña reta pe jare cheve, jekuae avei pegua.” Echa ova ara pe yandeYa opa oyapo ara jare ɨvɨ, jare chiúa ara pe oeya iparavɨkɨ jare oputuu.

ISAÍAS 58:13

Emboete ara mbutuu pegua, agüɨye eyapo ndeparavɨkɨ cheara oñeñono tee vae pe. Kuae ara ereko, ara yerovia katu pegua, che ndeYa peguarä oñeñono tee jare imboetea yae vae. Emboete, agüɨye eeka nderemimbotaño ani mbae ndeyeupeguaräño.

San Juan 5:17

Ërei Jesús jei chupe reta: —CheRu mbaetɨ ko opoi iparavɨkɨ güi, jare che vi aparavɨkɨ.

DEUTERONOMIO 5:14

Ërei chiúa ara, ara mbutuu pegua ko peYa Tumpa pe, agüɨye mbae nunga mbaravɨkɨ ave peyapo jókuae ara, jare peraɨ, perembiokuai kuimbae jare perembiokuai kuña, pegüeye, ani pemburika metei ave perɨmba agüɨye toparavɨkɨ, ketɨgua pero pe oiko vae, oputuu vaerä perembiokuai kuimbae jare perembiokuai kuña pe peputuu rami.

Hebreos 4:10

Echa oike jókuae mbutuu pe vae, oputuu ko iparavɨkɨ reta güi, Tumpa oputuu iparavɨkɨ güi rami.

Hebreos 4:4

Echa oime tembikuatía pe jei ara chiu regua: “Tumpa oputuu chiúa ara pe opaete jembiapo reta güi.”