GÉNESIS 19:9 - Biblia Guarani Tumpa Iñee

⁹ Jayave jae reta jei chupe: —¡Esɨrɨ katu joko güi! Nde ketɨgua reyu reiko orepɨte pe. ¿Reñemopüa pa mburuvicha oporojäa vaerä? ¡Añave royapota ndeve ikavimbae yae vae! Jare oporepeña reta Lot re, jare oasa reta omopë vaerä öke.

GÉNESIS 19:9 Iomraidhean Croise

GÉNESIS 11:6

jare jei: “Kuae reta metei ramiño, jare iñee reta metei ramiño vi; añave omboɨpɨ reta kuae mbaravɨkɨ jare ngaraa mbae omboavai reta kuae oyemongeta oyapo vaerä vae güi.

GÉNESIS 13:12

Abram opɨta ɨvɨ Canaán pe, ërei Lot oñemoëta ɨvɨpe kavi pe tëta reta ñogüɨnoi vae rupi, jökorai ojoi oya tëta Sodoma re.

ÉXODO 2:14

Jare jae jei chupe: —¿Kia pa neñono oreruvicharä jare orejäa vaerä? ¿Reyemongeta pa cheyuka vaerä Egiptoɨgua reyuka rami? Jayave Moisés ou okɨɨye jare jei: “Kuae reta oikuaa ma yepe ayapogüe.”

PROVERBIOS 14:16

Yarakuaa katu vae, oipoɨu ikavimbae güi jare oyembosɨrɨ chugüi, ërei yarakuaambae, mbaetɨ etei mbae güi oipoɨu.

PROVERBIOS 17:12

Jaekaviño ko ñañoövaiti mɨmba imembɨmii vae imembɨ oñepɨ̈ro chugüi vae ndive, metei iyarakuaambae ndive ñañoövaiti vae güi.

PROVERBIOS 27:3

Ita jare ɨvɨkuitï ipoɨ yae ko, ërei yarakuaambae iyarasɨ ma ipoɨ yae ete rami ko.

ECLESIASTÉS 10:13

omboɨpɨ imiari rupive jei opaño ñee osirivembae, jare güɨraja omboapɨ ñee ikavimbae yae pe.

ECLESIASTÉS 9:3

Kuae ikavimbae yae vae ko oime oyeapo kuae ɨvɨ pe: Opaete vae oyovakeño ko omanota. Ïru yé jae ko kuimbae reta oyemongeta ikavimbae reño jare arakuaambae reño, opaete ara oikove oiko ramboeve, jare jökoraita opa omano.

ISAÍAS 65:5

Jei reta: ‘Joko peño, agüɨye cheavɨkɨ, oñeñono tee kavi yae vae ko, che ndegüi.’ Jókuae nunga reta, tätati omboasɨ cheresa vae rami ko, tata ikaaru jendɨ yave vae rami ko.

JEREMÍAS 3:3

Kuae jeko pegua mbaetɨ okɨ, jare ama taɨkuegua iara pe ave. Ndeaguasa pota vaeño rembotenonde; ¡mbaetɨ nemara!

JEREMÍAS 6:15

¡Jae reta imarata tëi ko kuae oyapogüe re, jókuae che mbaetɨ ma aropɨa vae! Ërei mbaetɨ, ¡mbaetɨ oikuaa imara vaerä kërai ave yepe! Jáeramo, aiporarauka chupe reta yave, ïru reta rami opata oa. Che ndeYa jae kuae.”

JEREMÍAS 8:12

¡Jae reta imarata tëi ko kuae oyapogüe re, jókuae che mbaetɨ ma aropɨa vae! Ërei mbaetɨ, ¡mbaetɨ oikuaa imara vaerä kërai ave yepe! Jáeramo, aiporarauka chupe reta yave, ïru reta rami opata oa. Che ndeYa jae kuae.’ ”

EZEQUIEL 16:49

Jae kuae ndepɨkɨɨ Sodoma iyoa: Jae jare tëta raɨ reta iyɨvɨrigua oyembopɨapochɨ reta jeta tembíu güɨnoi vae rupi jare ikavi yogüɨreko vae rupi, mbaetɨ omborɨ reta paravete vae jare mbae oata chupe vae.

San Mateo 7:6

Agüɨye pemee oñeñono tee Tumpa peguarä vae yaɨmba reta pe. Jaeramiño vi agüɨye peñono ita ipöra vae reta kuchi reta ñogüɨnoia rupi. Echa opɨ̈rota ko jese reta jare güɨramoi oyerovata pesuu vaerä.

1 SAMUEL 17:44

Javoi jei ye David pe: —¡Eyu chekotɨ! ¡Tamee ndesoo chucha reta pe jare mbaeporou reta ñana rupigua pe!

1 SAMUEL 2:16

Jare jókuae kuimbae jei yave chupe: “Toyeapɨ räri ikɨragüe jare jaɨkue rupi eraja nde reipota vae.” Jayave tembiokuai jei: “¡Emee cheve añave voi! Echa mbaetɨ remee yave apɨ̈rota ndegüi.”

1 SAMUEL 25:17

Añave eyemongeta kavi, mbae reyapo vaerä, echa jaema outa mbae ikavimbae yandeya re, jare jo pegua reta re, echa jae kuimbae ipɨapochɨ yae vae ko, mbaetɨ kia ipuere imiari jae ndive.