GÉNESIS 19:5 - Biblia Guarani Tumpa Iñee

⁵ Jare oenɨi reta Lot, jare jei reta chupe: —¿Jama pa jókuae kuimbae reta yogüeru kuae pɨ̈tu ndépɨri vae? Enoe oreve, orekɨ̈reɨ roikuaa.

GÉNESIS 19:5 Iomraidhean Croise

GÉNESIS 19:6

Jayave Lot oë omomiari reta vaerä oyokenda reve jöke.

1 REYES 14:24

Oime vi kuimbae reta japicha ndive oasa vae rupi ombaemboete vae, ikavimbae oyapo ïru tëta reta rami, jókuae tëtaguasu reta yandeYa opa güɨnoe omombo Israel iñemuña reta jenonde güi vae jeko rami.

1 REYES 22:46

Josafat, jae ko opa güɨnoe omombo jókuae ɨvɨ güi kuimbae reta japicha ndive oasa vae rupi ombaemboete vae, tu Asa oiko yave opɨtagüe reta.

ISAÍAS 1:9

Ërei yandeYa Imbaepuere yae ete vae mbaetɨ yave mona oeya mbovɨ yepe yandeve ñemuña, Sodoma jare Gomorra rami ko yapɨtata tëi.

ISAÍAS 3:9

Ikañɨmaa reta; echa Sodoma rami omoërakua reta iyoa, mbaetɨ oikuaku reta. ¡Paravete! Jae reta aeño oyapo ñogüɨnoi iyeupe ikavimbae oiporara vaerä.

JEREMÍAS 3:3

Kuae jeko pegua mbaetɨ okɨ, jare ama taɨkuegua iara pe ave. Ndeaguasa pota vaeño rembotenonde; ¡mbaetɨ nemara!

JEREMÍAS 6:15

¡Jae reta imarata tëi ko kuae oyapogüe re, jókuae che mbaetɨ ma aropɨa vae! Ërei mbaetɨ, ¡mbaetɨ oikuaa imara vaerä kërai ave yepe! Jáeramo, aiporarauka chupe reta yave, ïru reta rami opata oa. Che ndeYa jae kuae.”

EZEQUIEL 16:49

Jae kuae ndepɨkɨɨ Sodoma iyoa: Jae jare tëta raɨ reta iyɨvɨrigua oyembopɨapochɨ reta jeta tembíu güɨnoi vae rupi jare ikavi yogüɨreko vae rupi, mbaetɨ omborɨ reta paravete vae jare mbae oata chupe vae.

EZEQUIEL 16:50

Oyembopɨapochɨ reta jare oyapo che aröɨro vae; jáeramo amboai, pe reta peecha rami.

EZEQUIEL 16:51

Ërei Samaria mbaetɨ oyapo mbɨte ave nde mbaeyoa reta reyapo vae. Nde oasa ete yé reyapo mbaeyoa chugüi reta; oyemboyovake yave peyapogüe, jae reta jupiñota opɨta.

LEVÍTICO 18:22

Agüɨye kia nunga vae toyapakua japicha kuimbae ndive, kuimbae oasa kuña ndive rami. Ikavimbae yae ko jókuae.

LEVÍTICO 20:13

Kia nunga vae oyapakua yave japicha kuimbae ndive, kuimbae oasa kuña ndive rami, echa ikavimbae yae vae ko oyapo reta; tomano opa reve; jae reta aeño ko jeko iyeupe imano re.

1 Corintios 6:9

¿Mbaetɨ pa peikuaa jupimbae vae reta ngaraa yogüɨreko Tumpa iporookuaía pe vae? Agüɨye peyavɨ. Aguasa oyapo vae reta, itumpa-raanga pota vae reta, menda re oyuvanga vae reta, kuimbae kuña jeko omomora vae reta, kuimbae oyoupii oyogüɨreko vae reta,

DEUTERONOMIO 23:17

Agüɨye toime metei ave kuña iyaguasa pota vae ani kuimbae japicha ndive oasa vae Israel iñemuña reta ipɨte pe.

1 Timoteo 1:10

aguasa oyapo vae reta peguarä, jare kuimbae reta oyoupii oyogüɨreko vae peguarä, oñomi japicha vae reta peguarä, iyapu vae reta peguarä, oñeapo iyapu reve vae reta peguarä, jare oipotagüe mboromboe añete vae ndive oyovaicho vae reta peguarä.

2 Timoteo 3:13

ërei ikavimbae vae iyapoa reta jare oporombotavɨ vae reta, jeieteta ikavimbae oyapo. Jae reta oporombotavɨta jare oyembotavɨukata vi.

2 Pedro 2:2

Jare jeta vae omomoeta jae reta iporomboe kavimbae, jae jeko pegua ïru vae reta jeita ñee ikavimbae mboromboe añete vae kotɨ.

2 Pedro 2:7

Ërei Tumpa güɨroasayepe Lot. Echa jae jupi jare oyembopɨaä mbaembae pɨ̈chɨi vae jókuae jekopochɨ vae reta oyapogüe re.

Judas 1:7

Jaeramiño vi Tumpa oiporarauka Sodoma jare Gomorra jare iyɨvɨrigua tëta guasu reta pe. Echa joko pegua reta oyapo aguasa jare kuimbae reta oyogüɨreko oyoupii. Jáeramo oiporara reta tata opambae oikuaauka vaerä ïru vae reta pe agüɨye vaerä oyapo jae reta oyapo rami.

JUECES 19:22

Ërei ovɨakatu yae ma ñogüɨnoi yave, mbovɨ kuimbae jeko ikavimbae jókuae tëta pegua reta oimama o, jare omboɨpɨ okua reta öke re, jare jei reta jókuae ndechi o iya pe: —¡Enoe kuimbae ndembouparä renoi vae! ¡Orekɨ̈reɨ mbae royapo chupe!