GÉNESIS 19:2 - Biblia Guarani Tumpa Iñee

² Jare jei: —Cheya reta, pomoñera peyu vaerä che perembiokuai jo pe pepɨta jare peyoe pepɨ peputuu; jare pɨareve pepüa ye peguata. Ërei jae reta jei: —Ani, ropɨtañota ikatu pe kuae pɨ̈tu.

GÉNESIS 19:2 Iomraidhean Croise

GÉNESIS 18:4

Taruruka peve ɨ peyoe vaerä pepɨ; jare peyapakua peputuu ɨvɨra iküaraɨa igüɨ pe.

GÉNESIS 19:1

Kaaruasɨ ma yave araɨgua reta yogüɨraja oväe Sodoma pe; jare Lot oguapɨ oï tëta Sodoma jöke pe; jare Lot oecha yave opüa oövaiti vaerä, jare oyetavatɨka itindɨasɨ ɨvɨ re.

GÉNESIS 19:3

Ërei ngatu Lot jeta omoñera, jare yogüɨraja jupíe jare oike reta jo pe; jare oyapo chupe reta tembíu kavi, okaru reta vaerä, jare omboyɨ mbɨyape ovumbae, jare okaru reta.

GÉNESIS 24:31

jare jei chupe: —Eyu, yandeYa iporerekua jese vae. ¿Maera pa reï ikatu pe? ¡Ko añono kavi ma o jare camello reta jendarä!

GÉNESIS 43:24

jare jókuae kuimbae güɨraja reta José jo pe; jare ɨ omee chupe reta jare oyoe reta ipɨ, omboɨu vi imburika reta.

2 SAMUEL 11:8

Jaɨkue rupi David jei Urías pe: “Ekua ndero pe, jare eputuu.” Jare Urías oë mburuvicha guasu jo güi yave, mburuvicha guasu omondouka chupe mbota, jae jembiurä vae güi;

JOB 31:32

che mbaetɨ amaeño opɨta ikatu pe pɨ̈tu yave, jekuaeño aipea cheröke oguata vae reta pe.

PROVERBIOS 25:17

Agüɨye eapeko nerëta-ɨpɨ pegua reta, agüɨye vaerä rembogüérai yave nemotareɨ.

CANTARES 5:3

“Opa ma cheremimonde amboi tëi; ¡jekuae ra ayemonde yeta! Chepɨ ayoe kavi tëi ma; ¡jekuae ra amongɨa yeta!”

San Lucas 7:44

Jayave Jesús oyerova kuña kotɨ jare jei Simón pe: —Mase, emae kuae kuña re. Che aike ndero pe, ërei mbaetɨ remee cheve ɨ ayoe vaerä chepɨ. Ërei kuae omoäkɨ chepɨ jesaɨ pe jare omotini ia pe.

San Juan 13:5

Jayave oñono ɨ metei yepoeka pe jare omboɨpɨ oyoe jemimboe reta ipɨ, jare oyoe ma yave, omotini toalla ikúa re güɨnoi vae pe.

Hechos 16:15

Jare oyembobautisauka opaete jo pegua reta ndive güire, jei oreve: —Perovia ko che arovia ete kavi yandeYa re yave, peyu pepɨta chero pe. Jare oremoñera ropɨta vaerä joko pe.

Hebreos 13:2

Pemboresive kavi avei mboupa, echa jökorai amogüe reta omboresive araɨgua jo pe oikuaambae reve.