GÉNESIS 18:2 - Biblia Guarani Tumpa Iñee

² Abraham omopüa iñäka jare oecha mboapɨ kuimbae reta yogüeru oväe jóvai; jare oecha yave osɨi oë ojo oövaiti reta vaerä, jare oyetavatɨka itindɨasɨ ɨvɨ re.

GÉNESIS 18:2 Iomraidhean Croise

GÉNESIS 17:3

Jayave Abram oyetavatɨka jare itindɨasɨ ɨvɨ re; jare Tumpa imiari jae ndive, jei reve:

GÉNESIS 18:16

Jayave jókuae kuimbae reta opüa joko güi jare omae reta Sodoma kotɨ; jare Abraham güɨraja omondo reta.

GÉNESIS 18:22

Jare mókoi kuimbae reta opa yogüɨraja joko güi Sodoma kotɨ; ërei Abraham opɨta yandeYa jóvai.

GÉNESIS 18:3

Jare jei: —CheYa, ndepɨakatu ko chekotɨ yave, romoñera repɨta vaerä kuae nderembiokuai jo pe.

GÉNESIS 19:1

Kaaruasɨ ma yave araɨgua reta yogüɨraja oväe Sodoma pe; jare Lot oguapɨ oï tëta Sodoma jöke pe; jare Lot oecha yave opüa oövaiti vaerä, jare oyetavatɨka itindɨasɨ ɨvɨ re.

GÉNESIS 23:12

Jayave Abraham itindɨ opaete jókuae ɨvɨ pegua reta jóvai,

GÉNESIS 23:7

Jayave Abraham opüa, jare itindɨasɨ jókuae ɨvɨ pegua reta pe, Het iñemuña reta.

GÉNESIS 24:63

Oë yepe jae omae ñuu rupi kaaru yave, jare oupi iñäka, oecha camello reta yogüeru.

GÉNESIS 32:24

Jökorai Jacob opɨta jaeño; jare metei kuimbae iköembipe oñoïraro jae ndive.

GÉNESIS 42:6

Jare José ko jae mburuvicha jókuae ɨvɨ pe, jae omaemee opaete tëta ɨvɨ pegua pe; jayave opa yogüeru oväe tɨkeɨ reta José oïa pe, jare itindɨasɨ reta ɨvɨ re jóvai.

GÉNESIS 43:26

Jare José ou jo pe yave jae reta güeru chupe mbota oäro güɨnoi pɨpe vae, jare itindɨasɨ reta ɨvɨ re jae jóvai.

GÉNESIS 43:28

Jae reta itindɨ omboete reve jei: —Oreru ikaviño oï; oikoveño ko.

GÉNESIS 44:14

Judá ou oväe tɨvɨ reta ndive José oïa pe yave, jae oimeño oï joko pe, jare oyetavatɨka reta itindɨasɨ ɨvɨ re jae jóvai.

GÉNESIS 48:12

Jayave José oekɨ imichia reta tu jäpapau güi jare itindɨasɨ ɨvɨ re.

2 REYES 2:15

Jare ñeemombeúa reta Jericó pegua ɨ rovaicho pe ñogüɨnoi vae oecha ramboeve, jei reta: “¡Elías imbaepuere etei opɨta Eliseo re!” Jayave yogüeru oövaiti reta, jare oyetavatɨka itindɨasɨ reta jóvai,

Romanos 12:13

Oporogüɨrovia vae oata mbae re vae pemborɨ. Pemboresive kavi mboupa.

Hebreos 13:2

Pemboresive kavi avei mboupa, echa jökorai amogüe reta omboresive araɨgua jo pe oikuaambae reve.

JOSUÉ 5:13

Metei ara Josué köiño oiko Jericó güi yave, oecha metei kuimbae ói jenonde kɨsepuku güɨnoi ipo pe vae. Jare Josué ojo ikotɨ, jare jei chupe: —¿Oreïru pa nde, ani orerovaicho pa nde?

1 Pedro 4:9

Peyomboresive päve pero pe, peñeengurumbae reve.

JUECES 13:3

Ërei yandeYa iaraɨgua oyekuaa chupe, jei reve: “Mbaetɨ nemembɨ, echa nde imembɨmbae ko. Ërei añave ndepuruata jare oata nemembɨ kuimbae.

RUT 2:10

Jayave jae itindɨasɨ ɨvɨ re, jare jei chupe: —¿Maera pa ndepɨakavi remae chekotɨ, ketɨgua che reve?