GÉNESIS 17:9 - Biblia Guarani Tumpa Iñee

⁹ Tumpa jei pɨau ye Abraham pe: —Ndepo pe oï remboete vaerä kuae morogüɨrökuavee päve; jaeramiño vi opaete neñemuña reta ou yoapɨ apɨta kuri vae.

GÉNESIS 17:9 Iomraidhean Croise

GÉNESIS 17:23

Jayave Abraham oipɨɨ taɨ Ismael jare opaete jembiokuai jo pe oa vae, jare opaete ikorepoti pe oguagüe, jare opaete kuimbae Abraham jo pegua ombocircuncida reta isoo jókuae ara voi, Tumpa jei chupe rami.

GÉNESIS 18:19

Echa aiparavo ko güɨroata vaerä taɨ reta jare opaete iñemuña reta cheporomboe rupi; oyapo reta vaerä jupi vae jare sɨmbi vae; jökorai yave aruta Abraham re opaete arökuavee chupe vae.”

SALMOS 103:18

Tumpa iporogüɨrökuavee päve oyapo vae reta re, jare iporookuai re imaendúa oyapo vaerä vae reta re.

SALMOS 25:10

Opaete yandeYa jemimbota ko mboroparareko jare añete vae, iporogüɨrökuavee päve jare iporookuai reta oñovatu jare oyapo vae pe.

ÉXODO 19:5

Añave, peyeapɨsaka yave cheñee re jare peñovatu yave cheporogüɨrökuavee päve, peikota chembaerä mbae jepɨ yae vae rami opaete ïru tëta reta güi, echa chembae ko opaete ɨvɨ.