GÉNESIS 17:8 - Biblia Guarani Tumpa Iñee

⁸ Kuae ɨvɨ Canaán reiko pɨpe vae ameeta ndeve, jare nderaɨkue rupi neñemuña reta peguarä vi ameeta jekuae avei pegua; jare aikota jae reta iTumparä.

GÉNESIS 17:8 Iomraidhean Croise

GÉNESIS 12:7

YandeYa oyekuaa Abram pe, jare jei chupe: “Neñemuña reta pe ameeta kuae ɨvɨ.” Jayave Abram omopüa mɨmba oyeyuka oyeapɨ jese vae yandeYa peguarä, jókuae jae oyekuaa chupea pe.

GÉNESIS 13:15

echa opaete kuae ɨvɨ remae reï jese vae ameeta ndeve jare neñemuña reta peguarä jekuae avei pegua.

GÉNESIS 13:17

¡Añave, epüa jare ekua emae kuae ɨvɨ ipukugüe re jare ipɨguasugüe re, echa ameeta ko ndeve!”

GÉNESIS 23:4

—Ketɨgua jare oguataiño vae che pepɨte pe, pemee ɨvɨ cheve anoi vaerä pepɨte pe tëogüe renda, cherembireko añotɨ vaerä pɨpe.

GÉNESIS 26:24

Jókuae pɨ̈tu yandeYa oyekuaa chupe, jare jei: “Che ko jae nderu Abraham iTumpa. Agüɨye ekɨɨye, echa che aï nde ndive, cherembiokuai Abraham jeko pegua cheporerekuata nderé, jare ambojetata neñemuña reta.”

GÉNESIS 28:4

Jare tomee ndeve mborerekua Abraham pe güɨrökuavee vae, jökoraiño vi neñemuña reta pe, reiko vaerä kuae ɨvɨ yaiko pɨpe vae iyarä, Tumpa omee Abraham pe vae.”

GÉNESIS 35:27

Jacob ojo tu Isaac pɨri Mamre pe, tëta Arba pe, jae ko Hebrón, Abraham jare Isaac yogüɨrekosea pe.

GÉNESIS 36:7

Echa mókoi reve jeta yae mbae güɨnoi reta vae, mbaetɨ ma ikavi yogüɨreko päve vaerä, jókuae ɨvɨ oupitɨä ma chupe reta.

GÉNESIS 37:1

Jacob oiko tu oikosea pe, ɨvɨ Canaán pe.

GÉNESIS 48:4

Jei cheve: “Mase, che rombotuichata, rombojetata, roñonota tëtaguasu reta iyɨpɨrä; jare kuae ɨvɨ ameeta neñemuña reta nderaɨkue rupigua reta pe jekuae avei pegua.”

2 SAMUEL 23:5

Jáeramo, cheñemuña reta täta ko ñogüɨnoi Tumpa re, echa jae oyapo ko che ndive morogüɨrökuavee päve jekuae avei pegua. Jupi rupi oyeapo jare oyembopo vaerä mbaembae. Jae ko omee aporomoamɨri, jare ombopo cheve opaete chepɨa jemimbota.

1 CRÓNICAS 16:18

jei yave: ‘Ndeve ameeta ɨvɨ Canaán nderu imbaegüe, nderugüe pe oñemee rami.’

SALMOS 103:17

Ërei yandeYa iporoparareko, opambae vae ko, oipoɨu chugüi vae reta re; imbaejupi jekuae kuae rupi vae ko,

SALMOS 105:11

jei körai: “Ndeve ameeta ɨvɨ Canaán, ndembaerä opɨta vaerä.”

SALMOS 105:9

jókuae morogüɨrökuavee päve oyapo Abraham ndive vae, jókuae jee re aeño oñererökuavee Isaac pe vae re;

ÉXODO 13:11

YandeYa pereraja ma yave Canaán iñemuña reta iɨvɨ pe, peñemuñagüe reta pe jae güɨrökuavee vae omee ma peve yave,

ÉXODO 21:6

jayave oyeokuai chupe vae togüɨraja oporojäa vae reta jóvai, jare tomboyemboɨ öke-ɨpɨ pe ani ɨvɨra reta öke oï jese vae re toinambi mombu, jare toiko jembiokuairä jekuae avei pegua.”

ÉXODO 29:45

Aikota Israel iñemuña reta ipɨte pe, aikota jae reta iTumparä.

ÉXODO 32:13

Nemaendúa nderembiokuai Abraham, Isaac jare Israel re, kuae reta pe nde etei reñererökuavee nderee re, jare rere chupe reta: “Che amoñemuñata peñemuña reta yasɨtata rami, jare ameeta peñemuña reta pe opaete kuae ɨvɨ chemiari jese peve vae, jare oikota jae reta imbaerä jekuae avei pegua.”

ÉXODO 40:15

epɨyere jese reta asaite, tu re repɨyere rami, jare toyogüɨreko chesacerdoterä. Jókuae asaite oyepɨyere jese reta vae rupi toyogüɨreko chesacerdoterä jekuae avei rupi.”

ÉXODO 6:4

Ayapo vi morogüɨrökuavee päve jae reta ndive, añererökuavee amee vaerä chupe reta ɨvɨ Canaán, ketɨgua rami yogüɨreko pɨpe vae.

ÉXODO 6:7

Jare poapota tëta chembaerä jare che aikota peTumparä; jare pe reta peikuaata che ko jae peYa Tumpa vae, pogüɨnoe mbaravɨkɨasɨ katu peyapo Egipto pe vae güi.

JEREMÍAS 25:5

Jae reta jei peve: ‘Peeya pereko kavimbae jare perembiapo pɨ̈chɨi yae vae; pepuere vaerä peiko ɨvɨ yandeYa omee peve jare peñemuñagüe reta pe jekuae avei pegua vae pe.

JEREMÍAS 31:1

YandeYa jei: “Jókuae ara rupi che aikota opaete ñemuña reta Israel pegua iTumparä, jare jae reta yogüɨrekota chembaerä.”

EZEQUIEL 11:20

Yogüɨreko reta vaerä cheporookuai reta rupi, jare oyapo retata mborookuai jei vae. Jae reta yogüɨrekota chembaerä jare che aikota iTumparä.

EZEQUIEL 33:24

“Nde kuimbae, jókuae Israel iñemuña reta jëta guasu reta opa oyemboaia rupi yogüɨreko vae reta, jei: ‘Abraham meteiño ko, ërei oiko ɨvɨ iyarä; ërei yande reta ko jeta ñaï, yandepuere vi ko yaiko ɨvɨ iyarä, echa yandembae ko.’

LEVÍTICO 14:34

“Peike ma yave ɨvɨ Canaán pe, che amee ɨvɨ pembaerä vae pe, jare amondo yave mbaerasɨ ókui vae, amogüe o re jókuae peɨvɨ pe,

LEVÍTICO 16:34

Kuae mborookuai jekuae avei pegua toiko peveguarä: Pemee mɨmba oyeyukagüe cheɨ̈ro vaerä mbaeyoa re vae, metei vese año pe Israel iñemuña reta re.” Jare Moisés oyapo yandeYa oyókuai vae rami.

LEVÍTICO 26:12

pepɨte rupi aguatata, che aikota peTumparä, jare pe reta peikota chembaerä.

ZACARÍAS 8:8

jare aruta yogüɨreko ye Jerusalén pe; joko pe jae reta yogüɨrekota chembaerä, jare che aikota jae reta iTumparä añete pegua jare jupi rupi.”

NÚMEROS 10:29

Jayave Moisés jei jovaya Hobab pe, Ragüel taɨ pe; Ragüel ko jae Moisés jembireko tu, Madián pegua: —Ore rojota ɨvɨ yandeYa güɨrökuavee orevea kotɨ. Yaja orerupíe, ore romae kavita nderé, echa yandeYa güɨrökuavee ikavi vae Israel iñemuña reta pe.

NÚMEROS 25:13

güɨnoita jae jare iñemuña reta jae jaɨkue rupi, morogüɨrökuavee sacerdote pegua jekuae avei pegua, jägüɨro cheré jeko pegua jare oyapo Israel iñemuña reta re Tumpa iñɨ̈ro vaerä mbaeyoa re.

NÚMEROS 27:12

YandeYa jei Moisés pe: —Eyeupi kuae ɨvɨtɨ Abarim re, jare emae ɨvɨ amee Israel iñemuña reta pe vae re.

Hechos 7:5

Ërei Tumpa mbaetɨ omee Abraham pe ɨvɨ imbaerä etei kërai ave yepe. Ërei jei omeeta ko chupe jare iñemuña reta pe iɨvɨrä, yepe tëi Abraham ndei taɨ.

DEUTERONOMIO 14:2

Echa pe tëta oñeñono tee yandeYa Tumpa pe vae ko, jae ko peparavo imbaerä opaete tëta reta ɨvɨ pegua güi.

DEUTERONOMIO 26:18

Jare yandeYa jei añave, pe jae ko tëta imbae, güɨrökuavee peve rami, peyapo vaerä opaete iporookuai reta.

DEUTERONOMIO 29:13

Añave omoañete oï pe reta jae imbae ko vae, jae oï vaerä peTumparä, jae jei peve rami, peñemuñagüe Abraham, Isaac jare Jacob pe güɨrökuavee jee re rami.

DEUTERONOMIO 32:49

“Eyeupi ɨvɨtɨ Nebo jee vae re, ɨvɨtɨ reta Abarim pegua re, ɨvɨ Moab pe oï vae, tëta Jericó jóvai, jare emae ɨvɨ Canaán re, Israel iñemuña reta imbaerä amee vae re;

DEUTERONOMIO 32:8

Imbaepuere yae ete vae omboyao yao yave ɨvɨ tëtaguasu reta pe, jare kuimbae reta ɨvɨ ipo ave opa omboyao yao yave, ojäa ɨvɨ jembeɨ ñavo, Israel iñemuña reta iñavo,

DEUTERONOMIO 34:4

Jare jei chupe yandeYa: “Kuae ko jae ɨvɨ arökuavee cheree re Abraham, Isaac jare Jacob pe vae, jae chupe körai: ‘Neñemuña reta pe ameeta.’ Amaeño reecha etei vaerä nderesa pe, ërei ngaraa reasa jokotɨ.”

DEUTERONOMIO 4:37

Echa jae oaɨu yae peñemuñagüe reta jeko pegua perenoe Egipto güi jae etei imbaepuere tuichagüe ndive.

DEUTERONOMIO 9:5

Mbaetɨ ko pe jupi yae ani pepɨa isɨmbi yae ramo peiketa pepɨ̈ro ɨvɨ pembaerä, jókuae ɨvɨ pegua reta jeko kavimbae vae jeko pegua ko yandeYa Tumpa omoë omombo peróvai güi, omoañete vaerä yandeYa iñee jei jee re ae peñemuñagüe Abraham, Isaac jare Jacob pe vae.

Hebreos 9:15

Jare jókuae jeko pegua jae oï ñanemoñoövaiti vaerä Tumpa ndive morogüɨrökuavee päve ipɨau vae rupi vae. Echa Cristo omano omboepɨ vaerä tenondegua morogüɨrökuavee päve pe mbaeyoa oyapo vae reta re. Jáeramo Tumpa oenɨi vae reta güɨnoita imbaerä güɨrökuavee chupe reta vae.

JOSUÉ 1:2

“Cherembiokuai Moisés omano ma; añave, epüa easa kuae ïaka Jordán, nde jare opaete Israel iñemuña reta jókuae ɨvɨ che amee reta chupe vae pe.

Apocalipsis 21:7

Oporomoamɨri vae pe ameeta imbaerä opaete mbaembae. Che etei aikota jae iTumparä jare jae oikota cheraɨrä.