GÉNESIS 15:9 - Biblia Guarani Tumpa Iñee

⁹ Jae jei chupe: —Eru emee cheve metei guaka taɨrusu vae mboapɨ año vae, jare metei kavara mboapɨ año vae, jare metei vecha kuimbae mboapɨ año vae, metei pɨkasui vi jare metei pɨkasutï taɨrusu vae.

GÉNESIS 15:9 Iomraidhean Croise

GÉNESIS 15:10

Abram oipɨɨ opaete kuae; jare omboyao mbɨte mbɨte rupi, jare mbɨte ñavo omboyóvai yóvai oñono; ërei mbaetɨ omboyao güɨra reta.

GÉNESIS 15:8

Abram jei: —¡CheYa! ¿Kërai pa chepuereta aikuaa kuae ɨvɨ chembae ko vae?

GÉNESIS 22:13

Jayave Abraham omopüa iñäka jare oecha ikupe kotɨ ñurati tëɨ vae ipäu pe oï metei vecha kuimbae, jäti rupi oyepókoi oï vae. Jare ojo Abraham oipɨɨ jare omee mɨmba oyeyukagüe opaetei oyeapɨ vae Tumpa pe, taɨ jekovia pe.

SALMOS 50:5

“Pemboatɨ cheve tëta chembae vae, morogüɨrökuavee päve oyapo che ndive mɨmba oyeyuka oñemee vae rupi vae.”

CANTARES 2:12

Mbaepotɨ reta oyekuaa ma, tairari iara ou ma oväe, yandeɨvɨ pe oyeendu ma pɨkúi reta iñee.

ISAÍAS 15:5

Cheräse Moab pegua reta re; echa joko güi otekuarai vae reta opa yogüɨraja oväe Zoar pe, guakiya mboapɨ año vae rami. Ɨvɨtɨ Luhit ikúa rupi oyeupi retata oyaeo reve, jare jäseta oyaeo reta yogüɨraja Horonaim kotɨ tape ojo vae rupi.

LEVÍTICO 1:10

Kia nunga vae güeru yave mbota jɨmba reta güi, mɨmba opaeteita oyeapɨ vae, tomee jete kavi vae vecha kuimbae taɨrusu vae ani kavara kuimbae taɨrusu vae.

LEVÍTICO 1:14

Ërei kia nunga güeru yave güɨra mbotarä cheve, togüeru pɨkasui ani pɨkasutï.

LEVÍTICO 1:3

Güeru yave mɨmba oyeyuka opaetei oyeapɨ vaerä vae; togüeru toro jete kavi vae; ipɨa-kɨ̈reɨ ngatu reve tomee tupao guakapi pegua ikësea jöke pe cheróvai.

LEVÍTICO 12:6

Jare yetɨo iara reta opa omboapɨ yave, imembɨ kuimbae re, ani kuña re; togüeru metei vecha kuimbae taɨrusu vae metei año vae mɨmba opaetei oyeapɨ vaerä, jare metei pɨkasutï taɨrusu vae ani pɨkasui cheɨ̈ro vaerä mbaeyoa re. Togüeru sacerdote pe tupao guakapi pegua jöke pe.

LEVÍTICO 12:8

Jare mbaetɨ oupitɨ ogua vaerä metei vecha kuimbae taɨrusu vae yave, togüeru mókoi pɨkasui ani mókoi pɨkasutï taɨrusu vae, metei opaetei oyeapɨ vaerä jare ïru, cheɨ̈ro vaerä mbaeyoa re; jare sacerdote tomee kuae mɨmba reta jókuae kuña iyoa re cheɨ̈ro vaerä, jare topɨta ikɨambae.

LEVÍTICO 14:22

jare mókoi pɨkasui, ani mókoi pɨkasutï, jae ipuereta oyapo vae; metei, cheɨ̈ro vaerä mbaeyoa re jare ïru, opaetei oyeapɨ vaerä.

LEVÍTICO 14:30

Jaeramiño vi sacerdote tomee metei pɨkasui ani metei pɨkasutï, jókuae oyetɨo vae ipuere omee rupi.

LEVÍTICO 3:1

Kia nunga vae omee jɨmba reta güi mɨmba oyeyuka yembopɨakatu peguarä yave, tomee toro ani guaka jete kavi vae cheve.

LEVÍTICO 3:6

Ërei kia nunga vae omee jɨmba reta güi mɨmba oyeyukagüe yembopɨakatu peguarä cheve yave, tomee jete kavi vae vecha kuimbae ani vecha kuña, kavara kuimbae ani kavara kuña.

LEVÍTICO 9:2

Jare jei Aarón pe: “Eipɨɨ mɨmba reta güi jete kavi vae metei toro taɨrusu vae, ñɨ̈ro pegua, jare vecha kuimbae opaetei oyeapɨ vaerä, jare emee yandeYa jóvai.

LEVÍTICO 9:4

Jaeramiño vi metei toro jare metei vecha kuimbae yembopɨakatu peguarä, peyuka yandeYa jóvai, jare trigokúi ipɨuasɨ kavi vae oyemómbɨu olivo iasaite pe vae; echa añave yandeYa oyeechaukata peve.’ ”

San Lucas 2:24

Jare omee vaerä yandeYa pe mókoi pɨkasui ani mókoi pɨkasutï taɨrusu vae. Echa jökorai jei oyapo vaerä mborookuai yandeYa omee chupe reta vae pe.