GÉNESIS 15:7 - Biblia Guarani Tumpa Iñee

⁷ Jei chupe: —Che ko ndeYa, rogüɨnoe tëta Ur güi Caldeaɨgua reta iɨvɨ güi vae, amee vaerä ndembaerä kuae ɨvɨ.

GÉNESIS 15:7 Iomraidhean Croise

GÉNESIS 12:1

Ërei yandeYa jei yepe Abram pe: “Ekua kuae ndeɨvɨ güi jare nerëtara reta ipɨte güi, jare nderu jo güi; ɨvɨ che amombeuta ndevea kotɨ.

GÉNESIS 12:7

YandeYa oyekuaa Abram pe, jare jei chupe: “Neñemuña reta pe ameeta kuae ɨvɨ.” Jayave Abram omopüa mɨmba oyeyuka oyeapɨ jese vae yandeYa peguarä, jókuae jae oyekuaa chupea pe.

GÉNESIS 28:4

Jare tomee ndeve mborerekua Abraham pe güɨrökuavee vae, jökoraiño vi neñemuña reta pe, reiko vaerä kuae ɨvɨ yaiko pɨpe vae iyarä, Tumpa omee Abraham pe vae.”

GÉNESIS 50:24

Jare José jei jëtara reta pe: “Che amanota ma, ërei Tumpa outa metei ara pemborɨ, jae perenoeta kuae ɨvɨ güi, arakae ma Tumpa güɨrökuavee ɨvɨ Abraham pe vae, jare Isaac pe jare yanderu Jacob pe vae kotɨ.”

SALMOS 105:11

jei körai: “Ndeve ameeta ɨvɨ Canaán, ndembaerä opɨta vaerä.”

SALMOS 105:42

Echa imaendúa ñererökuavee ikɨambae oyapo jembiokuai Abraham pe vae re.

SALMOS 105:44

omee chupe reta ïru tëtaguasu reta iɨvɨ ïru tëta reta iparavɨkɨagüe opɨta jae reta imbaerä,

ÉXODO 32:13

Nemaendúa nderembiokuai Abraham, Isaac jare Israel re, kuae reta pe nde etei reñererökuavee nderee re, jare rere chupe reta: “Che amoñemuñata peñemuña reta yasɨtata rami, jare ameeta peñemuña reta pe opaete kuae ɨvɨ chemiari jese peve vae, jare oikota jae reta imbaerä jekuae avei pegua.”

NÚMEROS 33:53

Pepɨ̈ro jókuae ɨvɨ jare peiko pɨpe; echa che ko amee peve pembaerä.

Romanos 4:13

Echa Tumpa güɨrökuavee Abraham jare iñemuña reta pe omee vaerä imbaerä ɨvɨ. Ërei mbaetɨ güɨrökuavee chupe reta mborookuai jei vae oyapo reta ramo, omee ko chupe reta iporogüɨrovia rupi omae jese jupi ramo.

DEUTERONOMIO 3:18

Jayave che poyókuai, körai: ‘YandeYa Tumpa omee peve kuae ɨvɨ pembaerä. Ërei peota perëtara Israel iñemuña reta ndive opaete oikatu oñeraro vae, tembiporu ñeraro pegua ndive.

DEUTERONOMIO 9:5

Mbaetɨ ko pe jupi yae ani pepɨa isɨmbi yae ramo peiketa pepɨ̈ro ɨvɨ pembaerä, jókuae ɨvɨ pegua reta jeko kavimbae vae jeko pegua ko yandeYa Tumpa omoë omombo peróvai güi, omoañete vaerä yandeYa iñee jei jee re ae peñemuñagüe Abraham, Isaac jare Jacob pe vae.