GÉNESIS 15:6 - Biblia Guarani Tumpa Iñee

⁶ Jayave Abram güɨrovia yandeYa, jókuae iporogüɨrovia rupi omae jese jupi.

GÉNESIS 15:6 Iomraidhean Croise

NEHEMÍAS 9:8

Jare reecha ipɨa jupi ndekotɨ, jare reyapo morogüɨrökuavee päve jae ndive, remee vaerä chupe jare iñemuña reta pe cananeo reta iɨvɨ, heteo reta, amorreo reta, ferezeo reta, jebuseo reta jare gergeseo reta imbae. ¡Jare nde rembopo neñee, echa nde ko jupi vae!

SALMOS 106:31

Jókuae oyapogüe re Tumpa omae jese, jupi jekuae avei rupi vae.

Romanos 4:11

Jaɨkue rupi oyembocircuncidauka, oikuaauka vaerä Tumpa ombojupi ko iporogüɨrovia rupi ndei oyembocircuncidauka mbove. Jökorai Abraham ou opɨta opaete oporogüɨrovia vae oyembocircuncidaukambae vae reta tu rami. Jökorai jae reta iporogüɨrovia rupi Tumpa omae vaerä jese jupi;

Romanos 4:9

Kuae yerovia ¿oyembocircuncidauka vae reta peguaño ra?, ani ¿oyembocircuncidaukambae vae reta pegua vi ra? Echa yae ma, kërai Abraham iporogüɨrovia rupi Tumpa omae jese jupi.

2 Corintios 5:19

kërai Tumpa ombopɨakatu jae ndive opaete ɨvɨ pegua reta Cristo rupi, agüɨye vaerä ma omboeko reta imbaeyoa reta re. Jare Tumpa yandeokuai ñamoërakua vaerä yembopɨakatu regua.

Hebreos 11:8

Iporogüɨrovia rupi Abraham, Tumpa oenɨi yave ojo, Tumpa güɨrökuavee omeeta ɨvɨ imbaerä vae kotɨ; oë ojo oikuaambae reve ketɨ ko ojo vae kotɨ.

Santiago 2:23

Jare oyembopo Tumpa Iñee pe jei vae: “Abraham güɨrovia Tumpa, jókuae iporogüɨrovia rupi omae jese jupi. Jare Tumpa ombojee Abraham, jae ko ivɨa-ïru.”