GÉNESIS 15:1 - Biblia Guarani Tumpa Iñee

¹ Opa kuaekuae reta oasa güire yandeYa oyeechauka Abram pe, jei reve chupe: —Agüɨye ekɨɨye Abram, che ko jae ndeyeopiaka. Mbaeyekou ndeparavɨkɨ jepɨgüe jeta yaeta.

GÉNESIS 15:1 Iomraidhean Croise

GÉNESIS 15:2

Jare Abram jei körai: —CheYa Tumpa, ¿maera pa remeeiñota cheve? Echa mbaetɨ ko cheraɨ, jare chero pe cherembiokuai opaete chembaembae iyangarekoa, jae ko Eliezer Damascoɨgua yoapɨ.

GÉNESIS 15:4

Jayave yandeYa jei ye chupe: —Ngaraa ko kuae Eliezer oiko ndembaembae iyarä, nderaɨ etei ko oikota ndembaembae iyarä.

GÉNESIS 21:17

Jare Tumpa oendu kunumi raɨ jäse vae; jare Tumpa iAraɨgua oenɨi ara güi Agar, jare jei chupe: “¿Maratu pa reiko Agar? Agüɨye ekɨɨye, echa Tumpa oendu kunumi raɨ jäse vae jókuae oïa güi.

GÉNESIS 22:1

Opa kuaekuae reta oasa güire, Tumpa ojäa Abraham iporogüɨrovia jare oenɨi jee pe; jare Abraham jei: —Mbae pa cheYa.

GÉNESIS 22:20

Jare kuae mbaembae reta jaɨkue rupi Abraham pe omombeu reta Milca imembɨ vi tɨvɨ Nacor pe vae.

GÉNESIS 26:24

Jókuae pɨ̈tu yandeYa oyekuaa chupe, jare jei: “Che ko jae nderu Abraham iTumpa. Agüɨye ekɨɨye, echa che aï nde ndive, cherembiokuai Abraham jeko pegua cheporerekuata nderé, jare ambojetata neñemuña reta.”

GÉNESIS 31:7

jare peru chembotavɨ; cheparavɨkɨ jepɨ oipoepɨ avei chegüi, ërei ngatu, Tumpa mbaetɨ omaeño jese oyapo vaerä cheve ikavimbae;

2 SAMUEL 22:3

cheTumpa, cheñepɨ̈roa, nderé tayeko cheyeopiaka, mbaepuere chereepɨ vae, añepɨ̈ro kavi yae nderé vae, chereroasayepe vae. ¡Chereroasayepe mbaesusere güi vae!

2 REYES 1:15

Jayave yandeYa iaraɨgua jei Elías pe: —Ekua jae ndive, agüɨye ekɨɨye chugüi. Elías ogüeyɨ jare ojo jókuae sundaro ruvicha ndive mburuvicha guasu jóvai,

1 CRÓNICAS 28:20

Jayave David jei taɨ Salomón pe: “¡Eñemoäta ngatu jare eñemomɨ̈rata, eyapo mbaravɨkɨ! ¡Agüɨye eyembopɨtu jare ekɨɨye, echa yandeYa cheTumpa oïta nde ndive! Jae ngaraa ndereeya ani osɨrɨ ndegüi opa reyapo regua mbaravɨkɨ yandeYa pe: Tupao jare opaete oyeporuta pɨpe vae.

SALMOS 115:10

Aarón iñemuña sacerdote reta, ¡peyeko yandeYa re! Jae ko pemborɨ jare peangareko vae.

SALMOS 119:114

Cheñemía jare cheyeopiaka ko nde, neñee re ko aäro.

SALMOS 142:5

CheYa Tumpa, asapúkai ndeve, jae: “Nde ko jae chereepɨ vae; ndeño ko reï cheveguarä.”

SALMOS 18:2

CheYa, ita guasu cheñepɨ̈roa, cheñepɨ̈roka, chereroasayepe vae; cheTumpa, chepɨ̈rata nderé vae, ndereño ayeko vae, cheyeopiaka, mbaepuere chereroasayepe vae, cheñemía ɨvate yae vae.

SALMOS 27:1

YandeYa jae ko cherekove jare chereroasayepe vae, ¿kia güi pa akɨɨyeta? YandeYa jae ko cheñepɨ̈roa, ¿kia güi pa akɨɨyeta?

SALMOS 3:3

Ërei nde cheYa, jae ko cheyeopiaka, cheyemboetea, chemoäta ngatu vae.

SALMOS 3:4

Asapúkai aiporu yemborɨ cheYa pe, jare jae oendu cheve iɨvɨtɨ oñeñono tee vae güi.

SALMOS 5:12

Echa nde cheYa, ndeporerekua jupi vae re; ndepɨakavi pe reñova metei yeopiaka pe rami.

SALMOS 58:11

Jayave jeita: ¡Añetete oime yepe mbae ikavi yae vae, jupi rupi oiko vae peguarä! ¡Añetete oime yepe Tumpa ɨvɨ pegua reta ojäa vae!

SALMOS 84:11

Echa yandeYa Tumpa ko omboesape jare oporoepɨ vae; jae omeeta mboroaɨu jare mboromboete, ngaraa opɨ̈ro mbae ikavi vae, ipɨa jupi rupi oguata vae güi.

SALMOS 84:9

CheRu Tumpa, oreyeopiaka, emae kavi nderembiparavo re.

SALMOS 91:4

Ipepo pe ndeasoita, jare ipepo igüɨ pe nerëguambae reïta; ¡iporoangareko avei neovatuta yeopiaka rami!

ÉXODO 14:13

Jare Moisés jei chupe reta: —Agüɨye pekɨɨye, peyemboɨ täta, jare pemae añave yandeYa pereepɨta vae re; echa Egiptoɨgua reta añave peecha vae ngaraa ye ma peecha.

PROVERBIOS 11:18

Iyoa vae iparavɨkɨ jepɨ jaangaño ko, ërei jupi kavi rupi oyapo mbaravɨkɨ vae, oyekouta.

PROVERBIOS 30:5

Opaete Tumpa iñee, ikɨambae ko, jae ko yeopiaka, opaete jese güɨ rovia vae reta peguarä.

ISAÍAS 35:4

Pere okɨɨye vae reta pe: “¡Peñemoäta ngatu, agüɨye pekɨɨye! ¡Mase, ko oï peTumpa pereepɨ vaerä, oiporaraukata tovaicho reta pe, jeko reta oï rupi; Tumpa etei outa pereepɨ vaerä!”

ISAÍAS 40:10

Ko ou yandeYa Tumpa mbaepuere ndive, oñonota opaete vae imbaepuere igüɨ pe. Güeru jupíe tëta imbae vae reta, opa güire opɨ̈ro ye.

ISAÍAS 41:10

Agüɨye ekɨɨye, che ko aï nde ndive; agüɨye ndepɨtu, che ko neTumpa romomɨ̈rata vae, romborɨ aveita, chembaepuere pe roñovatu aveita.

ISAÍAS 41:14

YandeYa jei: “Israel, Jacob iñemuña reta, yepe tëi mbovɨ yae peiko ani ndepɨtu yae, ërei agüɨye ekɨɨye; che ko romborɨ. Che, Tumpa Iyoambae Israel pegua ko jae ndeReepɨ vae.

ISAÍAS 43:1

Añave, Israel, Jacob iñemuña reta, yandeYa, ndeapoa jei ndeve körai: “Agüɨye ekɨɨye, che ko roepɨ; che ko reenɨi, chembae ko nde.

ISAÍAS 43:5

Agüɨye ekɨɨye, echa oime ko aï nde ndive, kuaraɨ oëa kotɨ güi jare kuaraɨ oikea kotɨ güi aru yeta neñemuña reta.

ISAÍAS 44:2

NdeYa, ndeApoa ko che, che ko roapo, ndei rea mbove voi, che ko romborɨta. Agüɨye ekɨɨye, Jesurún, Jacob iñemuña reta, cherembiokuai, cherembiparavo,

ISAÍAS 44:8

Ërei, ¡agüɨye pekɨɨye, peñemoäta ngatu! Amombeu ko peve jókuae iyɨpɨ güive voi, pe reta ko, cheregua omombeu vae. ¿Oime pa ïru Tumpa chegüi? Mbaetɨ yé ko ïru Imbaepuere yae vae; mbaetɨ aikuaa metei ave.”

ISAÍAS 51:12

“Che ko jae pombopɨakatu vae. ¿Maera pa pekɨɨye kuimbae güi?, jae ko omano vae. ¿Maera pa pekɨɨye kuimbae kapii ramiño vae güi?

JEREMÍAS 39:17

Ërei che jókuae ara rogüɨroasayepeta, ngaraa rea jókuae rekɨɨye chugüi vae reta ipo pe. Che ndeYa ko jae kuae.

LAMENTACIONES 3:24

Che jae cheyeupe: “¡CheYa ndeño ko jae chembaeyekou; jáeramo jese aärota!”

EZEQUIEL 1:1

Che sacerdote Ezequiel, Buzi taɨ, metei ara aï ɨ̈aka Quebar jembeɨ pe, Babilonia pe, tembipɨɨ oyereraja vae reta ipɨte pe yave, oyepea ara, jare aecha Tumpa. Kuae ko oasa treinta añoa re, irundɨa yasɨ re, pandepo araa pe, jae ko pandepo año ma mburuvicha guasu Joaquín oyererajauka tembipɨɨrä yave. YandeYa ombou oñono ipo cheré.

EZEQUIEL 11:24

Javoi Tumpa imbaepuere chereupi jare chereraja ye Babilonia pe, jókuae oechauka cheve vae rupi, jókuae tembipɨɨ reta ñogüɨnoia pe. Jare joko pe okañɨ chegüi opaete oyekuaa cheve vae.

EZEQUIEL 3:4

Jayave jei cheve: “Nde kuimbae, ekua emoërakua Israel iñemuña reta pe, emombeu chupe reta cheñee reta.

NÚMEROS 12:6

Jare jae jei chupe reta: “Peyeapɨsaka añave cheñee re: Oime yave pepɨte pe cheñeemombeúa, ayeechaukata chupe, ipaɨu pe chemiarita jae ndive;

NÚMEROS 18:20

Jare yandeYa jei Aarón pe: “Nde mbaetɨta ndeɨvɨ nerëtara Israel iñemuña reta rami, jare jae reta ipɨte pe ave mbaetɨta ndembae ɨvɨ. Che ko jae ndembaeyekou Israel iñemuña reta ipɨte pe.

NÚMEROS 24:4

Tumpa iñee oendugüe jei vae, Imbaepuere yae ete vae oechauka mbae chupe vae, ikera rupi mbae oecha katu vae:

San Mateo 28:5

Ërei araɨgua jei kuña reta pe: —Agüɨye pekɨɨye. Echa aikuaa peeka ko Jesús kurusu re oyekutuuka vae.

San Mateo 8:26

Jayave Jesús jei chupe reta: —¡Michi iporogüɨrovia vae reta! ¿Maera pa pekɨɨye? Jayave opüa jare oñeengata ɨvɨtu jare ɨguasu pe. Jare opaete voi kïrii ngatu opɨta.

San Lucas 1:13

Ërei araɨgua jei chupe: —Agüɨye ekɨɨye, Zacarías. Tumpa oendu ma ndeyerure, jare nderembireko Elisabet imembɨta ndeve metei kuimbae raɨ. Jare rembojeeta Juan.

San Lucas 1:30

Jayave araɨgua jei chupe: —Agüɨye ekɨɨye María. Echa Tumpa ko ipɨakatu nderé.

San Lucas 12:32

Agüɨye pekɨɨye, pe mbovɨ yae vae reta. Echa Tumpa ipɨa kavi rupi omee peve iporookuaía.

Hechos 10:22

Jayave kuimbae reta jei Pedro pe: —Oime metei kuimbae Cornelio jee vae, cien sundaro vae juvicha. Jae ko kuimbae jupi vae jare omboete Tumpa vae. Jae ko opaete judío reta güɨrovia katu yae vae. Metei araɨgua jei chupe ndererajauka vaerä jëta pe, jae oyeapɨsaka vaerä remombeuta chupe vae re.

1 Corintios 3:22

Pablo, Apolos, Cefas, ɨvɨ, tekove, mano, añave oyeapo vae jare opaete oyeapota vae, opaete pembae ko.

DEUTERONOMIO 18:2

Mbaetɨta oñemee ɨvɨ chupe reta jëtara reta pe oñemee rami, yandeYa etei ko jae reta imbaeyekou, jae oñererökuavee chupe reta rami.

DEUTERONOMIO 31:6

Peñemomɨ̈rata jare peñemoäta ngatu; agüɨye pekɨɨye; agüɨye pekɨɨye chugüi reta, echa yandeYa Tumpa ko oï pe ndive; ngaraa pereeya peangarekoambae.”

Hebreos 1:1

Arakae rupi Tumpa jeta imiari ñaneñemuñagüe reta pe iñeemombeúa reta rupi güire.

Apocalipsis 1:17

Jare aecha yave, aa jóvai omano vae rami. Jayave jae oñono ipo iyakatu cheré jare jei cheve: “Agüɨye ekɨɨye. Che ko jae tenondegua ete jare taɨkuegua ete,

RUT 2:12

¡YandeYa tomboekovia ndeve opaete nderembiapo rupi! ¡Jare tandeangareko yandeYa Tumpa Israel pegua, kërai reyu reñepɨ̈ro jese vae!

1 SAMUEL 15:10

Jare yandeYa jei Samuel pe, körai:

1 SAMUEL 9:9

(Arakae ete kia ojo oparandu Tumpa pe yave jei körai: “Peyu yaja mbae re oecha voi vae pɨri.” Echa añave oyembojee ñeemombeúa vae, jayave rupi jee yepi mbae re oecha voi vae.)