GÉNESIS 12:2 - Biblia Guarani Tumpa Iñee

² Ndegüi ayapota tëtaguasu tuicha yae vae, jare cheporerekuata nderé, jare ambotuicha yaeta nderee opaete ɨvɨ rupi, jare cheporerekuata jeta vae reta re ndereko pegua.

GÉNESIS 12:2 Iomraidhean Croise

GÉNESIS 13:16

Jare che jeta yaeta amoñemuña neñemuña reta, ɨvɨkúi jeta yae rami, mbaetɨta kia ipuere oipapa.

GÉNESIS 15:5

Güɨraja ikatu pe jare jei chupe: —Añave emae ara re jare eipapa yasɨtata reta ndepuere yave, jökoraita ko neñemuña reta.

GÉNESIS 17:20

Ismael regua aendu vi ndeve; cheporerekuata vi jese, jare amoñemuñata jeta yae; doceta taɨ reta, mburuvicharä kuae reta. Iñemuña reta güi oëta tëtaguasu tuicha yae vae.

GÉNESIS 18:18

echa chugüi oñemuñata tëtaguasu imbaepuere yaeta vae. Jare jese vi opaete tëtaguasu reta ɨvɨ rupigua oyekouta.

GÉNESIS 18:19

Echa aiparavo ko güɨroata vaerä taɨ reta jare opaete iñemuña reta cheporomboe rupi; oyapo reta vaerä jupi vae jare sɨmbi vae; jökorai yave aruta Abraham re opaete arökuavee chupe vae.”

GÉNESIS 19:29

Jökorai Tumpa opa omboai opaete tëta reta ñuu rupigua, Lot oikose pɨpe vae; ërei Tumpa imaendúa Abraham re jeko pegua güɨroasayepe Lot kañɨtei güi.

GÉNESIS 24:1

Abraham indechi yae ma, jare opaete pe yandeYa iporerekua jese.

GÉNESIS 24:35

YandeYa iporerekua yae cheya re, jare oikokatu yae: Omee chupe jeta vecha, guaka, korepoti oro, tembiokuai kuña jare tembiokuai kuimbae, camello jare mburika.

GÉNESIS 25:11

Abraham omano güire, Tumpa iporerekua Isaac re, jare Isaac oiko ɨkua: “Oikove jare chereecha vae” jee vae iyɨpɨ pe.

GÉNESIS 26:3

eiko oguataiño vae rami kuae ɨvɨ pe, che aïta nde ndive, cheporerekuata nderé, echa ndeve jare neñemuña reta pe ameeta opaete kuae ɨvɨ. Jökorai amoañeteta ñererökuavee ayapo nderu Abraham ndive vae.

GÉNESIS 26:4

Ambojetata neñemuña, ara re yasɨtata rami, jare ameeta ndeve opaete kuae ɨvɨ. Jare neñemuña rupi opaete tëtaguasu reta re outa mborerekua.

GÉNESIS 27:29

Toyeokuai ndeve opaete vae, Tëtaguasu reta toyetavatɨka nderóvai; eporookuai nerëtara reta re. Ndesɨ imembɨ reta toyetavatɨka nderóvai. Yepopeyu toï, oyepopeyu nderé vae re, jare mborerekua toï jei ñee kavi ndekotɨ vae reta re.”

GÉNESIS 28:14

Neñemuña reta jeta yaeta ɨvɨkúi rami, reñemoaita kuaraɨ oikea kotɨ, jare kuaraɨ oëa kotɨ, ɨvɨtuguasu kotɨ jare arayevɨ kotɨ; jare opaete ɨvɨ pegua reta oyekouta nderupi jare neñemuña rupi.

GÉNESIS 35:11

Tumpa jei vi chupe: “Che jae ko Tumpa imbaepuere yae vae; ekuakuaa jare eñemuña jeta. Ndegüi jeta oëta tëtaguasu reta jare tëta reta, jare neñemuña reta güi oëta mburuvicha guasu reta.

GÉNESIS 46:3

Jayave Tumpa jei: —Che ko jae Tumpa, nderu iTumpa; agüɨye ekɨɨye reo vaerä Egipto pe, echa joko pe che ayapota ndegüi tëta tuichagüe.

2 SAMUEL 7:9

jare aiko nde ndive opaete reoa rupi, jare amoamɨri ndeve opaete nderovaicho reta, amee ndeve nerërakua yae vaerä, kuae ɨvɨ pe amogüe kuimbae reta jërakua yae rami.

1 REYES 1:47

jare mburuvicha guasu David imborɨa reta yogüɨraja omboresive jei reve ñee kavi chupe, Tumpa omborɨ vaerä Salomón jare ombotuicha vaerä chupe iporookuaía David güi. Mburuvicha guasu David jupa pe iñäkatindɨ omboete Tumpa.

JOB 35:8

Kuimbae reta nde rami vae rerokomeguata ndeyoa pe, ani jupi vae reyapo vae rupi yogüɨreko kavita.

SALMOS 107:38

Jae iporerekua jese reta, omoñemuña jetagüe; jökoraiño vi jɨmba reta.

ÉXODO 1:7

Jare Israel taɨ reta jeta yae oñemuña, jeiete okuakuaa reta jare imbaepuere yae reta, jökorai jae reta omotɨnɨe jókuae ɨvɨ.

ÉXODO 32:10

¡Añave, emaeño tachearasɨ ikotɨ reta, jare opata amboai reta! Ërei ndegüi ayapota metei tëtaguasu tuicha yae vae.

ISAÍAS 51:2

Pemae peñemuñagüe Abraham re, jare Sara re, chugüi peñemuña vae. Abraham aenɨi yave, jaeño etei oiko yepi, ërei cheporerekua jese, jare jeta oñemuña.

EZEQUIEL 34:26

Cheɨvɨtɨ iyɨ́vɨri yogüɨreko retata jare cheporerekuata jese reta; ambouta ama okɨ iara pe kavi.

MIQUEAS 7:20

¡CheYa, embopo neñee, arakae güive rerökuavee nderee re mboroparareko oreñemuñagüe Abraham jare Jacob pe vae!

ZACARÍAS 8:13

Jare peiko yepopeyurä ïru tëtaguasu reta ipɨte rupi, pe Judá jare Israel pegua reta, jökorai pogüɨroasayepeta jare peïta mborerekuarä. Agüɨye peyembopɨtu ¡Agüɨye pekɨɨye! ¡Jaeño peñemomɨ̈rata yae!”

NÚMEROS 14:12

Che aitɨta mbaerasɨ pɨ̈chɨi yae vae oparapiti vaerä jese reta, jare opata amokañɨtei, ërei ndegüi oëta tëta guasu imbaepuere yae ete chugüi reta vae.

NÚMEROS 22:12

Jayave Tumpa jei Balaam pe: —Agüɨye ekua jae reta ndive, jare agüɨye ave eyepopeyu kuae tëta re, echa che cheporerekua jese vae ko.

NÚMEROS 23:20

Ko, omee cheve jae vaerä ñee kavi; Tumpa jei ñee kavi yave, che mbaetɨ chepuere aipoepɨ.

Romanos 4:11

Jaɨkue rupi oyembocircuncidauka, oikuaauka vaerä Tumpa ombojupi ko iporogüɨrovia rupi ndei oyembocircuncidauka mbove. Jökorai Abraham ou opɨta opaete oporogüɨrovia vae oyembocircuncidaukambae vae reta tu rami. Jökorai jae reta iporogüɨrovia rupi Tumpa omae vaerä jese jupi;

Gálatas 3:14

Abraham pe Tumpa güɨrökuavee vae oupitɨ vaerä Cristo Jesús rupi judiombae reta, jare yande ñanoi vaerä Espíritu mborogüɨrovia rupi.

Gálatas 3:7

Jáeramo, peikuaa mborogüɨrovia güɨnoi vae reta ko jae Abraham iñemuña reta rami.

DEUTERONOMIO 26:5

Jayave pemoë peñee jare pere yandeYa Tumpa jóvai: ‘Cheñemuñagüe ko Aram pegua oguata oiko vae, jae ojo Egipto pe mbovɨ kuimbae reta ndive, jare opɨta joko pe oiko vaerä; joko pe oñemuña, ou oyeapo metei tëtaguasu tuicha yae vae jare imbaepuere vae.