GÉNESIS 1:6 - Biblia Guarani Tumpa Iñee

⁶ Jaɨkue rupi Tumpa jei: “Toiko ara oasavi vae ɨ ipäu pe, omboyao vaerä ɨ reta oyougüi.”

GÉNESIS 1:6 Iomraidhean Croise

GÉNESIS 1:14

Javoi Tumpa jei: “Toime omoembipe vae reta ara oasavi vae re. Omboyao vaerä ara pɨ̈tu güi; jökorai ipuere vaerä oyepapa ara reta jare año reta, iroɨ jare araku iara.

GÉNESIS 1:20

Tumpa jei: “Tomoñemuña ɨ mbaembae oikove vae reta, jare güɨra reta oveve ɨvɨ iárambo rupi vae, ara oasavi vae rupi.”

JOB 26:13

Iɨvɨtu pe ara otupei, jae oyuka mboi ñɨma iñäkua yae vae.

JOB 37:11

Jae omotɨnɨe amapɨtu ɨ pe jare iama-vera pe omoai ɨ̈vɨti.

JOB 37:18

¿Reipɨso pa jae ndive ara, jare reeya metei jiero iyu vae oyemboipe kavi rami?

SALMOS 104:2

reñeapeva tembipe pe, temimonde pe rami; ¡reipɨso ara, asoya oyepɨso rami!

SALMOS 148:4

¡Pemboete, pe ara reta ɨvate yeyé peï vae, jare nde ɨ, reï ara re vae!

SALMOS 150:1

¡Pemboete yandeYa, jo mbaemboetea pe! ¡Pemboete, iara ipɨguasu yae vae rupi!

SALMOS 19:1

Ara oikuaauka Tumpa iyemboetea, ara ipo reta oikuaauka Tumpa jembiapo.

SALMOS 19:2

Ara reta jare pɨ̈tu reta oikuaauka vi oyoupe jókuae.

SALMOS 33:6

YandeYa oyapo ara reta iñee peño, ipɨ̈túe peño oyapo opaete ara ipo reta.

SALMOS 33:9

Echa jae jei vae, opaete oyeapo; omee mborookuai vae, jökorai oiko.

ECLESIASTÉS 11:3

Amapɨtu jeta güɨnoi ɨ yave, okɨta ko ɨvɨ re. Ɨvɨra oa yave arayevɨ kotɨ ani ɨvɨtuguasu kotɨ, jókuae oaa pe ko opɨtata.

ISAÍAS 40:22

Tumpa oikoa, güɨnoi ko ara re, joko güi oecha ɨvɨ pegua reta tuku ramiño ko vae. Jae oipɨso ara, asoya oyepɨso rami, jae omoata ara, küaraɨa guakapi pegua oñemoata rami.

JEREMÍAS 10:10

Ërei yandeYa Tumpa jae ko añetete vae, jae ko Tumpa oikove vae jare Mburuvicha guasu opambae. Iyarasɨ yave, okana ɨvɨ; tëtaguasu reta mbaetɨ jösa chupe.

JEREMÍAS 51:15

YandeYa imbaepuere pe oyapo ɨvɨ; oñono kavi ɨvɨ iyarakuaa katu rupi; oipɨso ara iyarakuaa kavi yae rupi.

ZACARÍAS 12:1

YandeYa iñee Israel pe mbae oasata vae regua. YandeYa, ara oipɨso vae jare ɨvɨ oyapo vae, jare tekove oyapo kuimbae iyɨvɨte pe vae, jei:

2 Pedro 3:5

Jae reta mbaetɨ oipota imaendúa kërai arakae ete Tumpa iñee rupi oyapo ara jare ɨvɨ, jare ɨguasu reta re oï ɨvɨ,