GÉNESIS 1:21 - Biblia Guarani Tumpa Iñee

²¹ Jare Tumpa oyapo mbaemɨmba tuichagüe ɨ rupigua reta. Jare opaete oikove vae jare omɨi vae, ɨ omoñemuña opaete ambuaeyee metei ñavo ñavo ïru reta güi vae. Jaeramiño vi opaete güɨra ambuaeyee ye oyougüi vae. Jare oecha ikavi yae ko.

GÉNESIS 1:21 Iomraidhean Croise

GÉNESIS 1:18

Jare omoembipe reta vaerä ara pe jare pɨ̈tu yave. Jare omboyao vaerä tembipe pɨtumimbi güi. Jare oecha ikavi yae ko.

GÉNESIS 1:20

Tumpa jei: “Tomoñemuña ɨ mbaembae oikove vae reta, jare güɨra reta oveve ɨvɨ iárambo rupi vae, ara oasavi vae rupi.”

GÉNESIS 1:22

Jare iporerekua jese reta, jei körai: “Peñemuña jeta jare pemotɨnɨe ɨguasu. Güɨra reta, peñemuña jeta kuae ɨvɨ iárambo.”

GÉNESIS 1:25

Körai Tumpa oyapo opaete kuae mɨmba reta. Jare oecha ikavi yae ko.

GÉNESIS 1:31

Tumpa omae opaete oyapogüe re, oecha ikavi yae ete jembiapo reta. Jökorai ou pɨ̈tu jare ara, jae ko ovaa ara pe.

GÉNESIS 2:19

YandeYa Tumpa güeru Adán pe opaete ɨvɨ güi oyapogüe, opaete mbaemɨmba ñana rupigua, jare opaete güɨra reta, ipuere vaerä omae jese jare kërai ombojee. Jare opaete oikove vae reta Adán ombojee vae, jökorai ko jee.

GÉNESIS 6:20

Güɨra reta ñavo ambuaeyee vae, jare mbaemɨmba ñavo ambuaeyee vae jare opaete ipɨtía re oguata vae, oiketa nde ndive mókoi mókoi päve, oikove reta vaerä.

GÉNESIS 7:14

Jae reta, jare opaete mɨmba reta ñavo ambuaeyee oyougüi vae, ñana rupigua jare tëta rupigua, opaete ipɨtía re oguata vae jare opaete güɨra ñavo ambuaeyee oyougüi vae.

GÉNESIS 8:17

Enoe vi opaete mɨmba reta ñogüɨnoi nde ndive vae: Güɨra reta, jevae reta jare opaete ipɨtía re oguata vae. Jare toyogüɨraja toñemuña reta ɨvɨ iárambo rupi.”

GÉNESIS 8:19

Jare vi opaete mɨmba reta, jare opaete ipɨtía re oguata vae jare opaete güɨra reta, jare opaete ɨvɨ iárambo omɨi vae ñavo oë reta arca güi.

GÉNESIS 9:2

Opaete mbaemɨmba ɨvɨ pegua tokɨɨye pegüi, güɨra reta, opaete oikove vae, jare opaete jevae reta ɨguasu pe ñogüɨnoi vae. Pepo pe ko oñemee.

GÉNESIS 9:7

Ërei pe reta, peñemuña jeta kuae ɨvɨ pe. Pemotɨnɨe kuae ɨvɨ.”

JOB 12:7

Eparandu añave mɨmba reta pe, jae reta tandemboe, güɨra reta pe, jae reta toechauka kavi ndeve.

JOB 26:5

Omanogüe vae reta orɨrɨi okɨɨye güi ɨvɨ igüɨ rupi, ɨguasu reta jare pɨpegua reta orɨrɨi okɨɨye güi.

JOB 7:12

¿Ɨguasu ani mbaeporou ɨguasu pegua yera che, reñono vaerä cheré omaeäro vae?

SALMOS 148:7

¡Pemboete yandeYa ɨvɨ güi, mbaeporou ɨguasu rupigua reta, jare ɨ rugua tɨpɨ yae vae vi!

ÉXODO 1:7

Jare Israel taɨ reta jeta yae oñemuña, jeiete okuakuaa reta jare imbaepuere yae reta, jökorai jae reta omotɨnɨe jókuae ɨvɨ.

ÉXODO 8:3

Oñemuñata pïte ɨ̈aka rupi, kuae reta oëta jare yogüeruta oike ndero pe, rekea iárambo jare nderupa re, nderembiokuai reta jo re, nerëta pegua reta re, nde horno pe jare opaete mbaembae ikavigüe reta reñovatúa pe.

EZEQUIEL 32:2

“Nde kuimbae, etairari kuae tairari mano pegua pe Faraón mburuvicha guasu Egipto pegua re körai: ‘Nde reï yaguapope rami tëtaguasu reta pe; mbaeporou päicha guasu ɨguasu rupigua rami, remondɨpa neɨ̈aka, repɨ̈ro ɨ jembeɨ rupi, rembojuúmbai ndepɨ pe.’

JONÁS 1:17

Ërei yandeYa yepe oime omokätɨro jevae tuicha yae vae ɨ rupigua, jouka vaerä Jonás. Jare Jonás oiko jevae ɨ rupigua jɨe pe mboapɨ ara jare mboapɨ pɨ̈tu.

JONÁS 2:10

Jare yandeYa omondo jevae ɨ rupigua ɨ jembeɨ kotɨ jare joko pe ogüëe, jare omoë Jonás ɨ jembeɨ pe.

San Mateo 12:40

Echa Jonás opɨta mboapɨ ara jare mboapɨ pɨ̈tu jókuae jevae tuicha yae vae ɨ rupigua jɨe pe. Jökorai che Kuimbaerä ayeapo vae apɨtata mboapɨ ara jare mboapɨ pɨ̈tu ɨvɨgüɨ pe.