Filemón 1:9 - Biblia Guarani Tumpa Iñee

⁹ Ërei mboroaɨu reve romoñera; che chendechi ma ko, jare añave Jesucristo jembipɨɨ;

Nuevo Testamento Guaraní Pe

⁹ Erei mboroaɨu checotɨ renoi rambue, che etei romoñeraño. Chendechi ma co, jare che co jae metei tembipɨɨ Cristo Jesús pe ayeócuai rambue.

Filemón 1:9 Iomraidhean Croise

SALMOS 71:18

CheRu Tumpa, agüɨye chereeya, yepe tëi chendechi jare cheatï, amoërakua regua ndembaepuere kuimbae reta iñemuña pe, jare taɨkue rupi yogüɨrekota vae reta pe.

SALMOS 71:9

Agüɨye chereröɨro chendechi ma yave; agüɨye chereeya mbaetɨ ma chepɨ̈rata yave.

PROVERBIOS 16:31

Indechi vae imboetea ko, jupi rupi oiko jeko pegua.

ISAÍAS 46:4

jare jekuaeñota poangareko pendechi regua, peatï ma yave jekuaeñota ayangareko peré. Che ko poapo, jekuaeñota ko pogüɨroata, poangarekota jare pogüɨroasayepeta.

Romanos 12:1

Jáeramo, cherɨvɨ reta, pomoñera Tumpa iporopareko rupi, pemee chupe perete, mɨmba oyeyukagüe Tumpa pe oñemee rami, peñeñono tee chupe, jae omboyerovia vae. Echa jupi ko körai añetete rupi pemboete vaerä Tumpa.

2 Corintios 5:20

Jáeramo Cristo yandemondo jae jee re jekovia pe, Tumpa etei imiari oï yande rupi rami. Jáeramo pomoñera Cristo jee re, peñeñono kavi ye Tumpa ndive.

2 Corintios 6:1

Ore roparavɨkɨ Tumpa peguarä. Jáeramo pomoñera agüɨye vaerä peyuvangaiño Tumpa ipɨakavi re.

Gálatas 3:26

echa opaete pe reta Tumpa taɨ reta ko, perovia Cristo Jesús re vae rupi;

Efesios 3:1

Kuae jeko pegua che Pablo, Cristo Jesús jembipɨɨ, pe judiombae vae reta re;

Efesios 4:1

Che tembipɨɨ yandeYa re vae, pomoñera peguata kavi vaerä, Tumpa oenɨigüe reta oguata rami kavi:

Efesios 6:20

Echa Tumpa chembou jekovia pe amoërakua vaerä; kuae jeko pegua tembipɨɨ aï. Peyerure cheré, amoërakua vaerä akɨɨyembae reve.

1 Timoteo 1:12

Amee yasoropai yandeYa Cristo Jesús chemomɨ̈rata vae pe, omae cheré jupi ramo cheñono iparavɨkɨ pe,

Tito 2:2

Ndechi reta agüɨye tei teiiño, jeko tisɨmbi, toyeandu katu, tipɨ̈rata iporogüɨrovia pe, iporoaɨu pe jare tipɨaguasu.

Hebreos 13:19

Jare che pomoñera yae peyerure vaerä Tumpa pe, jae chemondo ye vaerä jarembaeño pépɨri.

1 Pedro 2:11

Cherɨvɨ aaɨu vae reta, pomoñera ketɨgua rami peiko kuae ɨvɨ pe vae, peyeandu pesoo jemimbota reta oïraro perekove vae güi.

JUECES 21:22

Jare kuñatai reta tu ani ikɨvɨ reta yogüeru iñeengeta jese oreve yave, roeta chupe: ‘Pomoñera peɨ̈ro vaerä chupe reta, echa ore roñeraro Jabes-galaad pegua reta ndive yave mbaetɨ orepuere roväe kuña opaete peguarä. Jare pe reta mbaetɨ ko pemee chupe reta, penoi vaerä teko jókuae ñererökuavee Tumpa jee re oyeapo vae kotɨ.’ ”