ÉXODO 8:21 - Biblia Guarani Tumpa Iñee

²¹ Echa mbaetɨ remaeño yogüɨraja reta yave, che amondota ndeve, jare nderembiokuai reta pe, opaete nerëta pegua reta pe jare ndero pegua reta pe jeta mberu oyopara para vae; jökorai opaete Egiptoɨgua reta jo tɨnɨeta jeta oipotagüe mberu pe, jare opaete ɨvɨ rupi jae reta ñogüɨnoia rupi.

ÉXODO 8:21 Iomraidhean Croise

SALMOS 105:31

Tumpa omoë iñee yave, jeta yeyé mberu, jare jeta yae kɨ́ opaetei iɨvɨ rupi.

SALMOS 78:45

Ombou chupe reta mberu jare pïte, opaetei mbae güɨrokomegua.

ÉXODO 10:6

Jare omotɨnɨeta ndero reta jare opaete nderembiokuai reta jo, jare opaete Egiptoɨgua reta jo. ¡Nderu reta jare neramɨi reta ave mbaetɨ oecha kuae ɨvɨ pe yogüɨrekoɨpɨ güive vae!” Opa körai jei yave, oyerova ye ojo Faraón jóvai güi.

ÉXODO 8:20

YandeYa jei Moisés pe: —Ndeimbove epüa jare ekua Faraón jóvai; mase, jae ojota ɨ̈aka pe, jare ere chupe: “OreYa jei körai: ‘Emaeño toyogüɨraja tëta chembae, chemboete vaerä.

ÉXODO 8:22

Ërei jókuae ara che añono teeta ɨvɨ Gosén, echa joko pe tëta chembae oiko; agüɨye vaerä metei mbae nunga mberu ave oï jókuae ɨvɨ pe, reikuaa vaerä che ko peYa jókuae ɨvɨ pe oï vae.

ÉXODO 8:24

Jare yandeYa oyapo jökorai, ombou jeta ye oipotagüe mberu oporomoambeko yae ete Faraón jo pe vae, jare jembiokuai reta jo pe, jare opaete tëta guasu Egipto re; jare opaetei ɨvɨ oikomegua kuae mberu reta jeko pegua.

ISAÍAS 7:18

Jókuae ara rupi yandeYa güeruta mberu rami mombɨrɨ Egipto iɨ̈aka rupi yogüɨreko vae reta, jare güeruta kävee rami Asiriaɨgua reta.