ÉXODO 8:16 - Biblia Guarani Tumpa Iñee

¹⁶ Jayave yandeYa jei Moisés pe: —Ere Aarón pe: “Eropövee ndepopoka jare eiporu ɨvɨkúi re, oyeapo vaerä kɨrä opaete kuae tëta guasu Egipto pe.”

ÉXODO 8:16 Iomraidhean Croise

SALMOS 105:31

Tumpa omoë iñee yave, jeta yeyé mberu, jare jeta yae kɨ́ opaetei iɨvɨ rupi.

ÉXODO 4:23

Che jae ma ndeve remaeño vaerä yogüɨraja chemboete; ërei mbaetɨ ramo remaeño yogüɨraja, che ayukata nderaɨrɨpɨ.”

ÉXODO 5:1

Kuae jaɨkue rupi Moisés jare Aarón yogüɨraja jei Faraón pe: —OreYa, Israel iTumpa jei körai: “Emaeño toyogüɨraja chembae vae reta ñuu kotɨ oyapo vaerä cheve arete mbaemboete pegua.”

ÉXODO 8:15

Ërei Faraón oecha jaekaviño ma oputuu ye yave, omotäta ipɨa jare mbaetɨ oipota oyeapɨsaka jae reta iñee re, yandeYa jei rami.

ÉXODO 8:17

Jare jae reta jökorai oyapo; Aarón omopüa ipo, jare oiporu ipopoka ɨvɨkúi re, jare jókuae ɨvɨkúi oyeapo kuimbae reta ikɨrä jare opaete mɨmba reta ikɨrä vi; jökorai opaete ɨvɨkúi oyeapo kɨrä opaete tëta guasu Egipto pe.

ÉXODO 8:18

Jare imbaekuaa vae reta jökorai vi oyapo tëi, imbaekuaa rupi oyapo vaerä kɨ́; ërei mbaetɨ ipuere oyapo reta. Jare ikɨ opaete kuimbae reta jare opaete mɨmba reta.

ÉXODO 8:5

YandeYa jei Moisés pe: —Ere Aarón pe: “Eropövee ndepopoka ɨ̈aka reta re, ɨ̈aka raɨ reta jare ɨupa reta re, joko güi oë vaerä pïte reta opaete ɨvɨ Egipto re.”