ÉXODO 7:16 - Biblia Guarani Tumpa Iñee

¹⁶ Joko pe ere chupe: “OreYa, hebreo reta iTumpa chembou ndekotɨ, jae vaerä ndeve jae jei vae: Emaeño toyogüɨraja tëta chembae, chemboete vaerä ñuu pe; ërei nde jekuaeñoi mbaetɨ reipota reyeapɨsaka cheñee re.

ÉXODO 7:16 Iomraidhean Croise

ÉXODO 10:3

Jayave Moisés jare Aarón yogüɨraja Faraón pɨri, jare jei reta chupe: —OreYa, hebreo reta iTumpa jei körai: “¿Kërai yave regua pa mbaetɨta reñemomichi cheróvai? Emaeño toyogüɨraja tëta chembae, chemboete vaerä;

ÉXODO 13:15

Jare Faraón omotäta ipɨa, omaeñoä roë yave yandeYa opa oyukauka ɨvɨ Egipto pe opaete membɨrɨpɨ kuimbae, kuimbae taɨrɨpɨ güive jare mɨmba imembɨrɨpɨ kuimbae; kuae jeko pegua ore royuka yandeYa peguarä opaete mɨmba imembɨrɨpɨ kuimbae, jare romee ko mbota oreraɨrɨpɨ reta jekovia pe.

ÉXODO 14:5

Jare Faraón mburuvicha guasu Egipto pegua pe jërakua Israel iñemuña reta opa ko otekuarai; jayave jae jare imborɨa reta ipɨa oyepoepɨ Israel iñemuña reta kotɨ, jare jei reta: “¿Maera ra yayapo kuae, ñamaeño opa yogüɨraja oyeokuai vaerägüe yandeve reta?”

ÉXODO 3:12

Jare Tumpa jei: —Ekua, echa che aïta nde ndive; jare kuae toï ikañɨmaa vaerä che etei ko romondo vae: Renoe ma Egipto güi tëta chembae yave, chemboeteta kuae ɨvɨtɨ re.

ÉXODO 3:13

Jare Moisés jei Tumpa pe: —Mase, aja aväe yave Israel iñemuña reta pɨri, jare jaeta chupe reta: “Peñemuñagüe reta iTumpa chembou pekotɨ,” jare jae reta oparandu yave cheve: “¿Mbae pa jee?” ¿Che pa, mbae jaeta chupe reta?

ÉXODO 3:18

Oendu retata neñee; jare reota nde jare Israel iñemuña itenondegua reta ndive mburuvicha guasu Egipto pegua pɨri, jare pereta chupe: “OreYa, hebreo reta iTumpa oyekuaa oreve; jáeramo, añave rojota ñuu kotɨ, mboapɨ ara roguatata romee vaerä mɨmba oyeyukagüe oreYa Tumpa pe.”

ÉXODO 4:22

Jare rereta Faraón pe: “Körai jei cheYa: Israel jae ko cheraɨrɨpɨ.

ÉXODO 4:23

Che jae ma ndeve remaeño vaerä yogüɨraja chemboete; ërei mbaetɨ ramo remaeño yogüɨraja, che ayukata nderaɨrɨpɨ.”

ÉXODO 7:4

Jare Faraón ngaraa oyeapɨsaka peñee re; ërei che aitɨta chembaepuere Egipto re, anoeta chesundaro reta, chembae vae, Israel iñemuña reta ɨvɨ Egipto güi tuichagüe morojäa rupi.

ÉXODO 8:1

Jayave yandeYa jei Moisés pe: —Eike Faraón oïa pe jare ere chupe: “CheYa Tumpa jei körai: Emaeño toyogüɨraja tëta chembae, chemboete vaerä.

ÉXODO 8:20

YandeYa jei Moisés pe: —Ndeimbove epüa jare ekua Faraón jóvai; mase, jae ojota ɨ̈aka pe, jare ere chupe: “OreYa jei körai: ‘Emaeño toyogüɨraja tëta chembae, chemboete vaerä.

ÉXODO 9:1

Jayave yandeYa jei Moisés pe: —Eike Faraón oïa pe jare ere chupe: “OreYa, hebreo reta iTumpa jei körai: ‘Emaeño toyogüɨraja tëta chembae oyeokuai vaerä cheve.

ÉXODO 9:13

Jayave yandeYa jei Moisés pe: —Epüa ekua ndeimbove ere Faraón pe: “Körai jei cheYa, hebreo reta iTumpa: ‘Emaeño toyogüɨraja tëta chembae, chemboete vaerä;

ISAÍAS 45:13

Che ko añono Ciro oporomoamɨri vaerä, che amboipeta opaete tape chupe; jae omopüa yeta tëta guasu chembae, jare oyorata chembae vae reta tembipɨɨrä mombɨrɨ rupi ñogüɨnoi vae, okovarambae reve jese.” YandeYa Imbaepuere yae ete vae jei jökorai.

JEREMÍAS 50:33

YandeYa Imbaepuere yae ete vae jei: “Israel pegua reta jare Judá pegua reta pe oiporarauka yae ñogüɨnoi. Jovaicho reta güɨnoi tembipɨɨrä, mbaetɨ oipota oyora reta.